1 Timoteo 3:5 - Rapa Nui

⁵ Mo taꞌe ꞌite, paꞌi, i te haka tere riva-riva i tōꞌona hare, ¿pē hē ia ana ꞌite mo haka tere i te nūnaꞌa taŋata haka moe i te manaꞌu ꞌi ruŋa i a Ietū?

1 Timoteo 3:5 ပူးပေါင်းရင်းမြစ်များ

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

1 Kōrinto 10:32

ꞌIna kōrua ko aŋa i te meꞌe mo haka riri i te rua, ka ai he ⌊hūrio⌋, he taꞌe hūrio ꞌo he nuꞌu haka moe i te manaꞌu ꞌi ruŋa i a Ietū.

Ēfeto 5:24

Pa he haka rē iŋa o tātou o te nuꞌu haka moe i te manaꞌu ꞌi ruŋa i a Ietū mo haka tere mai e ia, pē ira takoꞌa ꞌana te ŋā viꞌe ana haka rē i a rāua mo haka tere e te rāua kenu ꞌi te meꞌe taꞌatoꞌa.

Ēfeto 5:32

Hai ŋā vānaŋa nei e takeꞌa ena i te nui-nui o te parautiꞌa taꞌe haka ꞌite mai era e te ꞌAtua ꞌi muꞌa ꞌā pē nei ē: a Ietū ꞌe te nūnaꞌa taŋata haka moe i te manaꞌu ꞌi ruŋa i a ia e tahi mau nō.