1 Timoteo 5:1 - Rapa Nui

¹ Ana kī tāꞌue koe i te hape o te taŋata paꞌari, e kī hai moꞌa, pa he kī iŋa ōꞌou ki tuꞌu matuꞌa tane. Ki te ŋāŋata ꞌāpī e kī pa he kī iŋa ōꞌou ki tuꞌu taina.

1 Timoteo 5:1 ပူးပေါင်းရင်းမြစ်များ

Māteo 23:8

»A kōrua, ꞌina ko haꞌatiꞌa mo kī atu e tahi taŋata: “e te maꞌori”. A kōrua taꞌatoꞌa, paꞌi, he taina ꞌe e tahi mau nō kōrua Maꞌori.

Aŋa o te ꞌĀpōtoro 14:23

He haꞌataꞌa ia e kuā Pauro, ꞌi te ŋā kona nei a to-toru, i te ŋāŋata mo pūꞌoko haka tere o te nūnaꞌa haka moe i te manaꞌu ꞌi ruŋa i a Ietū. He pure ꞌe he tapu i te kai koia ko rā nuꞌu taꞌatoꞌa. I oti era he ani e kuā Pauro ki a Ietū, he kope ꞌi ruŋa e haka moe tahi era i te manaꞌu, mo hāpaꞌo i a rāua.

Aŋa o te ꞌĀpōtoro 15:4

I tuꞌu era a Pauro ararua ko Verenāvē ki Hērutarema, he koa te nūnaꞌa taŋata haka moe i te manaꞌu ꞌi ruŋa i a Ietū, pē ira ꞌana te rāua nuꞌu pūꞌoko haka tere ꞌe te ꞌāpōtoro. He ꞌaꞌamu e kuā Pauro i te meꞌe taꞌatoꞌa aŋa e te ꞌAtua hai rāua ki te nuꞌu taꞌe he hūrio.

Aŋa o te ꞌĀpōtoro 15:6

He haka taka-taka ia te ꞌāpōtoro ananake ko te tētahi nuꞌu pūꞌoko haka tere mo vānaŋa o ruŋa i rā meꞌe.

Aŋa o te ꞌĀpōtoro 20:17

ꞌI Mīreto a mātou, he uŋa e Pauro ki Ēfeto mo oho mai o te ŋāŋata he pūꞌoko haka tere o te nuꞌu haka moe i te manaꞌu ꞌi ruŋa i a Ietū.

Rōmano 13:7

E ꞌauhau te meꞌe taꞌatoꞌa ena mo ꞌauhau ki te nuꞌu ki a rāua ana ꞌauhau koia ko moꞌa i a rāua. Te ŋā meꞌe nei he meꞌe mau ꞌā mo aŋa e tātou.

Karatia 6:1

E te taina, mo takeꞌa e kōrua e tahi taina ⌊haka moe i te manaꞌu⌋ ꞌi ruŋa i a Ietū e hara ꞌā, e hāꞌūꞌū e kōrua e te nuꞌu ko te haka tere iŋa ꞌā e te ⌊Vārua Maitai⌋, mo hoki haka ꞌou ōꞌona a te ara tī-tika. ꞌE ana hāꞌūꞌū, hai haŋa ꞌe hai haumārū. E uꞌi ꞌo haka hara rō atu i a kōrua.

1 Timoteo 5:17

Te nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū aŋa riva-riva i te rāua aŋa e moꞌa ꞌe e ꞌauhau riva-riva e te taina. ꞌE te nuꞌu raꞌe mau mo moꞌa ꞌe mo ꞌauhau riva-riva ko te ŋā pūꞌoko haka tere ena te rāua aŋa he haka ꞌite i te vānaŋa o te ꞌAtua.

1 Timoteo 5:2

Ki te ŋā viꞌe paꞌari e moꞌa koe pa he matuꞌa vahine ōꞌou; ꞌe ki te ŋā viꞌe ꞌāpī e moꞌa ꞌe e haŋa pa he taina vahine ōꞌou.

Tito 2:2

E hāpī ki te ŋāŋata paꞌari mo hāito i te rāua meꞌe kī ꞌe i te rāua meꞌe aŋa, mo haka tere i a rāua hai meꞌe tano ki moꞌa ai i a rāua e te taŋata, mo haka topa riva-riva i te manaꞌu, mo haŋa ki te rua hai māhatu, mo haka hio-hio i te rāua manaꞌu ki te roŋo parautiꞌa o te ꞌAtua, ꞌe mo haꞌaoromaꞌi i te ꞌati hai pūai.

Tito 2:6

E hāpī ki te ŋāŋata ꞌāpī takoꞌa mo hāito i te rāua meꞌe kī ꞌe i te rāua meꞌe aŋa.

Tanatiako 3:17

ꞌE te nuꞌu mai te ꞌAtua te rāua ꞌite, te meꞌe raꞌe he noho iŋa taꞌe hara, ꞌe te rāua huru: haumārū, riva ꞌe ꞌite i te moꞌa. A rāua takoꞌa nuꞌu māhatu ꞌaroha, uꞌi i te taꞌatoꞌa pē tū huru tahi ꞌā, kī i te parautiꞌa, ꞌe aŋa i te meꞌe riva-riva.

Tanatiako 5:14

Mo māui-ui, e hāꞌaki ki te nuꞌu ko rāua te pūꞌoko haka tere o te kōrua nūnaꞌa taŋata ⌊haka moe i te manaꞌu⌋ ꞌi ruŋa i a Ietū mo pure mōꞌona koia ko paru ꞌiti-ꞌiti hai mōrī hai ꞌīŋoa o Ietū, he Pūꞌoko Haka Tere o tātou.

1 Pētero 5:1

Hora nei e haŋa rō ꞌana a au mo hatu ki te ŋā pūꞌoko haka tere ena o kōrua o te nuꞌu ⌊haka moe i te manaꞌu⌋ ꞌi ruŋa i a Ietū. A au he pūꞌoko haka tere takoꞌa, pē rāua, ꞌe he mataꞌite o te ꞌati topa era ꞌi ruŋa i te ⌊Kiritō⌋. Pē rāua e oꞌo takoꞌa rō a au ꞌi roto i tōꞌona nui-nui ka haka takeꞌa ena, te auraꞌa, i a au takoꞌa, pe muꞌa ka oho ena, te huru riva ōꞌona.

2 Iovani 1:1

A au, te pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, he ꞌaroha atu ki a koe, e te viꞌe haꞌataꞌa e te ꞌAtua māꞌana ē, ꞌe ki taꞌa ŋā poki. E haŋa rahi rō atu ꞌana a au ki a kōrua, ꞌe taꞌe nō ko au, pē ira takoꞌa ꞌana te nuꞌu ko ꞌite ꞌana i te parautiꞌa

3 Iovani 1:1

A au, te pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, he ꞌaroha atu ki a koe, e Kāio ē, e te taina haŋa rahi ōꞌoku ē.

Meꞌe Haka Takeꞌa 4:4

ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.