1 Timoteo 6:16 - Rapa Nui

¹⁶ ꞌIna o ruŋa i a ia te mate; ꞌi roto i te mōrī ꞌana-ꞌana e noho ena ꞌe ꞌi te pūai o rā mōrī e ko hāhine e tahi kope. ꞌIna ꞌā e tahi taŋata i takeꞌa ꞌe mo takeꞌa takoꞌa i a ia. Ki haꞌamuri ꞌe ki haꞌahana-hana tātou i te ꞌAtua; i a ia, paꞌi, te parau ꞌe te pūai mo haka tere i te meꞌe taꞌatoꞌa ꞌātā ki te hora hopeꞌa. ⌊ꞌĀmene⌋.

1 Timoteo 6:16 ပူးပေါင်းရင်းမြစ်များ

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 14:9

He pāhono e Ietū: —E Ripe, ꞌi muri i a kōrua ꞌana a au, ꞌe, ¿kai aŋi-aŋi ꞌā e koe ko ai a au? Te kope takeꞌa i a au ko takeꞌa ꞌā i te Matuꞌa. ¿He aha ia a koe e kī mai ena mo haka takeꞌa atu ōꞌoku i te Matuꞌa?

Iovani 6:46

»Tāꞌaku kī taꞌe ꞌō pē nei ē: ko takeꞌa ꞌā e te kope e tahi i te Matuꞌa. Te kope mau nō i takeꞌa ko te kope oho mai era mai muri i a ia.

Iovani 8:58

He pāhono e Ietū: —ꞌĪ a au he kī atu i te parautiꞌa: ko ai era ꞌana a au i poreko mai ai a ꞌAparahama.

Ēfeto 3:21

Ka haꞌahana-hana te taŋata i te ꞌAtua, ꞌi te hora nei ꞌe ki te hopeꞌa raꞌa, ꞌi te pūai nui-nui ōꞌona haka takeꞌa e ia hai Ietū Kiritō ꞌe hai nuꞌu taꞌatoꞌa haka moe i te manaꞌu ꞌi ruŋa i a ia. Ka ai pē ira.

Fīripo 4:20

Ki haꞌahana-hana tahi tātou ki te ꞌAtua, he Matuꞌa o tātou, ꞌātā ki te hopeꞌa raꞌa. ⌊ꞌĀmene⌋.

Kōrosa 1:15

O te ⌊Kiritō⌋ te haka ꞌite mai i te huru o te ꞌAtua, kope ꞌina he takeꞌa e tātou. Te Kiritō ko ai era ꞌana ꞌi raꞌe ki te aŋa i te ao, ꞌe i hau rō atu ki te meꞌe taꞌatoꞌa aŋa e te ꞌAtua.

1 Timoteo 1:17

¡Ki moꞌa ꞌe ki haꞌahana-hana tahi tātou, ꞌātā ki te hopeꞌa raꞌa, ki te ꞌAriki, he ꞌAtua ꞌina ōꞌona haꞌamata, ꞌina ōꞌona hopeꞌa, ꞌina he mate, ꞌina he takeꞌa, ꞌe e tahi mau nō! Ka ai pē ira.

ꞌEvereo 13:8

E te taina, ko tū manaꞌu ꞌā te manaꞌu o Ietū Kiritō ꞌi muꞌa ꞌā, ꞌi ꞌaŋarīnā ꞌe ki te hora hopeꞌa.

Tanatiako 1:17

taꞌatoꞌa meꞌe riva-riva ai o tātou mai te ꞌAtua e ai mai ena. ꞌĀꞌana, paꞌi, i aŋa i te meꞌe taꞌatoꞌa māꞌeha o te raŋi. Te ŋā meꞌe nei e huri rō ꞌana ꞌi tōꞌona hora: e pōꞌuri rō ꞌā ꞌe e māꞌeha rō ꞌana. ꞌE te huru o te ꞌAtua ꞌina he huri.

1 Iovani 1:5

Te roŋo hāpī mai era e Ietū Kiritō ꞌe e haka ꞌite atu ena e mātou: te ꞌAtua he Mōrī ꞌe ꞌina he meꞌe pōꞌuri ꞌi ruŋa i a ia.

1 Iovani 1:7

ꞌE mo noho o tātou ꞌi roto i te mōrī, pa he oho iŋa o te ꞌAtua, i a tātou te ora ꞌāpī o te ꞌAtua, ꞌe te toto o tāꞌana poki ena ko Ietū e haka kore rō ꞌana i te tātou hara.

1 Iovani 4:12

Ka ai atu ꞌina e tahi kope i takeꞌa i te ꞌAtua, mo haŋa o tātou ki te rua, he noho te ꞌAtua ꞌi roto i a tātou, ꞌe tōꞌona haŋa he takeꞌa ꞌi ruŋa i te tātou haka tere iŋa.

Meꞌe Haka Takeꞌa 1:6

Ko haka riro ꞌana i a tātou he nūnaꞌa taŋata haka tere ꞌāꞌana, ꞌe he ⌊oromatuꞌa⌋ aŋa ki te ꞌAtua, he Matuꞌa ōꞌona. ¡Ka ai i a ia te haꞌahana-hana o te taꞌatoꞌa ꞌe te pūai mo haka tere i te ao taꞌatoꞌa ꞌātā ki te hopeꞌa raꞌa! ⌊ꞌĀmene⌋.

Meꞌe Haka Takeꞌa 1:8

Te ꞌAtua o te hora nei, o muꞌa ꞌā ꞌe ka tuꞌu mai ena, ꞌAtua i a ia te pūai taꞌatoꞌa, pē nei e kī ena: «A au he Haꞌamata ꞌe he Hopeꞌa».

Meꞌe Haka Takeꞌa 21:3

ꞌE he ŋaroꞌa e au i te reꞌo pūai e tahi mai te kona pepe noho ꞌariki era e kī ꞌā: «Mai te hora nei pe muꞌa, ka noho ena te ꞌAtua ꞌi muri i tāꞌana taŋata. Ki a ia a rāua ka haꞌatura tahi ena. ꞌE ꞌina he ꞌAtua e ko haka rē i a rāua ki te hora hopeꞌa.

Meꞌe Haka Takeꞌa 22:5

ꞌIna he pō rā kona. ¿Mo aha atu ꞌā te hakariꞌi ꞌe te raꞌā o rā nuꞌu? O te ꞌAtua, paꞌi, he Pūꞌoko Haka Tere, te haka māꞌeha i a rāua, ꞌe ananake ka haka tere ena ꞌātā ki te hopeꞌa raꞌa.

Meꞌe Haka Takeꞌa 4:11

«E te mātou Pūꞌoko Haka Tere ē, e te mātou ꞌAtua ē, mōꞌou te meꞌe he moꞌa, he haka nui-nui, ꞌe he haꞌahana-hana o te taŋata taꞌatoꞌa. ꞌĀꞌau, paꞌi, i aŋa i te meꞌe taꞌatoꞌa o te ao; hai haŋa ōꞌou e ai ena ꞌe i aŋa tahi ai».

Meꞌe Haka Takeꞌa 7:12

ꞌe he kī pē nei ē: «¡He aŋi ꞌana! Te meꞌe mo te tātou ꞌAtua: he haꞌahana-hana, he haka nui-nui, he moꞌa ꞌe he māuru-uru o te taꞌatoꞌa ꞌo te ꞌite ōꞌona i te meꞌe taꞌatoꞌa, ꞌo te ai i a ia te pūai ꞌe te mana. Ki haꞌahana-hana tātou ki a ia ꞌātā ki te hopeꞌa raꞌa. ¡⌊ꞌĀmene⌋!».