1 Timoteo 4:6 - Rapa Nui

⁶ E Timoteo, mo hāpī ōꞌou ki te taina i te ŋā meꞌe nei, he tāvini riva-riva ia koe o Ietū Kiritō. ꞌE te roŋo parautiꞌa o te ꞌAtua ꞌe te maꞌu ōꞌou i te hāpī riva-riva haka ꞌite atu he haka haŋu he oho i a koe.

1 Timoteo 4:6 ပူးပေါင်းရင်းမြစ်များ

Māteo 13:52

He kī ia e Ietū: —Te ⌊maꞌori o te haka tere hūrio⌋ ꞌite ꞌe aŋi-aŋi takoꞌa o ruŋa i te haka tere iŋa ꞌāpī o te ꞌAtua e tano rō ꞌā mo hāpī o ruŋa i te meꞌe ꞌāpī ꞌe o ruŋa i te meꞌe tuai, pa he hoa hare ꞌite mo toꞌo mai roto i tāꞌana meꞌe rahi hāpaꞌo i te meꞌe ꞌāpī ꞌe i te meꞌe rūꞌau.

Ruka 1:3

ꞌE, a au, e tōꞌoku repahoa hōnui ko Teofiro ē, i rara tahi rō, mai te haꞌamata ki te hopeꞌa, hē mau te parautiꞌa o te meꞌe taꞌatoꞌa topa era, ꞌe ki tōꞌoku manaꞌu meꞌe riva-riva mo pāpaꞌi atu ōꞌoku i te tī-tika mau,

Aŋa o te ꞌĀpōtoro 1:15

ꞌI rā ŋā mahana he vānaŋa a Pētero ki te nuꞌu taka-taka ⌊haka moe i te manaꞌu⌋ ꞌi ruŋa i a Ietū e hoꞌe hānere piti ꞌahuru, he kī:

Aŋa o te ꞌĀpōtoro 20:31

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua. E manaꞌu pē hē a au e hāpī atu era e tahi e tahi o kōrua, te pō te ꞌōtea, ꞌi roto i te matahiti e toru. ꞌE i rahi rō te mahana i taŋi ai a au mo kōrua.

Aŋa o te ꞌĀpōtoro 20:35

Hai haka tere iŋa nei ōꞌoku e haka ꞌite atu era pē hē tātou ana aŋa mo ravaꞌa mai o te meꞌe, ki riva ai a tātou mo hāꞌūꞌū ki te nuꞌu ꞌina e tahi rāveꞌa. E haka topa te kōrua manaꞌu ki te vānaŋa kī e Ietū: “I hau te rahi o te koa mo vaꞌai ōꞌou ki te rua ki te toꞌo mai ana vaꞌai atu”».

Rōmano 15:15

Ka ai atu pē ira, ꞌi ruŋa i te parau nei, ko pāpaꞌi ko haka ꞌite atu ꞌana a au o ruŋa i te tētahi meꞌe, ꞌo rehu i a kōrua. I pāpaꞌi atu ai ꞌo te ai te ꞌAtua hai riva rahi ōꞌona ko haka ꞌāpōtoro ꞌā i a au

1 Kōrinto 4:17

Mo te ŋā meꞌe nei i uŋa atu ena au i a Timoteo mo hāꞌūꞌū atu i a kōrua. A ia pa he poki haŋa rahi ꞌāꞌaku taꞌe haka rē ki te hora hopeꞌa i te aŋa o te ꞌAtua. Māꞌana e haka manaꞌu atu i tōꞌoku haka tere iŋa pa he kope haka moe i te manaꞌu ꞌi ruŋa i a Ietū Kiritō. Tōꞌoku haka tere iŋa, paꞌi, e tano rō ꞌā ki tāꞌaku meꞌe mau nei ꞌā e hāpī e oho nei ki te nūnaꞌa taŋata haka moe i te rāua manaꞌu ꞌi ruŋa i a Ietū o te kona taꞌatoꞌa vari ōꞌoku.

