1 Timoteo 5:20 - Rapa Nui

²⁰ ꞌE mo ai ko hara ꞌana ꞌe ꞌina he haka tapa mai roto i rā meꞌe, e ture ꞌi muꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū, ki riꞌa-riꞌa ai te tētahi nuꞌu pūꞌoko haka tere.

1 Timoteo 5:20 ပူးပေါင်းရင်းမြစ်များ

Aŋa o te ꞌĀpōtoro 19:17

He ꞌite tahi tū meꞌe era e te nuꞌu taꞌatoꞌa o Ēfeto, ka hūrio ꞌe ka taꞌe hūrio, ꞌe he riꞌa-riꞌa tahi rō atu ꞌai. Pē ira i ꞌata ꞌite ai ꞌe i ꞌata moꞌa ai i te ꞌīŋoa o Ietū.

Aŋa o te ꞌĀpōtoro 5:11

Te nūnaꞌa taŋata taꞌatoꞌa ⌊haka moe i te manaꞌu⌋ ꞌi ruŋa i a Ietū he riꞌa-riꞌa rō atu ꞌai, ꞌe pē ira takoꞌa ꞌā te nuꞌu taꞌatoꞌa ꞌite o ruŋa i rā meꞌe.

Aŋa o te ꞌĀpōtoro 5:5

I ŋaroꞌa era e ꞌĀnānia, he ꞌamo ki raro he mate, i haka ūtuꞌa e te ꞌAtua. He riꞌa-riꞌa rō atu ꞌai te nuꞌu taꞌatoꞌa ꞌite o ruŋa i rā meꞌe.

2 Kōrinto 7:11

Ka uꞌi rā he aha he aha te meꞌe riva-riva poreko mai te meꞌe ŋaroꞌa era e kōrua: ko haŋa ꞌana kōrua mo haka tī-tika i te meꞌe hape o roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, ko riri ꞌana kōrua mo te meꞌe taꞌe tano aŋa era e rā kope, ꞌe ko riꞌa-riꞌa ꞌana ꞌo haka ūtuꞌa atu i a kōrua e te ꞌAtua ananake ko rā kope. Ko haŋa takoꞌa ꞌana a kōrua mo oho atu ōꞌoku mo uꞌi i a kōrua, ko ꞌata haꞌatura ꞌana a kōrua i tāꞌaku meꞌe kī atu era ꞌe ko haka ūtuꞌa ꞌā i rā kope. Hai ŋā meꞌe nei e takeꞌa ena: ꞌina e tahi hape o kōrua o rā meꞌe topa era.

Ēfeto 5:11

ꞌIna ko aŋa i te meꞌe taꞌe hauhaꞌa aŋa e te nuꞌu noho o roto i te pōhāhā. Te meꞌe o kōrua mo aŋa he hāꞌūꞌū ki a rāua mo aŋi-aŋi pē nei ē: te meꞌe aŋa o rāua meꞌe taꞌe tano.

1 Timoteo 1:20

I topa ai te meꞌe nei ki a Hīmēneo ararua ko Arehantaro, ꞌe ko haka rē atu ꞌana e au ki a Rukifero mo aŋi-aŋi e rāua ararua: ꞌina ko kī haka ꞌou i te vānaŋa taꞌe tano mo te ꞌAtua.

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

Tito 1:13

ꞌE he parautiꞌa. ꞌO ira, e haka pūai koe ana ture, ki tano ai te rāua haka moe iŋa i te manaꞌu ꞌi ruŋa i te ꞌAtua,

Tito 2:15

He meꞌe nei e au e pāpaꞌi atu ena te meꞌe mo hāpī ꞌe mo kī e koe ki te taina mo aŋa, ki tano ai te rāua manaꞌu ꞌe te rāua noho iŋa ki te hāpī parautiꞌa o te ꞌAtua. ꞌE ana hape a rāua, e ture. I a koe, paꞌi, te parau; ꞌe ꞌina ko haꞌatiꞌa mo taꞌe moꞌa atu.