1 Timoteo 6:2 - Rapa Nui

² ꞌE mo ai te taŋata haka aŋa i a rāua he kope haka moe i te manaꞌu ꞌi ruŋa i a Ietū, ꞌina ko taꞌe moꞌa ꞌo te ai he taina haka moe i te manaꞌu ꞌi ruŋa i a Ietū. Te tano mau: e ꞌata aŋa riva-riva ꞌo te ai te kope era ki a ia e tāvini era he taina haŋa rahi. E Timoteo, ka hāpī te meꞌe pāpaꞌi atu ena e au ꞌe ka kī ki te taina: hai meꞌe nei a rāua ana haka tere.

1 Timoteo 6:2 ပူးပေါင်းရင်းမြစ်များ

Māteo 23:8

»A kōrua, ꞌina ko haꞌatiꞌa mo kī atu e tahi taŋata: “e te maꞌori”. A kōrua taꞌatoꞌa, paꞌi, he taina ꞌe e tahi mau nō kōrua Maꞌori.

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Māteo 6:24

»ꞌIna e tahi kope mo ravaꞌa mo tāvini, ꞌi tū hora ꞌā, ki te ŋāŋata hoko rua. Mo aŋa pē ira, ki te kope e tahi ka haŋa era ꞌe ki te rua ꞌina. He haꞌatura ki te taŋata e tahi ꞌe ki te rua ka taꞌe haka au era. Te auraꞌa: e ko tano koe mo aŋa ki te ꞌAtua ꞌe ki te hauhaꞌa ꞌi tū hora ꞌā.

Aŋa o te ꞌĀpōtoro 1:15

ꞌI rā ŋā mahana he vānaŋa a Pētero ki te nuꞌu taka-taka ⌊haka moe i te manaꞌu⌋ ꞌi ruŋa i a Ietū e hoꞌe hānere piti ꞌahuru, he kī:

Rōmano 11:17

Te hūrio pa he tumu ꞌōrivo mai ruŋa i paꞌo ai i te tētahi maŋa, ꞌe a rā ŋā kona paꞌo mau era ꞌā i haka puā haka ꞌou ai hai maŋa ꞌōrivo o ꞌuta taꞌe hāpaꞌo e te taŋata, te auraꞌa, ko kōrua he nuꞌu taꞌe hūrio. Pē ira e ora ena ꞌi te hora nei hai tāpau ꞌe hai aka o rā tumu.

Rōmano 8:29

Te manaꞌu, paꞌi, ōꞌona mo rāua mai muꞌa ꞌā: mo ai o te māhatu pa he māhatu o tāꞌana Poki, ki ai ai rā Poki he ꞌatariki o te meꞌe rahi nō atu taina.

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Ēfeto 1:1

A au, a Pauro, ⌊ꞌāpōtoro⌋ ꞌa Ietū Kiritō hai haŋa o te ꞌAtua, he ꞌaroha atu ki a kōrua ki te taŋata haꞌataꞌa e ia māꞌana o Ēfeto, nuꞌu ꞌa Ietū Kiritō ꞌo te ⌊haka moe i te manaꞌu⌋ ꞌi ruŋa i a ia.

Ēfeto 1:15

Mai te hora ꞌite ōꞌoku e haka moe rō ꞌana kōrua i te manaꞌu ꞌi ruŋa i a Ietū ꞌe e haŋa rō ꞌana ki te nuꞌu haꞌataꞌa e te ꞌAtua māꞌana,

Ēfeto 3:6

Rā parautiꞌa ko te meꞌe nei: mo haka moe o te nuꞌu taꞌe hūrio i te manaꞌu ꞌi ruŋa i a Ietū, mo rāua takoꞌa te haꞌamaitai ena o te ꞌAtua mo tōꞌona taŋata he itaraera. ꞌI te hora nei, te ⌊hūrio⌋ ꞌe te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū he nūnaꞌa mau nō e tahi, ꞌe te meꞌe taꞌatoꞌa hōrea e te ꞌAtua mo te hūrio mo rāua takoꞌa, ꞌi te meꞌe era a rāua takoꞌa, paꞌi, ꞌa Ietū Kiritō.

Kōrosa 1:2

he ꞌaroha atu ki a kōrua ki te nuꞌu taꞌatoꞌa haꞌataꞌa e te ꞌAtua māꞌana o Kōrosa, taina ⌊haka moe i te manaꞌu⌋ ꞌi ruŋa i a Ietū taꞌe haka rē i a ia ki te hora hopeꞌa. Ka ai ꞌi ruŋa i a kōrua te riva rahi ꞌe te haumārū o te ꞌAtua, Matuꞌa o tātou.

