1 Timoteo 6:20 - Rapa Nui

²⁰ E Timoteo, e maꞌu riva-riva te meꞌe vaꞌai atu e te ꞌAtua. ꞌIna koe ko haka roŋo ki te vānaŋa hauhaꞌa-ꞌore o te ao nei ꞌe ki te vānaŋa ꞌina he tano ki te hāpī parautiꞌa o ruŋa i te ꞌAtua hāpī e te tētahi pa he parautiꞌa.

1 Timoteo 6:20 ပူးပေါင်းရင်းမြစ်များ

Aŋa o te ꞌĀpōtoro 16:1

He oho ia a Pauro ki Reve ꞌe mai ira ki Rītara. ꞌI Rītara i māhani ai ki te taŋata ⌊haka moe i te manaꞌu⌋ ꞌi ruŋa i a Ietū te ꞌīŋoa ko Timoteo. A ia he poki o te viꞌe ⌊hūrio⌋ haka moe i te manaꞌu ꞌi ruŋa i a Ietū ꞌe tōꞌona matuꞌa tane he ⌊kirieko⌋.

Aŋa o te ꞌĀpōtoro 17:18

He haka tātake ia ki a Pauro e te tētahi nuꞌu maꞌori o te hāpī he ēpikureo ꞌe o te hāpī he ētōiko. ꞌE, ꞌi te huru o te vānaŋa ꞌa Pauro, he ꞌui ki a rāua ꞌā: «¿He aha te meꞌe vānaŋa e te reo-reo era?». ꞌE o te tētahi te kī: «Pa he meꞌe ena: a ia he taŋata haka ꞌite o ruŋa i te ꞌatua o te rua henua». E kī era i te meꞌe nei ꞌo te haka ꞌite o Pauro i te ⌊roŋo riva-riva o ruŋa i a Ietū⌋ ꞌe o ruŋa i te ora o te taŋata mai te mate.

Aŋa o te ꞌĀpōtoro 17:21

Te nuꞌu, paꞌi, o ꞌĀtena ꞌe pē ira takoꞌa ꞌana te nuꞌu kē noho o ira, te aŋa, ꞌi te rāua hora topa, he ꞌaꞌamu o ruŋa i te meꞌe ꞌāpī ŋaroꞌa e rāua.

Rōmano 1:22

E kī ena he nuꞌu mārama-rama a rāua, ꞌe te parautiꞌa nuꞌu taꞌe mārama-rama,

Rōmano 3:2

Meꞌe rahi nō atu. E tahi o rā ŋā meꞌe: he haka ꞌite o te ꞌAtua i tāꞌana vānaŋa ki te hūrio.

1 Kōrinto 2:6

Te parautiꞌa, ꞌi roto i te nuꞌu e hio-hio rō ꞌā te rāua haka moe iŋa i te manaꞌu ꞌi ruŋa i a Ietū e hāpī nei a mātou hai vānaŋa mārama-rama, ꞌe rā mārama-rama taꞌe he mārama-rama o te taŋata ꞌo he mārama-rama o te nuꞌu pūꞌoko haka tere o te ao nei. Te pūai, paꞌi, o te rāua mārama-rama pe te ŋaro pe te oho nō.

1 Kōrinto 3:19

Te manaꞌu mārama-rama o te taŋata o te ao nei he meꞌe maꞌa-maꞌa nō atu e tahi mo te ꞌAtua. Pa he meꞌe kī ꞌi ruŋa i te ⌊Pāpaꞌi Moꞌa⌋: «Te nuꞌu manaꞌu he nuꞌu mārama-rama a rāua e haka ꞌite rō ꞌā e te ꞌAtua taꞌe pē ira hai taꞌe haꞌatiꞌa mo tano o te rāua meꞌe manaꞌu mo aŋa».

