1 Timoteo 6:13 - Rapa Nui

¹³ E Timoteo, he kī atu au ꞌi muꞌa i te ꞌAtua, i a ia te ora o te meꞌe taꞌatoꞌa, ꞌe ꞌi muꞌa i a Ietū Kiritō, kī i te parautiꞌa ꞌi muꞌa o Pontio Pirato:

1 Timoteo 6:13 ပူးပေါင်းရင်းမြစ်များ

Māteo 27:11

He haka māroa i a Ietū ꞌi muꞌa o tū suerekao era ko Pirato, ꞌe ꞌāꞌana i ꞌui: —¿He ꞌariki koe o te hūrio? —ꞌĀꞌau i kī —i pāhono ai e Ietū.

Māteo 27:2

He maꞌu ia i a Ietū e here-here rō ꞌana he vaꞌai ki a Pirato, he suerekao rōmano.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 19:11

He pāhono e Ietū: —E ko ai i a koe te parau o ruŋa ōꞌoku ꞌāhani i taꞌe haꞌatiꞌa atu e te ꞌAtua. ꞌO ira te kope vaꞌai atu era i a au ki a koe ꞌata hau ꞌi te hara ki a koe.

Iovani 5:21

»Pa he vaꞌai iŋa e te Matuꞌa ki te taŋata mate i te ora, pē ira takoꞌa te Poki ka vaꞌai ena i te ora ki te kope nō era ꞌāꞌana i haŋa.

Iovani 5:26

Te ꞌAtua he tumu o te ora ꞌāpī ꞌe pē ira ꞌā te Poki; ko haꞌatiꞌa hia ꞌā, paꞌi, ꞌe te ꞌAtua.

Aŋa o te ꞌĀpōtoro 17:25

ꞌIna e tahi ꞌāꞌana meꞌe hape ki no-noꞌi ai ki te taŋata; ꞌāꞌana, paꞌi, te vaꞌai ki te taꞌatoꞌa i te ora, i te tokerau ena e haŋu-haŋu ena, ꞌe i te tētahi atu huru o te meꞌe.

2 Kōrinto 9:13

Hai hāꞌūꞌū ena o kōrua he haꞌahana-hana te taina o Hērutarema ki te ꞌAtua ꞌi te ꞌite e maꞌu ꞌe e haꞌatura rō ꞌana kōrua ki te ⌊roŋo riva-riva o te ꞌAtua⌋ o ruŋa i a Ietū Kiritō, ꞌe ꞌi te rahi o te kōrua hāꞌūꞌū iŋa ki a rāua ꞌe ki te taŋata taꞌatoꞌa.

Karatia 3:26

Hai haka moe mau nō i te manaꞌu ꞌi ruŋa i a Ietū e ŋā poki nei tātou o te ꞌAtua.

1 Timoteo 1:12

He māuru-uru au ki te kope vaꞌai mai i te haŋu, ko Ietū Kiritō, he Pūꞌoko Haka Tere o tātou, ꞌo te uꞌi mai i a au pa he taŋata e ko haka rē i a ia ki te hora hopeꞌa ꞌe ꞌo te haꞌataꞌa i a au mo aŋa ki a ia,

1 Timoteo 1:15

Te vānaŋa ena e kī ena: a Ietū Kiritō i tuꞌu mai ai ki te ao mo haka eꞌa i te nuꞌu mai roto i te ūtuꞌa o te hara, he parautiꞌa, ꞌe te taŋata taꞌatoꞌa e haka noho i te rāua manaꞌu ꞌi ruŋa. ꞌE o te nuꞌu hara, ko au te ꞌata taparahi-taꞌata.

1 Timoteo 2:5

Te ꞌAtua e tahi nō, ꞌe e tahi nō kope haka riva-riva i te taŋata ki te ꞌAtua, ko Ietū Kiritō.

1 Timoteo 5:21

ꞌĪ a au he kī atu: e aŋa koe i te meꞌe hatu atu ena o ruŋa i te nuꞌu pūꞌoko haka tere. Ana haka tī-tika koe e tahi o rāua, ꞌina ko uꞌi ko ai a ia ana ture iho i tōꞌona hara. ꞌIna ko rehu i a koe: nā e uꞌi atu ena te ꞌAtua, a Ietū Kiritō ꞌe te merahi.

1 Timoteo 6:12

E vaꞌai tahi koe i a koe mo hio-hio mo oho nō o tuꞌu manaꞌu ꞌi ruŋa i te ꞌAtua ꞌe mo aŋa ki a ia, pa he vaꞌai iŋa ena o te vaꞌehau i a ia ki te mate ꞌi te hora o te tamaꞌi. ꞌIna ko haka pakoꞌo mai tuꞌu rima te ora ꞌāpī ꞌina he hopeꞌa raꞌa vaꞌai atu e te ꞌAtua. Mo ravaꞌa i rā meꞌe i toꞌo ai i a koe e te ꞌAtua ꞌi te hora kī ōꞌou, ꞌi muꞌa i te rahi o te mataꞌite, i tuꞌu haka moe i te manaꞌu ꞌi ruŋa i a Ietū.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 21:6

I oti era he kī haka ꞌou mai: «Nā ko aŋa tahi ꞌā. A au he Haꞌamata ꞌe he Hopeꞌa. ꞌE te kope haŋa ki te vai he vaꞌai e au, taꞌe e ꞌauhau, mai te kona tehe o te vai vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 22:1

He haka takeꞌa mai ia e tū merahi era i te rio maꞌitaki e tahi mai ira e eꞌa era te vai vaꞌai i te ora ꞌāpī ꞌina he hopeꞌa raꞌa. Rā vai pa he hiꞌo ꞌā te māꞌeha, ꞌe mai te kona pepe noho ꞌariki o te ꞌAtua ꞌe o te Māmoe e eꞌa era.

Meꞌe Haka Takeꞌa 3:14

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Rāōrītea: “Pē nei te kī o te kope he ⌊ꞌĀmene⌋, he mataꞌite kī mau nō i te parautiꞌa, he kope hai ia te ꞌAtua i aŋa ai i te meꞌe taꞌatoꞌa: