1 Timoteo 5:16 - Rapa Nui

¹⁶ Mo ai ꞌi roto i te huaꞌai o te viꞌe haka moe i te manaꞌu ꞌi ruŋa i a Ietū te ŋā viꞌe hove, e hāꞌūꞌū ꞌe e hāpaꞌo e rā viꞌe i rā ŋā hove, ꞌo ai he paŋahaꞌa haka ꞌou e tahi mo ꞌamo e te nūnaꞌa taŋata haka moe i te manaꞌu ꞌi ruŋa i a Ietū, ki topa ai te hora o te nuꞌu era mo hāꞌūꞌū ki te viꞌe hove ꞌina he kope mo hāpaꞌo i a ia.

1 Timoteo 5:16 ပူးပေါင်းရင်းမြစ်များ

1 Timoteo 5:10

Te viꞌe nei he viꞌe ko ꞌite tahi ꞌana e te taŋata i tōꞌona huru riva, hāpaꞌo riva-riva i tāꞌana ŋā poki, hāpaꞌo i te nuꞌu tuꞌu ki tōꞌona hare, haka hopu i te vaꞌe o te nuꞌu haka moe i te manaꞌu ꞌi ruŋa i a Ietū, ꞌe hāꞌūꞌū ki te nuꞌu taꞌatoꞌa ai o te ꞌati. He viꞌe aŋa mau ꞌā a ia i te meꞌe haŋa o te ꞌAtua.

1 Timoteo 5:8

Te parautiꞌa, te taŋata taꞌe hāpaꞌo i tōꞌona huaꞌai ꞌe i tāꞌana huaꞌai mau ꞌā e hārui ꞌana hai tuaꞌivi i te hāpī parautiꞌa o te ꞌAtua, ꞌe tōꞌona māhatu ꞌata hau ꞌi te rake-rake ki te nuꞌu ꞌina he ⌊haka moe i te manaꞌu⌋ ꞌi ruŋa i te ꞌAtua; te nuꞌu era, paꞌi, e hāpaꞌo rō ꞌana i te rāua huaꞌai.

1 Timoteo 5:9

Te viꞌe hove mo haka pāpaꞌi ꞌi ruŋa i te parau o te ŋā viꞌe hove mo hāpaꞌo e te taina haka moe i te manaꞌu ꞌi ruŋa i a Ietū he viꞌe mai te ono ꞌahuru matahiti pe ruŋa, ꞌe he viꞌe, ꞌi tōꞌona hāipo-ipo, kai taiꞌata.