Kōrosa 2:18

ꞌIna takoꞌa ko tapa atu i te nuꞌu taꞌe haka au atu i a kōrua ꞌi te taꞌe haꞌamuri pē rāua ki te merahi. E haka tuꞌu rō ꞌana i a rāua pa he nuꞌu haumārū, taꞌe manaꞌu i hau rō atu ki te rua, ꞌe te parautiꞌa mau, he teꞌo-teꞌo nō te aŋa ꞌo te ai, ki te rāua kī, ko takeꞌa ꞌana i te meꞌe i haka takeꞌa e te ꞌAtua. ꞌE te meꞌe aŋa he haka paka ꞌi te manaꞌu taŋata nō.

Kōrosa 2:8

E uꞌi kōrua e te nuꞌu ꞌo reo-reo atu hai hāpī taꞌe parautiꞌa, he haka tere iŋa poreko mai te manaꞌu taŋata nō, ꞌo he meꞌe haka manaꞌu e te tātane haka tere i te ao nei. Te hāpī nei taꞌe ꞌa Ietū Kiritō.

2 Tētārōnika 1:4

ꞌO ira a mātou e vānaŋa nei hai koa o ruŋa i a kōrua ꞌi roto i te nuꞌu ⌊haka moe i te manaꞌu⌋ ꞌi ruŋa i a Ietū ꞌi te kona taꞌatoꞌa tuꞌu o mātou. E ꞌaꞌamu rō ꞌā e mātou pē hē kōrua e haka moe e oho nō ena i te manaꞌu ꞌi ruŋa i a Ietū, ꞌina he ꞌaka-ꞌaka te kōrua manaꞌu, ka ai atu e rahi rō ꞌana te ꞌati topa atu ꞌe e ai rō ꞌana te nuꞌu tute i a kōrua mo tōtōā.

2 Tētārōnika 2:15

ꞌO ira, e te taina ē, e haka noho e oho te kōrua manaꞌu ꞌi ruŋa i a Ietū ꞌe ꞌi ruŋa i te meꞌe hāpī atu era e mātou, ka ai i vānaŋa ꞌo i pāpaꞌi atu.

1 Timoteo 1:11

He hāpī nā o te roŋo riva-riva hopeꞌa o te nui-nui mo haka ꞌite e au, uŋa mai e te ꞌAtua, ki a ia ana haꞌahana-hana.

1 Timoteo 1:2

he ꞌaroha atu ki a koe, e Timoteo ē. A koe pa he poki parautiꞌa mau ꞌana ꞌāꞌaku ꞌi te haka moe iŋa i te manaꞌu ꞌi ruŋa i a Ietū. Ka ai ꞌi ruŋa i a koe te riva rahi, te haka ꞌaroha ꞌe te haumārū o te ꞌAtua, he Matuꞌa o tātou, ꞌe o Ietū Kiritō, he Pūꞌoko Haka Tere o tātou.

1 Timoteo 1:4

ꞌe mo taꞌe haka roŋo haka ꞌou ki te ꞌaꞌamu taꞌe parautiꞌa o ruŋa i te hakaara. Te meꞌe nō, paꞌi, mo ravaꞌa mai te ŋā meꞌe era he tātake. He māuꞌa ia te hora mo haka ꞌite i te ara parautiꞌa o te ꞌAtua, he meꞌe ana aŋi-aŋi mau nō e ⌊haka moe i te manaꞌu⌋ ꞌi ruŋa i a ia.

1 Timoteo 1:6

ꞌE nā ko oho kē ꞌana te tētahi taŋata mai te ara parautiꞌa, ꞌe ꞌi roto i te tātake tahaŋa i ŋaro ai.