2 Kōrinto 11:23

¿He tāvini a rāua o te Kiritō? ꞌAta hau rō atu tōꞌoku tāvini iŋa ki te Kiritō ki a rāua, ka ai atu ꞌi tōꞌoku kī i te meꞌe nei, e vānaŋa ꞌana a au pa he maꞌa-maꞌa. ꞌAta rahi rō atu tōꞌoku aŋa mōꞌona ki a rāua, ꞌata rahi rō atu tōꞌoku puru iŋa ꞌi roto i te hare maꞌuꞌaurī ꞌo te aŋa ki te Kiritō ki a rāua, ꞌata rahi rō atu te tiŋaꞌi iŋa mai i a au, ꞌe i rahi rō te mahana i oho rō a au mo mate.

2 Kōrinto 3:6

Hai hāꞌūꞌū mau nō ōꞌona e tano nei mātou mo haka ꞌite o ruŋa i te haka tere iŋa ꞌāpī ōꞌona ananake ko te taŋata, ꞌe te oho iŋa nei taꞌe hai haꞌatura ki te ⌊haka tere iŋa ꞌa Mōtē⌋ ana tano ki tōꞌona mata, hai ai o te Vārua Maitai ꞌi roto i te māhatu. Te meꞌe mo ravaꞌa hai haꞌatura ki te haka tere iŋa ꞌa Mōtē he mate, ꞌe te meꞌe vaꞌai e te Vārua Maitai he ora ꞌāpī ꞌina he hopeꞌa raꞌa.

2 Kōrinto 6:4

Hai meꞌe taꞌatoꞌa aŋa e mātou e takeꞌa ena he tāvini parautiꞌa mātou o te ꞌAtua. E haꞌaoromaꞌi rō ꞌana, paꞌi, mātou hai haumārū i te ꞌati, i te meꞌe kore,

Ēfeto 6:21

Mo te tātou taina haŋa rahi nei ko Tīkiko e maꞌu atu i te parau ꞌāpī o ruŋa i te meꞌe taꞌatoꞌa topa mai ki a au. E hāꞌūꞌū rō mai ꞌana a Tīkiko, ꞌe he tāvini takoꞌa pē au o te ꞌAtua ꞌite i te haka tano i tāꞌana meꞌe kī.

Fīripo 2:20

O roto o tōꞌoku hokorua ko ia mau nō te kope manaꞌu pē au, haŋa hai māhatu mo riva-riva o kōrua.

Fīripo 2:22

Ko ꞌite ꞌana, hoꞌi, kōrua pē hē te huru o Timoteo ꞌe pē hē a ia i hāꞌūꞌū i oho mai ai mo haka ꞌite i te ⌊roŋo riva-riva o te ꞌAtua⌋. E hāꞌūꞌū mai nei pa he poki mau ꞌana ꞌāꞌaku.

Fīripo 3:16

Te meꞌe haŋa nō: he riro o te tātou noho iŋa noho iŋa tano ki te meꞌe ko haka aŋi-aŋi mai era ꞌā e ia.

Kōrosa 2:19

Ko haka topa kē ꞌana te nuꞌu nei i a rāua mai i a Ietū Kiritō, Pūꞌoko Haka Tere o tātou. ꞌĀꞌana te haka pūai te oho i te tātou manaꞌu ꞌi ruŋa i a ia, ꞌe te haka riro i a tātou e tahi mau nō manaꞌu, pa he meꞌe haŋa e te ꞌAtua, pa he ua-ua haka piri hakari e haka piri e haka hio-hio ena i te kona taꞌatoꞌa o te hakari.

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

Kōrosa 4:7

Mo te tātou taina haŋa rahi nei ko Tīkiko e maꞌu atu i te parau ꞌāpī o ruŋa i te meꞌe taꞌatoꞌa topa mai ki a au. A ia e hāꞌūꞌū rō mai ꞌana, ꞌe he tāvini takoꞌa pē au o te ꞌAtua ꞌite mo haka tano i tāꞌana meꞌe kī.

