1 Timoteo 5:22 - Rapa Nui

²² ꞌIna koe ko veve-veve mo haꞌataꞌa ꞌe mo haꞌamaitai i te kope mo te aŋa o te ꞌAtua hai haka puā i tuꞌu rima a ruŋa, ꞌo ai e hara rō ꞌā kai ꞌite hia koe; pē ira he hara takoꞌa a koe. E hāpaꞌo koe ꞌo hara.

1 Timoteo 5:22 ပူးပေါင်းရင်းမြစ်များ

Aŋa o te ꞌĀpōtoro 13:3

I oti era te pure ꞌe te tapu i te kai, he haka eke i te rima ki ruŋa i te pūꞌoko o Verenāvē ꞌe o Sauro ꞌe he haꞌamaitai. I oti era he haka oho.

Aŋa o te ꞌĀpōtoro 18:6

He haꞌamata rā nuꞌu he riri ꞌe he vā-vā i a Pauro. He tū-tū ia a Pauro i te puŋaꞌehu mai ruŋa i tōꞌona kahu mo haka ꞌite ki rā nuꞌu: taꞌe ōꞌona te hape mo haka ūtuꞌa i a rāua e te ꞌAtua, o rāua ꞌā. ꞌE he kī: mai rā hora pe muꞌa he oho a ia ki te nuꞌu taꞌe he hūrio.

Aŋa o te ꞌĀpōtoro 20:26

ꞌO ira i haŋa ai a au mo kī atu ꞌi ꞌaŋarīnā: mo haka ūtuꞌa e tahi o kōrua e te ꞌAtua, taꞌe ōꞌoku te hape.

Aŋa o te ꞌĀpōtoro 6:6

He maꞌu e tū ŋā taina era i rā ŋāŋata ki muꞌa o te ꞌāpōtoro. He pure ia e te ꞌāpōtoro koia ko haka eke i te rima ki ruŋa ꞌe he haꞌamaitai.

Ēfeto 5:11

ꞌIna ko aŋa i te meꞌe taꞌe hauhaꞌa aŋa e te nuꞌu noho o roto i te pōhāhā. Te meꞌe o kōrua mo aŋa he hāꞌūꞌū ki a rāua mo aŋi-aŋi pē nei ē: te meꞌe aŋa o rāua meꞌe taꞌe tano.

1 Timoteo 3:10

Te meꞌe raꞌe, e uꞌi ana ai te rāua hape, ꞌe mo ai ꞌina, he toꞌo mo taina hāꞌūꞌū o te nūnaꞌa taŋata haka moe i te manaꞌu ꞌi ruŋa i a Ietū.

1 Timoteo 3:2

Te kope mo pūꞌoko haka tere ꞌina ko ai ōꞌona hape. E ai he kope kai oho ki te rua viꞌe ꞌi tōꞌona hāipo-ipo, ꞌite i te hāito i tāꞌana meꞌe kī ꞌe i tāꞌana meꞌe aŋa, ꞌite mo ture hai meꞌe tano, ꞌe e moꞌa rō ꞌana e te taŋata. E ai he kope toꞌo i te nuꞌu kē ki tōꞌona hare mo hāpaꞌo, ꞌe e ꞌite riva-riva rō ꞌana mo hāpī i te nuꞌu.

1 Timoteo 3:6

ꞌO ira, te taŋata mo pūꞌoko haka tere ꞌina ko ai e haka moe iho ꞌana i te manaꞌu ꞌi ruŋa i a Ietū, ꞌo haka paka rō ꞌe he topa ꞌi ruŋa i a ia te ūtuꞌa vaꞌai era ki a Rukifero.

1 Timoteo 4:12

E uꞌi ꞌo taꞌe haka au rō atu ꞌo te ai ōꞌou he taŋata ꞌāpī. Hai huru o tuꞌu vānaŋa ꞌe o tuꞌu noho iŋa, hai haŋa ōꞌou ki te rua, hai huru o tuꞌu haka moe iŋa i te manaꞌu ꞌi ruŋa i te ꞌAtua ꞌe hai noho iŋa hara kore ana haka takeꞌa ki te tētahi nuꞌu haka moe i te manaꞌu ꞌi ruŋa i a Ietū pē hē takoꞌa a rāua ana ai.

1 Timoteo 4:14

E Timoteo, e haka hio-hio e oho koe ꞌi te aŋa o te ꞌAtua hai meꞌe hauhaꞌa vaꞌai atu era e ia ꞌi te hora haka topa atu era i te rima a ruŋa i tuꞌu pūꞌoko e te ŋā kope pūꞌoko haka tere era koia ko kī atu i tāꞌana roŋo hai Vārua Maitai.

2 Timoteo 1:6

ꞌĪ au he kī atu: pa he niꞌo iŋa i te ahi, ana haka pūai ana oho koe i te meꞌe vaꞌai atu era e te ꞌAtua ꞌi te hora haka topa atu era ōꞌoku i te rima a ruŋa i tuꞌu pūꞌoko.

2 Timoteo 2:2

E kimi koe hai ŋāŋata haka tano i te rāua meꞌe kī, ŋāŋata ꞌite takoꞌa mo hāpī i te rua. Ki a rāua koe ana haka ꞌite mo hāpī e rāua ki te tētahi i te hāpī parautiꞌa o ruŋa i a Ietū Kiritō haka ꞌite atu era e au ꞌi te hora hāpī ōꞌoku i te nuꞌu.

ꞌEvereo 6:2

o ruŋa i te ⌊papatito⌋, o ruŋa i te haka puā iŋa hai rima ki te pūꞌoko mo haꞌamaitai, o ruŋa i te ora iŋa mai te mate, ꞌe o ruŋa i te ture hopeꞌa.

2 Iovani 1:11

Te kope ꞌaroha ki a ia e peꞌe ꞌā ki te aŋa taꞌe tano o rā taŋata ꞌe e ꞌāpiti ꞌā ki a ia.

Meꞌe Haka Takeꞌa 18:4

He ŋaroꞌa ia e au i te reꞌo haka ꞌou e tahi ꞌi te raŋi e kī ꞌā: «Ka eꞌa kōrua mai te kona ena, e te nuꞌu haꞌataꞌa māꞌaku ē, ꞌo hara kōrua ꞌe ꞌo topa takoꞌa atu te ꞌati ka topa ena ki a ia.