1 Timoteo 1:9

ꞌE ko ꞌite takoꞌa ꞌā e tātou ꞌina kai pāpaꞌi e tahi roŋo mo te nuꞌu aŋa i te meꞌe riva-riva. Te roŋo i pāpaꞌi ai mo te nuꞌu haka ꞌāriŋa, mo te nuꞌu taꞌe haka roŋo, mo te nuꞌu taparahi-taꞌata, mo te nuꞌu hara, mo te nuꞌu taꞌe ꞌite i te moꞌa i te ꞌAtua ꞌe i tāꞌana hāpī parautiꞌa, mo te nuꞌu tiŋaꞌi haka mate i tōꞌona matuꞌa tane ꞌe matuꞌa vahine, mo te nuꞌu taꞌatoꞌa tiŋaꞌi haka mate i te taŋata,

1 Timoteo 4:7

ꞌIna koe ko haka roŋo ki te ꞌaꞌamu maꞌa-maꞌa o te taŋata. Ka aŋa ka oho nō koe mo ꞌata pūai ōꞌou pa he taŋata moꞌa ꞌe haꞌatura ki te ꞌAtua.

1 Timoteo 6:11

ꞌE a koe, e te taŋata o te ꞌAtua ē, e tere mai te ŋā meꞌe taꞌatoꞌa nei. Tuꞌu noho iŋa e ai noho iŋa tī-tika, moꞌa ꞌe haꞌatura ki te ꞌAtua. E haka moe e oho koe i te manaꞌu ꞌi ruŋa i a Ietū, e haŋa ki te rua, e ꞌite i te haꞌaoromaꞌi i te ꞌati hai pūai, ꞌe te meꞌe taꞌatoꞌa kī ꞌe aŋa e koe e aŋa hai haumārū.

1 Timoteo 6:14

e aŋa tahi koe i tāꞌaku meꞌe kī atu ena, ꞌe e noho e oho koe ꞌina e tahi hape ꞌātā ki te hoki iŋa mai o te tātou Pūꞌoko Haka Tere ko Ietū Kiritō

2 Timoteo 2:1

E haŋu, e haka pūai koe hai riva rahi o te ꞌAtua vaꞌai atu hai Ietū Kiritō.

2 Timoteo 2:16

ꞌIna koe ko haka roŋo ki te vānaŋa tahaŋa o te nuꞌu taꞌe ⌊haka moe i te manaꞌu⌋ ꞌi ruŋa i a Ietū. Te nuꞌu vānaŋa, paꞌi, pē ira pe te ꞌava-ꞌava pe te oho nō mai muri i te ꞌAtua,

Tito 1:14

ꞌo haka roŋo rō ki te ꞌaꞌamu reo-reo o te tētahi ⌊hūrio⌋ ꞌe ꞌo haꞌatura rō ki te meꞌe kī e te nuꞌu ꞌina he haŋa ki te roŋo parautiꞌa.

Tito 1:9

Te kope nei e haka hio-hio i te manaꞌu ki te roŋo parautiꞌa o te ꞌAtua hāpī ki a ia, ki tano ai mo haka haŋu i te manaꞌu o te tētahi taŋata hai rā roŋo ꞌe mo haka takeꞌa ki te nuꞌu taꞌe haŋa ki te roŋo parautiꞌa he aha te hape o te rāua manaꞌu.

Tito 3:9

E Tito, ꞌina koe ko haka māuꞌa tuꞌu hora ki te tātake tahaŋa o ruŋa i te hakaara tupuna ꞌe o ruŋa i te ⌊haka tere iŋa era ꞌa Mōtē⌋; ꞌina, paꞌi, e tahi meꞌe riva-riva mo ravaꞌa.

Meꞌe Haka Takeꞌa 3:3

Ka manaꞌu koe ki te hāpī vaꞌai atu era koia ko hārui haka ꞌou i tuꞌu manaꞌu ki te ꞌAtua ꞌe ꞌai ka haꞌatura ka oho rō ki rā hāpī. Mo taꞌe aŋa ōꞌou pē ira, he tuꞌu atu a au pa he toke-toke haka ūtuꞌa i a koe ꞌi te hora ꞌina kai ꞌite hia e koe.