1 Timoteo 4:3 - Rapa Nui

³ Te nuꞌu nei ꞌina he haꞌatiꞌa i te taŋata mo ⌊hāipo-ipo⌋ ꞌe mo kai i te tētahi kai aŋa e te ꞌAtua. Te nuꞌu ꞌite i te parautiꞌa ⌊haka moe i te manaꞌu⌋ ꞌi ruŋa i a Ietū ko aŋi-aŋi ꞌana pē nei ē: taꞌatoꞌa kai māuru-uru ki te ꞌAtua e tano nō mo kai.

1 Timoteo 4:3 ပူးပေါင်းရင်းမြစ်များ

Māteo 14:19

He kī takoꞌa ki te taŋata taꞌatoꞌa mo no-noho ꞌi ruŋa i te mauku. I oti era he toꞌo i tū haraoa era e rima ꞌe i tū ika era e rua, he uꞌi a te raŋi, he māuru-uru ki te ꞌAtua. He more-more ia i tū ŋā meꞌe era, he vaꞌai ki te nuꞌu hāpī ꞌāꞌana, ꞌe he tuhaꞌa e rāua ki te taŋata.

Māteo 15:11

Taꞌe hai meꞌe oꞌo a roto i te haha e haka taꞌe tano ena i te taŋata ki te mata o te ꞌAtua, hai meꞌe kī eꞌa mai roto i te haha.

Māteo 15:36

He toꞌo i tū ŋā haraoa era e hitu ꞌe i tū ŋā ika era, he māuru-uru ki te ꞌAtua, he more-more he vaꞌai ki tāꞌana nuꞌu hāpī, ꞌe o rāua i tuhaꞌa ki te taŋata.

Ruka 24:30

I noho era ꞌi ruŋa i te ꞌamuramaꞌa mo kai, he toꞌo e Ietū i te haraoa ki tōꞌona rima, he māuru-uru ki te ꞌAtua, he mo-more ꞌe he vaꞌai ki rā ŋā kope.

Iovani 6:23

ꞌĪ ia te tētahi nuꞌu o Tīvēria ko tuꞌu ꞌā a ruŋa i te vaka ki te kona e tahi hāhine ki tū kona kai era i te haraoa ki oti a Ietū te māuru-uru ki te ꞌAtua.

Aŋa o te ꞌĀpōtoro 27:35

I kī era i te meꞌe nei, he toꞌo a Pauro i te haraoa ki tōꞌona rima, he māuru-uru ki te ꞌAtua ꞌi muꞌa o tū nuꞌu taꞌatoꞌa era, he mo-more ꞌe he haꞌamata he kai.

Rōmano 14:17

Taꞌe, paꞌi, o ruŋa o te kai ꞌe o ruŋa i te meꞌe mo unu te haka tere iŋa o te ꞌAtua; o ruŋa i te meꞌe he tano o te taŋata ꞌe o te rāua noho iŋa ki tōꞌona mata hai koa ꞌe hai haumārū o te ⌊Vārua Maitai⌋.

Rōmano 14:3

Te nuꞌu kai i te meꞌe taꞌatoꞌa ꞌina ko taꞌe haka au mo te nuꞌu e ai rō ꞌana te rāua meꞌe taꞌe kai. ꞌE te nuꞌu nei ꞌina ko taꞌe haka au mo te nuꞌu kai i te meꞌe taꞌatoꞌa; pē tū haŋa iŋa ꞌana, paꞌi, te ꞌAtua ki a rāua taꞌatoꞌa.

Rōmano 14:6

Te kope haꞌamuri ki te ꞌAtua ꞌi te mahana manaꞌu e ia he mahana ꞌata hauhaꞌa mo haꞌamuri, mōꞌona he rāveꞌa e tahi mo moꞌa i te ꞌAtua. ꞌE te kope kai i te taꞌatoꞌa meꞌe ai mo kai ꞌi te manaꞌu ꞌina e tahi kai taꞌe haꞌatiꞌa e te ꞌAtua mo kai, mōꞌona he rāveꞌa takoꞌa mo moꞌa i te ꞌAtua, ꞌe he māuru-uru o ruŋa. Te kope e ai rō ꞌana tāꞌana meꞌe taꞌe kai, te taꞌe kai era ōꞌona i rā meꞌe he rāveꞌa e tahi mo haꞌamuri ki te ꞌAtua, ꞌe he māuru-uru takoꞌa o ruŋa.

