1 Timoteo 5:17 - Rapa Nui

¹⁷ Te nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū aŋa riva-riva i te rāua aŋa e moꞌa ꞌe e ꞌauhau riva-riva e te taina. ꞌE te nuꞌu raꞌe mau mo moꞌa ꞌe mo ꞌauhau riva-riva ko te ŋā pūꞌoko haka tere ena te rāua aŋa he haka ꞌite i te vānaŋa o te ꞌAtua.

1 Timoteo 5:17 ပူးပေါင်းရင်းမြစ်များ

Māteo 24:25

E uꞌi e hāpaꞌo kōrua. Nā ko haka ꞌite atu ꞌana e au ꞌi raꞌe ki te topa iŋa mai o rā ŋā meꞌe.

Ruka 10:7

Hare era mo toꞌo i a kōrua, e noho ꞌi ira, ꞌe ꞌina ko oho ki hare era ki hare era. E kai ꞌe e unu i te meꞌe mo vaꞌai atu; te taŋata aŋa, paꞌi, e ꞌauhau rō ꞌā.

Ruka 12:42

He kī e Ietū: —E ai kōrua pa he tāvini haꞌatura ꞌe haka roŋo, haka pūꞌoko e te taŋata haka aŋa i a ia mo tuhaꞌa i te kai, ꞌi tōꞌona hora, ki te tētahi tāvini o te hare.

Iovani 4:38

Ko uŋa ꞌana a au i a kōrua mo kato i te kai mai te kona taꞌe o kōrua i ꞌoka, o te tētahi. O rāua i haꞌamata te aŋa he haka ꞌite i te vānaŋa o te ꞌAtua, ꞌe o kōrua i haka mao i te aŋa he kato i te nuꞌu haka moe i te manaꞌu ꞌi ruŋa i a au».

Aŋa o te ꞌĀpōtoro 11:30

Pē ira i aŋa ai, ꞌe he vaꞌai i tū tara era ki te rima o Verenāvē ararua ko Sauro mo maꞌu mo vaꞌai ki te nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū o Hūrea.

Aŋa o te ꞌĀpōtoro 20:35

Hai haka tere iŋa nei ōꞌoku e haka ꞌite atu era pē hē tātou ana aŋa mo ravaꞌa mai o te meꞌe, ki riva ai a tātou mo hāꞌūꞌū ki te nuꞌu ꞌina e tahi rāveꞌa. E haka topa te kōrua manaꞌu ki te vānaŋa kī e Ietū: “I hau te rahi o te koa mo vaꞌai ōꞌou ki te rua ki te toꞌo mai ana vaꞌai atu”».

Aŋa o te ꞌĀpōtoro 28:10

ꞌI te haŋa rahi mai o te nuꞌu o rā motu, hai koa i hāpaꞌo mai ai. I tano era te mahana mo reva a mātou ꞌi ruŋa i te pahī, he vaꞌai mai e rā nuꞌu hai meꞌe mo te mātou ara.

Rōmano 12:8

ꞌE te kope i a ia te meꞌe he haka pūai i te manaꞌu o te rua, e noho e haka pūai. ꞌE te kope i a ia te meꞌe he vaꞌai hai meꞌe ki te rua, e vaꞌai hai māhatu. ꞌE te kope te meꞌe i vaꞌai ki a ia he haka tere i te nūnaꞌa taŋata haka moe i te manaꞌu ꞌi ruŋa i a Ietū, e uꞌi e aŋa riva-riva tāꞌana aŋa, ꞌe te kope tāꞌana meꞌe he hāꞌūꞌū ki te rua, e hāꞌūꞌū hai koa.

Rōmano 15:27

Te meꞌe nei i aŋa ai hai manaꞌu o rāua, ka ai atu he meꞌe mau ꞌana mo aŋa e rāua. Pa he haka ꞌite iŋa era ꞌā e te hūrio o ruŋa i te rāua hauhaꞌa, he roŋo riva-riva o te ꞌAtua, ki te nuꞌu taꞌe he hūrio, pē ira takoꞌa ꞌana te nuꞌu taꞌe hūrio ana hāꞌūꞌū ꞌi te hora nei hai hauhaꞌa o rāua o te ao nei mo te hūrio haka moe i te manaꞌu ꞌi ruŋa i a Ietū.

Rōmano 16:12

E ꞌaroha ki a Tiripena ꞌe ki a Tiripota, he ŋā viꞌe aŋa i te aŋa o te tātou Pūꞌoko Haka Tere ko Ietū Kiritō, ꞌe pē ira takoꞌa ꞌana ki a Peretire, taina haŋa rahi o tātou, vaꞌai i a ia ki te aŋa mā Ietū.

1 Kōrinto 15:10

ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era.

1 Kōrinto 16:16

He ani atu a au mo haka rē i a kōrua mo te nuꞌu era ꞌe mo te nuꞌu tuꞌu pē rāua hāꞌūꞌū ꞌi te aŋa o te ꞌAtua e haka tere atu.

1 Kōrinto 3:9

He tāvini nō māua o te ꞌAtua, ꞌe a kōrua pa he ꞌāua ꞌoka kai ꞌi ira a māua e aŋa ena, ꞌe, takoꞌa, pa he hare aŋa e te ꞌAtua mōꞌona.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Karatia 6:6

Te kope hāpī i te vānaŋa o te ꞌAtua, e hāꞌūꞌū hai meꞌe ai ꞌāꞌana ki te maꞌori hāpī i a ia.