1 Tētārōnika 3:2

ꞌe mo uŋa atu i te tātou taina ko Timoteo mo uꞌi i a kōrua. A ia he taŋata hāꞌūꞌū ꞌi te aŋa he haka ꞌite i te ⌊roŋo riva-riva o ruŋa i a Ietū Kiritō⌋. I uŋa atu ai e mātou mo ꞌata haka pūai ꞌe mo ꞌata haka haŋu i te kōrua haka moe iŋa i te manaꞌu ꞌi ruŋa i a Ietū,

1 Timoteo 1:10

mo te nuꞌu taiꞌata ꞌe mo te nuꞌu aŋa i te tētahi atu meꞌe pē ira, mo te nuꞌu hiku, mo te nuꞌu hoꞌo i te taŋata, mo te nuꞌu reo-reo, mo te nuꞌu hōrea hai reo-reo, te kī, mo te nuꞌu taꞌatoꞌa aŋa i te meꞌe taꞌe tano ki te hāpī parautiꞌa o te ꞌAtua.

1 Timoteo 4:16

E uꞌi riva-riva te huru o tuꞌu noho iŋa ꞌe te huru o tuꞌu hāpī iŋa i te rua; e haka hio-hio e oho nō koe i te ŋā meꞌe taꞌatoꞌa ena. Mo aŋa ōꞌou pē ira, taꞌe ko koe nō te meꞌe ka eꞌa ena mai roto i te ūtuꞌa o te hara, pē ira ꞌana te nuꞌu haka roŋo atu.

1 Timoteo 6:3

Mo hāpī o te kope e tahi i te meꞌe kē ꞌe ꞌina he haŋa ki te hāpī parautiꞌa o te tātou Pūꞌoko Haka Tere ko Ietū Kiritō ꞌe ki te hāpī maꞌu e tātou,

2 Timoteo 1:6

ꞌĪ au he kī atu: pa he niꞌo iŋa i te ahi, ana haka pūai ana oho koe i te meꞌe vaꞌai atu era e te ꞌAtua ꞌi te hora haka topa atu era ōꞌoku i te rima a ruŋa i tuꞌu pūꞌoko.

2 Timoteo 3:10

ꞌE a koe, e Timoteo ē, ko ꞌite riva-riva ꞌana i tāꞌaku meꞌe hāpī, i te huru o tōꞌoku noho iŋa, i tāꞌaku meꞌe haŋa mo aŋa, i tōꞌoku haka moe iŋa i te manaꞌu ꞌi ruŋa i a Ietū, i tōꞌoku haumārū, i tōꞌoku haŋa ki te rua ꞌe i tōꞌoku haꞌaoromaꞌi iŋa i te ꞌati hai pūai

2 Timoteo 4:3

Nā e tuꞌu rō te mahana e ko haŋa haka ꞌou te taŋata ki te hāpī parautiꞌa. Te meꞌe ka aŋa era he kimi i te maꞌori hāpī i te meꞌe haŋa nō o rāua mo haka roŋo,

Tito 2:1

ꞌE a koe, e Tito ē, ana hāpī i te nuꞌu taina, e haka tano ki te hāpī parautiꞌa o te ꞌAtua.

1 Pētero 2:2

E riro kōrua pa he ŋā poki poreko iho pohe ki te ū, te auraꞌa: e pohe kōrua ki te ū parautiꞌa mo te kōrua riva-riva, he vānaŋa o te ꞌAtua, mo haka pūai mo oho o te kōrua manaꞌu ꞌi ruŋa i te ꞌAtua ꞌātā ki te mahana ka toꞌo ena i a kōrua ki te raŋi pe muꞌa ka oho ena.

2 Iovani 1:9

Te kope ꞌāmui hai hāpī kē i te hāpī parautiꞌa ꞌa Ietū ꞌina he ꞌAtua o muri i a ia, ꞌe te kope haka tano oho i a ia ki rā hāpī ꞌi muri i a ia te ꞌAtua Matuꞌa ꞌe te Poki.

Hura 1:5

Te meꞌe nei e au ka pāpaꞌi atu ena e ꞌite rō ꞌana e kōrua ꞌe, ka ai atu pē ira, e haŋa nō ꞌā a au mo haka manaꞌu haka ꞌou atu pē nei ē: ka ai atu te ꞌAtua i toꞌo tahi rō i te itaraera mai Ehipto, i haka kore nō i te tētahi o rā nuꞌu he taꞌe haka moe i te manaꞌu ꞌi ruŋa i a ia.