1 Kōrinto 6:13

ꞌE mo kī o te rua kope pē nei ē: «Te ꞌAtua i aŋa ai i te tātou kōpū mo te kai ꞌe te kai mo te kōpū», he aŋi takoꞌa ꞌā tāꞌana vānaŋa, ka ai atu pe muꞌa ka oho ena e ko ai haka ꞌou pē ira. Te meꞌe nō, ꞌina kōrua ko manaꞌu: pē ira takoꞌa ꞌana te hakari. Te ꞌAtua, paꞌi, kai aŋa i te hakari mo moe i te viꞌe ꞌo i te taŋata taꞌe he kenu taꞌe he viꞌe; i aŋa ai e te ꞌAtua mo tāvini ki te tātou Pūꞌoko Haka Tere ko Ietū Kiritō, ꞌe tāꞌana meꞌe haŋa he hāpaꞌo o tātou i te hakari.

1 Kōrinto 7:28

ꞌE, mo hāipo-ipo, taꞌe e hara ꞌā; ꞌe mo hāipo-ipo te viꞌe taureꞌa-reꞌa e tahi, taꞌe takoꞌa e hara ꞌā. Te meꞌe nō, mo hāipo-ipo he ꞌati taŋata te rāua meꞌe ka ꞌamo era, he meꞌe taꞌe haŋa ꞌāꞌaku mo topa atu ki a kōrua.

1 Kōrinto 8:8

ꞌE a tātou ko ꞌite ꞌā: taꞌe hai kai ꞌo hai taꞌe kai i te meꞌe e tahi e tano nei a tātou ki te mata o te ꞌAtua; mo kai, ꞌina he ꞌati; ꞌe mo taꞌe kai, pē ira takoꞌa ꞌana.

Kōrosa 2:16

ꞌO ira, ꞌina kōrua ko tapa atu te kī o te nuꞌu i te taꞌe haꞌatura o kōrua ki te rāua haka tere iŋa o ruŋa i te meꞌe mo kai ꞌe mo unu, o ruŋa i te mahana aŋa i te ŋoŋoro mo te ꞌAtua, ꞌo i te ŋoŋoro o te māhina he ꞌōhiro ꞌe o ruŋa i te ⌊mahana haka ora⌋.

Kōrosa 3:17

Te meꞌe taꞌatoꞌa kī ꞌe aŋa e kōrua, e tano o te nuꞌu ꞌa Ietū Kiritō. ꞌE e māuru-uru e oho ki te ꞌAtua Matuꞌa mo te meꞌe taꞌatoꞌa aŋa e Ietū mo kōrua.

1 Timoteo 2:4

A ia e haŋa rō ꞌana mo eꞌa o te taŋata taꞌatoꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. E haŋa takoꞌa rō ꞌana te ꞌAtua mo ꞌite o te taŋata i te hāpī parautiꞌa pē nei ē:

1 Timoteo 4:4

Taꞌatoꞌa meꞌe aŋa e te ꞌAtua meꞌe riva-riva; mo māuru-uru ki a ia, ꞌina e tahi kai mo taꞌe kai.

1 Timoteo 5:14

ꞌO ira a au e haŋa nei ki te ŋā viꞌe ꞌāpī hove mo hāipo-ipo, mo ai o te ŋā poki ꞌe mo ai he ŋā viꞌe maꞌu riva-riva i te rāua hare ꞌe i te rāua huaꞌai, ꞌo ai te meꞌe taꞌe tano mo kī o ruŋa i a rāua e te nuꞌu taꞌe haŋa ki te ꞌAtua.

ꞌEvereo 13:4

Te ⌊hāipo-ipo⌋ he meꞌe mo moꞌa e te taꞌatoꞌa. Te nuꞌu hāipo-ipo e ꞌite mo moꞌa i te rāua hāipo-ipo ꞌe mo hāpaꞌo i te rāua hakari mo rāua ꞌā. Te ꞌAtua, paꞌi, e haka ūtuꞌa rō i te nuꞌu moe i te viꞌe i te taŋata taꞌe he viꞌe taꞌe he kenu ꞌāꞌana ꞌe i te nuꞌu taiꞌata.

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.