Fīripo 2:16

koia ko haka ꞌite ko oho i te vānaŋa o te ꞌAtua ki a rāua, vānaŋa vaꞌai i te ora ꞌāpī ꞌina he hopeꞌa raꞌa. Mo aŋa o kōrua pē ira, he koa a au mo kōrua ꞌi te hora o Ietū ka hoki mai ena ꞌo te ꞌite ōꞌoku pē nei ē: tāꞌaku aŋa aŋa atu ꞌi roto i a kōrua kai māuꞌa.

Fīripo 2:29

Ka tuꞌu atu ena a ia, e toꞌo kōrua hai māhatu, pa he taina haka moe i te manaꞌu ꞌi ruŋa i a Ietū. Te nuꞌu pē ia e moꞌa e kōrua.

Fīripo 4:3

ꞌE a koe, e te hokorua aŋa ōꞌoku ē: e hāꞌūꞌū ki te ŋā taina ena. A rāua ananake ko kuā Keremente ꞌe tētahi atu nuꞌu i aŋa takoꞌa rō ꞌi muri i a au ꞌi te aŋa he haka ꞌite he oho i te ⌊roŋo riva-riva o ruŋa i a Ietū⌋. Te rāua ꞌīŋoa nā ꞌi ruŋa i te puka o te ꞌAtua, puka ꞌi ruŋa e pāpaꞌi ena te ꞌīŋoa o te nuꞌu ravaꞌa i te ora ꞌāpī ꞌina he hopeꞌa raꞌa.

1 Timoteo 3:5

Mo taꞌe ꞌite, paꞌi, i te haka tere riva-riva i tōꞌona hare, ¿pē hē ia ana ꞌite mo haka tere i te nūnaꞌa taŋata haka moe i te manaꞌu ꞌi ruŋa i a Ietū?

1 Timoteo 4:10

Mo ira, e Timoteo ē, e aŋa ꞌe e haka ꞌuhu e oho nei a tātou ꞌi te aŋa o te ꞌAtua ora, ꞌo te ꞌite e tātou e haka tano tahi rō i tāꞌana meꞌe kī. ꞌĀꞌana, paꞌi, te haka eꞌa i te taŋata taꞌatoꞌa mai roto i te ūtuꞌa o te hara ꞌe te vaꞌai i te ora ꞌāpī ꞌina he hopeꞌa raꞌa ana haka moe i te manaꞌu ꞌi ruŋa i a Ietū.

1 Timoteo 4:14

E Timoteo, e haka hio-hio e oho koe ꞌi te aŋa o te ꞌAtua hai meꞌe hauhaꞌa vaꞌai atu era e ia ꞌi te hora haka topa atu era i te rima a ruŋa i tuꞌu pūꞌoko e te ŋā kope pūꞌoko haka tere era koia ko kī atu i tāꞌana roŋo hai Vārua Maitai.

1 Timoteo 4:16

E uꞌi riva-riva te huru o tuꞌu noho iŋa ꞌe te huru o tuꞌu hāpī iŋa i te rua; e haka hio-hio e oho nō koe i te ŋā meꞌe taꞌatoꞌa ena. Mo aŋa ōꞌou pē ira, taꞌe ko koe nō te meꞌe ka eꞌa ena mai roto i te ūtuꞌa o te hara, pē ira ꞌana te nuꞌu haka roŋo atu.

1 Timoteo 4:6

E Timoteo, mo hāpī ōꞌou ki te taina i te ŋā meꞌe nei, he tāvini riva-riva ia koe o Ietū Kiritō. ꞌE te roŋo parautiꞌa o te ꞌAtua ꞌe te maꞌu ōꞌou i te hāpī riva-riva haka ꞌite atu he haka haŋu he oho i a koe.

1 Timoteo 5:19

ꞌIna koe ko haka roŋo ki te meꞌe taꞌe tano kī atu o ruŋa i te nuꞌu pūꞌoko haka tere. Ana haka roŋo iho koe e ai e rua ꞌo e toru mataꞌite.

1 Timoteo 5:3

E hāꞌūꞌū ki te viꞌe hove ꞌina he huaꞌai ōꞌona mo hāpaꞌo i a ia.

2 Timoteo 2:6

Te kope ꞌoka kai, māꞌana e kai raꞌe i tāꞌana kai ꞌoka.

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

ꞌEvereo 13:17

E haꞌatura ki te pūꞌoko haka tere o kōrua o te nuꞌu haka moe i te manaꞌu ꞌi ruŋa i a Ietū. E haka rē mo rāua e haka tere atu. O rāua, paꞌi, te hāpaꞌo i a kōrua pa he nuꞌu ꞌite: pe muꞌa ka oho ena he haka ꞌite e rāua ki te ꞌAtua pē hē i aŋa ai i te rāua aŋa. Mo haka rē o kōrua i a rāua mo haka tere atu, he koa ꞌi te rāua aŋa ꞌe e ko ai he meꞌe paŋahaꞌa e tahi mo ꞌamo. ꞌE mo taꞌe aŋa o kōrua pē ira, e ko ai ia mo te kōrua riva-riva.

ꞌEvereo 13:24

E ꞌaroha atu kōrua ki te kōrua pūꞌoko haka tere ꞌe ki te nuꞌu taꞌatoꞌa haka moe i te manaꞌu ꞌi ruŋa i a Ietū. Te ŋā taina era o ꞌĪtāria ko ꞌaroha mai ꞌana mo kōrua.

ꞌEvereo 13:7

E manaꞌu ki te kōrua pūꞌoko haka tere o muꞌa ꞌā haka ꞌite atu i te vānaŋa o te ꞌAtua. E haka topa te manaꞌu ki te meꞌe riva-riva taꞌatoꞌa poreko o te rāua noho iŋa tano, ꞌe ꞌai kōrua ka haka moe ka oho nō i te manaꞌu ꞌi ruŋa i te ꞌAtua pē rāua.