1 Timoteo 5:5 - Rapa Nui

⁵ Te viꞌe hove o roto i te taina kope kore mo hāpaꞌo i a ia he ŋatu nō te haŋu ki te ꞌAtua mo hāꞌūꞌū. ꞌO ira ka pō ka ꞌōtea e pure e ani ena.

1 Timoteo 5:5 ပူးပေါင်းရင်းမြစ်များ

Ruka 18:1

Hai ꞌaꞌamu haꞌaauraꞌa i hāpī ai e Ietū ki te nuꞌu mo pure mo oho ki te ꞌAtua ꞌe mo taꞌe haka hōriŋa.

Ruka 18:7

Mo ai pē ira e manaꞌu era, ¿e ko hāꞌūꞌū hō te ꞌAtua ki te nuꞌu haꞌataꞌa e ia māꞌana pure ki a ia paurō te mahana? ¿E haka tiaki mau rō e te ꞌAtua?

Ruka 2:37

ꞌE, ki rā hora, ka vaꞌu ꞌahuru mā maha matahiti o tōꞌona hove. Te aŋa mau nō ꞌāꞌana, ka pō ka ꞌōtea, he noho ꞌi te Kona Haꞌamuri ꞌAtua, he pure ꞌe he tapu i te kai.

Aŋa o te ꞌĀpōtoro 26:7

A tātou, te hoꞌe ꞌahuru mā piti mata o te itaraera, ko te ŋatu iŋa ꞌana i te haŋu mo takeꞌa i te haka tano iŋa o rā hōrea. ꞌO ira e haꞌamuri ꞌe e haꞌatura ena a tātou ki te ꞌAtua te pō te ꞌōtea. ꞌE, ka atu pē ira, o ruŋa o te meꞌe nei, e te ꞌariki ko ꞌAkiripa ē, i horo ai i a au e te hūrio ra-rahi.

Aŋa o te ꞌĀpōtoro 6:1

ꞌI rā ŋā mahana ko ꞌata rahi ko oho ꞌā te nuꞌu ⌊haka moe i te manaꞌu⌋ ꞌi ruŋa i a Ietū. He haꞌamata te nuꞌu ⌊hūrio⌋ vānaŋa ⌊kirieko⌋ he hēŋuꞌi-ŋuꞌi o ruŋa o te nuꞌu hūrio vānaŋa ⌊ꞌevereo⌋ e kī era: ꞌi te hora tuhaꞌa o te kai, ꞌina he tuhaꞌa riva-riva ki te rāua ŋā viꞌe hove.

Aŋa o te ꞌĀpōtoro 9:39

He oho a Pētero ꞌi muri. I tuꞌu era he uŋa ki roto i te piha ꞌi ira tū hakari era. Te ŋā viꞌe hove o roto he haka vari tahi i a Pētero ꞌe, e ta-taŋi nō ꞌā, he haka takeꞌa i te kahu aŋa e Rorokā mo tuhaꞌa ki te nuꞌu.

Aŋa o te ꞌĀpōtoro 9:41

He ꞌa-ꞌaru e Pētero a te rima he haka māroa. He ohu ki te nuꞌu haka moe i te manaꞌu ꞌi ruŋa i a Ietū ꞌe ki tū ŋā viꞌe hove era, he haka takeꞌa ko ora haka ꞌou ꞌā a Tavitā.

Rōmano 1:12

Te kī: ki haka pūai tātou i a tātou ꞌā ꞌi te haka moe iŋa i te manaꞌu ꞌi ruŋa i a Ietū.

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

1 Kōrinto 7:32

Te meꞌe haŋa ꞌāꞌaku: ꞌina ko ai te meꞌe o te ao nei mo manaꞌu rahi o kōrua. Te taŋata taureꞌa-reꞌa, ꞌi te ai hoko tahi nō, ꞌina e tahi meꞌe taꞌe haꞌatiꞌa i a ia mo aŋa ki te tātou Pūꞌoko Haka Tere, ꞌe, takoꞌa, mo haka koa.

1 Kōrinto 7:34

Tōꞌona manaꞌu taꞌe e tahi mau nō he aŋa ki te ꞌAtua. Te viꞌe taureꞌa-reꞌa, ꞌi te ai takoꞌa ōꞌona hoko tahi nō, te meꞌe manaꞌu mau nō he vaꞌai i tōꞌona hakari ꞌe i tōꞌona vārua mo aŋa ki te ꞌAtua. ꞌE te viꞌe hāipo-ipo, he meꞌe o te ao te meꞌe manaꞌu rahi ꞌe pē hē a ia ana haka koa i tāꞌana kenu.

Ēfeto 6:18

E te taina, ꞌina kōrua ko haka rē i te pure; e ani e oho ki te ꞌAtua hai pūai o te Vārua Maitai. E uꞌi ꞌo hōriŋa rō ꞌe ꞌo oho kē rō te manaꞌu. E pure mo te nuꞌu taꞌatoꞌa haꞌataꞌa e te ꞌAtua māꞌana.

Fīripo 4:6

ꞌIna ko manaꞌu rahi ki te meꞌe topa atu ꞌi ruŋa i a kōrua. E pure ki te ꞌAtua, e ani ki a ia mo hāꞌūꞌū atu, ꞌe ꞌina ko rehu mo māuru-uru.

1 Timoteo 2:1

ꞌĪ a au he kī atu: e no-noꞌi, e ani, e pure ꞌe e māuru-uru ki te ꞌAtua mo te taŋata taꞌatoꞌa o te ao.

1 Timoteo 5:16

Mo ai ꞌi roto i te huaꞌai o te viꞌe haka moe i te manaꞌu ꞌi ruŋa i a Ietū te ŋā viꞌe hove, e hāꞌūꞌū ꞌe e hāpaꞌo e rā viꞌe i rā ŋā hove, ꞌo ai he paŋahaꞌa haka ꞌou e tahi mo ꞌamo e te nūnaꞌa taŋata haka moe i te manaꞌu ꞌi ruŋa i a Ietū, ki topa ai te hora o te nuꞌu era mo hāꞌūꞌū ki te viꞌe hove ꞌina he kope mo hāpaꞌo i a ia.

1 Timoteo 5:3

E hāꞌūꞌū ki te viꞌe hove ꞌina he huaꞌai ōꞌona mo hāpaꞌo i a ia.

2 Timoteo 1:3

E Timoteo, hai māhatu maꞌitaki a au e aŋa nei ki te ꞌAtua, pa he meꞌe aŋa e tōꞌoku tupuna. ꞌE ꞌi tōꞌoku pure iŋa ꞌi te pō ꞌe ꞌi te ꞌōtea, e māuru-uru nei a au mōꞌou.

1 Pētero 3:5

Pē ira te ŋā viꞌe moꞌa ꞌe haꞌatura ki te ꞌAtua o muꞌa ꞌā e haka nehe-nehe era. A rāua e haka noho rō ꞌana i te manaꞌu ꞌi ruŋa i te ꞌAtua ꞌe e haꞌatura rō ꞌana ki te rāua kenu.