Kōrosa 1:4

Ko ŋaroꞌa ꞌana, paꞌi, e mātou pē nei ē: e haka moe rō ꞌana kōrua i te manaꞌu ꞌi ruŋa i a Ietū, ꞌe e haŋa rō ꞌana kōrua ki te nuꞌu taꞌatoꞌa haꞌataꞌa e te ꞌAtua māꞌana,

Kōrosa 4:1

ꞌE a kōrua, e te nuꞌu ai o te ꞌekaravo ē, e hāpaꞌo kōrua i a rāua ꞌe e aŋa i te meꞌe tī-tika. ꞌIna ko rehu: e ai takoꞌa rō ꞌana te kōrua Pūꞌoko Haka Tere ꞌi ruŋa i te raŋi.

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.

1 Timoteo 4:11

He ŋā meꞌe nei te meꞌe ꞌāꞌau mo hāpī ꞌe mo kī mo aŋa e te taina.

1 Timoteo 5:1

Ana kī tāꞌue koe i te hape o te taŋata paꞌari, e kī hai moꞌa, pa he kī iŋa ōꞌou ki tuꞌu matuꞌa tane. Ki te ŋāŋata ꞌāpī e kī pa he kī iŋa ōꞌou ki tuꞌu taina.

Tito 2:1

ꞌE a koe, e Tito ē, ana hāpī i te nuꞌu taina, e haka tano ki te hāpī parautiꞌa o te ꞌAtua.

Tito 2:15

He meꞌe nei e au e pāpaꞌi atu ena te meꞌe mo hāpī ꞌe mo kī e koe ki te taina mo aŋa, ki tano ai te rāua manaꞌu ꞌe te rāua noho iŋa ki te hāpī parautiꞌa o te ꞌAtua. ꞌE ana hape a rāua, e ture. I a koe, paꞌi, te parau; ꞌe ꞌina ko haꞌatiꞌa mo taꞌe moꞌa atu.

Tito 3:8

He parautiꞌa te ŋā meꞌe kī atu ena e au, ꞌe te meꞌe haŋa, ꞌi te hora nei, he haka aŋi-aŋi riva-riva e koe i nā ŋā meꞌe ki te nuꞌu haka moe i te manaꞌu ꞌi ruŋa i te ꞌAtua, ki ai ai o rāua he nuꞌu aŋa oho i te meꞌe riva-riva. Te hāpī ena he meꞌe tano ꞌe riva-riva mo te taꞌatoꞌa.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

1 Pētero 5:1

Hora nei e haŋa rō ꞌana a au mo hatu ki te ŋā pūꞌoko haka tere ena o kōrua o te nuꞌu ⌊haka moe i te manaꞌu⌋ ꞌi ruŋa i a Ietū. A au he pūꞌoko haka tere takoꞌa, pē rāua, ꞌe he mataꞌite o te ꞌati topa era ꞌi ruŋa i te ⌊Kiritō⌋. Pē rāua e oꞌo takoꞌa rō a au ꞌi roto i tōꞌona nui-nui ka haka takeꞌa ena, te auraꞌa, i a au takoꞌa, pe muꞌa ka oho ena, te huru riva ōꞌona.

2 Pētero 2:10

Te nuꞌu ka ꞌata haka ūtuꞌa ena e te ꞌAtua he nuꞌu taꞌe moꞌa i a ia ꞌe he nuꞌu aŋa oho i te meꞌe pohe nō o te hakari. ꞌE te ŋā maꞌori reo-reo nei he nuꞌu pūꞌoko hio-hio, taꞌe raku i te rāua vānaŋa, ꞌe taꞌe riꞌa-riꞌa mo kī i te vānaŋa taꞌe tano mo te kope ꞌata hau rō atu ki a rāua.

Hura 1:8

ꞌE, ka ai atu pē ira, te nuꞌu oꞌo atu era ki roto i a kōrua hai reo-reo ko te haka hara iŋa ꞌana i te rāua hakari. Pē nei e reo-reo ena: o te ꞌAtua te haka takeꞌa ꞌi roto i te moe vārua e tano rō ꞌā rā meꞌe. Te parautiꞌa mau, te nuꞌu nei ꞌina he haꞌatura ki te ꞌAtua ꞌe he parauꞌino nō te aŋa mo te merahi.