1 Timoteo 3:2 - Rapa Nui

² Te kope mo pūꞌoko haka tere ꞌina ko ai ōꞌona hape. E ai he kope kai oho ki te rua viꞌe ꞌi tōꞌona hāipo-ipo, ꞌite i te hāito i tāꞌana meꞌe kī ꞌe i tāꞌana meꞌe aŋa, ꞌite mo ture hai meꞌe tano, ꞌe e moꞌa rō ꞌana e te taŋata. E ai he kope toꞌo i te nuꞌu kē ki tōꞌona hare mo hāpaꞌo, ꞌe e ꞌite riva-riva rō ꞌana mo hāpī i te nuꞌu.

1 Timoteo 3:2 ပူးပေါင်းရင်းမြစ်များ

Ruka 1:6

A rāua nuꞌu tano ki te mata o te ꞌAtua; e haꞌatura rō ꞌana ki te roŋo ꞌe ki tāꞌana haka tere iŋa ko te haꞌatura iŋa ena ꞌina he hape.

Ruka 2:36

ꞌI te ⌊Kona Haꞌamuri ꞌAtua⌋ takoꞌa te viꞌe perofeta te ꞌīŋoa ko ꞌAna, he poki ꞌa Penuera o te nūnaꞌa hakaara o ꞌĀtere. A ia ko rūꞌau atu ꞌā. E ꞌāpī nō ꞌana i ⌊hāipo-ipo⌋ ai, ꞌe e hitu nō matahiti i noho ai ararua ko tāꞌana kenu.

Rōmano 12:13

E hāꞌūꞌū kōrua ki te nuꞌu haꞌataꞌa e te ꞌAtua māꞌana ai o te ꞌati. E hāpaꞌo riva-riva te nuꞌu tuꞌu atu ki te kōrua hare.

Fīripo 2:15

ꞌo ai te kōrua hape ꞌe te kōrua meꞌe taꞌe tano mo tuhi atu e te taŋata. ꞌI roto i te nuꞌu haꞌavare ꞌe taparahi-taꞌata o te ao nei e riro kōrua he ŋā poki o te ꞌAtua ꞌina e tahi hape. E māꞌeha kōrua ꞌi roto i a rāua pa he hetuꞌu pura ꞌi roto i te pōhāhā

1 Timoteo 3:12

Te kope mo taina hāꞌūꞌū e ai takoꞌa he kope kai oho ki te rua viꞌe ꞌi tōꞌona hāipo-ipo, haka tere riva-riva i tōꞌona hare ꞌe i tāꞌana ŋā poki.

1 Timoteo 3:8

Te ŋāŋata toꞌo mo taina hāꞌūꞌū o te nūnaꞌa taŋata haka moe i te manaꞌu ꞌi ruŋa i a Ietū e ai takoꞌa he ŋāŋata e moꞌa rō ꞌā e te nuꞌu, ŋāŋata haka tano i te rāua meꞌe kī, taꞌe he taꞌero, ꞌe taꞌe nou-nou moni.

1 Timoteo 4:3

Te nuꞌu nei ꞌina he haꞌatiꞌa i te taŋata mo ⌊hāipo-ipo⌋ ꞌe mo kai i te tētahi kai aŋa e te ꞌAtua. Te nuꞌu ꞌite i te parautiꞌa ⌊haka moe i te manaꞌu⌋ ꞌi ruŋa i a Ietū ko aŋi-aŋi ꞌana pē nei ē: taꞌatoꞌa kai māuru-uru ki te ꞌAtua e tano nō mo kai.

1 Timoteo 5:10

Te viꞌe nei he viꞌe ko ꞌite tahi ꞌana e te taŋata i tōꞌona huru riva, hāpaꞌo riva-riva i tāꞌana ŋā poki, hāpaꞌo i te nuꞌu tuꞌu ki tōꞌona hare, haka hopu i te vaꞌe o te nuꞌu haka moe i te manaꞌu ꞌi ruŋa i a Ietū, ꞌe hāꞌūꞌū ki te nuꞌu taꞌatoꞌa ai o te ꞌati. He viꞌe aŋa mau ꞌā a ia i te meꞌe haŋa o te ꞌAtua.

1 Timoteo 5:22

ꞌIna koe ko veve-veve mo haꞌataꞌa ꞌe mo haꞌamaitai i te kope mo te aŋa o te ꞌAtua hai haka puā i tuꞌu rima a ruŋa, ꞌo ai e hara rō ꞌā kai ꞌite hia koe; pē ira he hara takoꞌa a koe. E hāpaꞌo koe ꞌo hara.

1 Timoteo 5:9

Te viꞌe hove mo haka pāpaꞌi ꞌi ruŋa i te parau o te ŋā viꞌe hove mo hāpaꞌo e te taina haka moe i te manaꞌu ꞌi ruŋa i a Ietū he viꞌe mai te ono ꞌahuru matahiti pe ruŋa, ꞌe he viꞌe, ꞌi tōꞌona hāipo-ipo, kai taiꞌata.

2 Timoteo 2:24

Te tāvini o te ꞌAtua ꞌina ko tātake; e riva ki te taꞌatoꞌa, e ꞌite mo hāpī i te rua ꞌe mo haꞌaoromaꞌi i te meꞌe hai haumārū.

Tito 2:2

E hāpī ki te ŋāŋata paꞌari mo hāito i te rāua meꞌe kī ꞌe i te rāua meꞌe aŋa, mo haka tere i a rāua hai meꞌe tano ki moꞌa ai i a rāua e te taŋata, mo haka topa riva-riva i te manaꞌu, mo haŋa ki te rua hai māhatu, mo haka hio-hio i te rāua manaꞌu ki te roŋo parautiꞌa o te ꞌAtua, ꞌe mo haꞌaoromaꞌi i te ꞌati hai pūai.

ꞌEvereo 13:2

Nuꞌu nō era mo tuꞌu atu ki te kōrua hare e hāpaꞌo riva-riva, koiꞌite he merahi te meꞌe ka tuꞌu atu ena, pa he meꞌe i topa ki te tētahi nuꞌu.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

1 Pētero 4:7

Te paꞌo iŋa o te ao nā ko hāhine mai ꞌana. ꞌO ira, e ꞌite mo hāito i te kōrua meꞌe kī ꞌe i te kōrua meꞌe aŋa, ki riva ai te kōrua pure.

1 Pētero 4:9

E toꞌo e hāpaꞌo te taina tuꞌu atu ki te kōrua hare, ꞌe ꞌina ko hēŋuꞌi-ŋuꞌi mo rāua.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.