1 Timoteo 6:1 - Rapa Nui

¹ E Timoteo, e haka ꞌite ki te nuꞌu ꞌekaravo ⌊haka moe i te manaꞌu⌋ ꞌi ruŋa i a Ietū: e moꞌa i te taŋata haka aŋa i a rāua. Mo taꞌe moꞌa o rāua, he kī e te nuꞌu i te vānaŋa taꞌe tano o ruŋa i te tātou hāpī ꞌe o ruŋa i te ꞌAtua.

1 Timoteo 6:1 ပူးပေါင်းရင်းမြစ်များ

Māteo 11:30

He meꞌe taꞌe paŋahaꞌa te meꞌe haŋa ꞌāꞌaku mo aŋa e kōrua pa he nuꞌu hāpī ꞌāꞌaku».

Māteo 11:9

I hopeꞌa ai, ¿he aha tū taŋata oho uꞌi era e kōrua? ¿He perofeta? He aŋi ꞌā, he perofeta; ꞌe, takoꞌa, ꞌata hau atu ki te perofeta.

Ruka 17:1

He kī e Ietū ki tāꞌana nuꞌu hāpī: «ꞌI te ao nei e ko taꞌe ai te meꞌe mo uŋa i te taŋata a roto i te hara; ꞌe, ¡ko te ꞌaroha ꞌi te kope haka hara i te rua!

Aŋa o te ꞌĀpōtoro 10:22

He pāhono e tū nuꞌu era: —A mātou o te kape vaꞌehau ko Koronerio i uŋa mai. A ia he taŋata aŋa i te meꞌe tī-tika, haꞌamuri ki te ꞌAtua ꞌe te hūrio e haŋa rahi rō ꞌā ki a ia. O te merahi e tahi i kī mo uŋa mai ki a koe, mo oho ōꞌou ki tōꞌona hare mo haka roŋo atu ōꞌona i taꞌa meꞌe ka kī ena.

Aŋa o te ꞌĀpōtoro 10:7

I eꞌa i oho era te merahi, he raŋi e Koronerio ki tāꞌana ŋāŋata aŋa e rua ꞌe ki te vaꞌehau e tahi hāꞌūꞌū ki a ia, moꞌa ꞌe haꞌatura ki te ꞌAtua.

Aŋa o te ꞌĀpōtoro 15:10

»Mo ai pē ira, ¿he aha ia a kōrua e haŋa ena mo haka riri i te ꞌAtua hai haka ꞌamo ki te nuꞌu era i te haka tere iŋa ꞌa Mōtē, he meꞌe kai ꞌite mo ꞌamo e tātou ꞌe e te tātou tupuna?

Rōmano 2:24

ꞌO ira mau ꞌā e kī ena ꞌi ruŋa i te ⌊Pāpaꞌi Moꞌa⌋: «He taꞌe haꞌatura o kōrua o te hūrio, te nuꞌu taꞌe he hūrio e vānaŋa taꞌe tano ena mo te ꞌAtua».

1 Kōrinto 10:32

ꞌIna kōrua ko aŋa i te meꞌe mo haka riri i te rua, ka ai he ⌊hūrio⌋, he taꞌe hūrio ꞌo he nuꞌu haka moe i te manaꞌu ꞌi ruŋa i a Ietū.

Karatia 5:1

A Ietū Kiritō i haka eꞌa i a tātou mai te meꞌe ena he ꞌamo i te haka tere iŋa ꞌa Mōtē mo tano ki te mata o te ꞌAtua. ꞌO ira, e uꞌi kōrua ꞌo haka ꞌamo haka ꞌou rō atu i te haka tere iŋa era, ꞌo ꞌekaravo haka ꞌou kōrua o rā haka tere iŋa.

1 Timoteo 5:14

ꞌO ira a au e haŋa nei ki te ŋā viꞌe ꞌāpī hove mo hāipo-ipo, mo ai o te ŋā poki ꞌe mo ai he ŋā viꞌe maꞌu riva-riva i te rāua hare ꞌe i te rāua huaꞌai, ꞌo ai te meꞌe taꞌe tano mo kī o ruŋa i a rāua e te nuꞌu taꞌe haŋa ki te ꞌAtua.

Tito 2:5

mo hāito i te rāua meꞌe kī ꞌe i te rāua meꞌe aŋa, mo hāpaꞌo i te rāua hakari mo te rāua kenu, mo maꞌu riva-riva i te rāua hare, mo hāꞌūꞌū ki te rua, ꞌe mo moꞌa i te rāua kenu, ꞌo kī rō e te nuꞌu i te vānaŋa taꞌe tano mo te roŋo o te ꞌAtua.

1 Pētero 2:12

E noho kōrua ꞌina e tahi hape ꞌi roto i te nuꞌu taꞌe haŋa ki te ꞌAtua. Mo noho o kōrua pē ira, he takeꞌa e rā nuꞌu i te meꞌe riva-riva aŋa e kōrua ꞌe he haꞌahana-hana ki te ꞌAtua ꞌi te mahana ka kī era e ia i te meꞌe tano ꞌe i te meꞌe taꞌe tano aŋa e te taŋata, ka ai atu ꞌi te hora nei e kī rō ꞌana e rāua pē nei ē: a kōrua he nuꞌu aŋa i te meꞌe taꞌe tano.

1 Pētero 3:16

ꞌE ana pāhono, hai haumārū ꞌe hai moꞌa. ꞌIna kōrua ko aŋa i te meꞌe taꞌe tano. Pē ira te nuꞌu vānaŋa taꞌe tano o ruŋa i a kōrua ka haꞌamā ena ꞌi te rāua vānaŋa ꞌi te takeꞌa i te kōrua noho iŋa tano ꞌo te ai o kōrua he nuꞌu haka moe i te manaꞌu ꞌi ruŋa i te ⌊Kiritō⌋.