1 Timoteo 3:16 - Rapa Nui

¹⁶ He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

1 Timoteo 3:16 ပူးပေါင်းရင်းမြစ်များ

Māteo 1:23

«E tahi uka kai moe ꞌā e te taŋata e tupu rō te poki ꞌe he poreko poki tane. He nape i te ꞌīŋoa ko ꞌEmanuera». Te haꞌaauraꞌa o te ꞌīŋoa nei: «He ꞌAtua ꞌi muri i a tātou».

Māteo 13:11

He pāhono e Ietū: «Ki a kōrua te ꞌAtua e haka ꞌite atu ena i te meꞌe taꞌe ꞌite e te taŋata o ruŋa o te haka tere iŋa ꞌāpī ꞌāꞌana, ꞌe ki a rāua ꞌina he haka ꞌite.

Māteo 28:2

ꞌI rā hora he mākenu-kenu pūai te henua. He merahi e tahi o te ꞌAtua tū meꞌe era ko topa ꞌana mai te raŋi. He haka hāhine ki te kona haka rē i te hakari o Ietū, he kume i te māꞌea puru, ꞌe he eke he noho ꞌi ruŋa.

Māteo 3:16

I oti era he eꞌa a Ietū mai roto i te vai. ꞌĪ ka uꞌi atu ena ka ha-hata te raŋi. He takeꞌa te turu iŋa o te Vārua Maitai o te ꞌAtua ki ruŋa i a ia pa he pāroma.

Māteo 4:11

He haka tapa ia a Rukifero mai muri, ꞌe he oho e te merahi he hāpaꞌo i a Ietū.

Marko 1:13

E maha ꞌahuru mahana i noho ai ꞌi ira, ꞌe he haka ꞌatu e Rukifero mo hara o Ietū; ꞌi muri i te manuꞌino e noho era ꞌe o te merahi te hāpaꞌo i a ia.

Marko 16:19

I oti era a Ietū te vānaŋa, he maꞌu he iri e te ꞌAtua ki te raŋi. He noho ia a Ietū ꞌi te pāꞌiŋa mataꞌu o te ꞌAtua.

Marko 16:5

I uru era ki roto i tū kona haka rē pāpaku era, he takeꞌa e noho rō ꞌā ꞌi te pāꞌiŋa mataꞌu e tahi taŋata ꞌāpī e uru rō ꞌā i te kahu tea-tea. He riꞌa-riꞌa rō atu ꞌai rā ŋā viꞌe.

Ruka 2:32

he mōrī haka māꞌeha i te taŋata o te ao ꞌe hai ia ka nui-nui ena te itaraera».

Ruka 20:44

»Hai kī o Tāvita i te vānaŋa era mo te Kiritō, e ꞌite nei e tātou: te Kiritō taꞌe nō he hakaara o Tāvita.

Ruka 22:43

E pure nō ꞌā, he māroa ꞌi muri e tahi merahi mo haka haŋu i a ia.

Ruka 24:4

ꞌe ꞌina he aŋi-aŋi he aha te auraꞌa o tū meꞌe era. He takeꞌa ia ka māroa ꞌi muri i a rāua e rua taŋata e uru rō ꞌana i te kahu e ꞌuira rō ꞌā.

Ruka 24:51

E haꞌamaitai nō ꞌana he haꞌamata he iri he oho ki te raŋi.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 15:26

»Ki tuꞌu mai tū kope hāꞌūꞌū era, he ⌊Vārua Maitai⌋ hāpī i te Parautiꞌa mo uŋa mai e au mai tōꞌoku Matuꞌa, ko ia te mataꞌite mo kī atu i te parautiꞌa o ruŋa i a au.

Iovani 16:28

Mai te Matuꞌa a au i oho mai ai ki te ao nei, ꞌe, hora nei, he haka rē a au i te ao ꞌe he hoki a au ki a ia.

Iovani 17:5

ꞌE, ꞌi te hora nei, e Koro ē, ka haka takeꞌa haka ꞌou koe i tōꞌoku pūai ꞌe i tōꞌoku nui-nui ai i a au ꞌi te hora era ōꞌoku ꞌi muꞌa i a koe ꞌā, hora kai aŋa ꞌana i te ao.

Iovani 20:12

he takeꞌa i te merahi e rua e uru rō ꞌana i te kahu tea-tea e no-noho rō ꞌana ꞌi te kona haka rē i te hakari o Ietū, e tahi ꞌi te pūꞌoko ꞌe te rua ꞌi te vaꞌe.

Iovani 6:62

¿Pē hē ia mo takeꞌa i te Poki o te taŋata e iri ꞌana ki te kona era mai ira i turu mai ai?

Aŋa o te ꞌĀpōtoro 1:19

I ꞌite era o ruŋa o rā meꞌe e te nuꞌu taꞌatoꞌa o Hērutarema, he nape i te ꞌīŋoa o rā kona ko Āteretama, te auraꞌa ꞌi te rāua ꞌarero: “He Henua Toto”)».

Aŋa o te ꞌĀpōtoro 10:34

He haꞌamata ia a Pētero he vānaŋa: —Hora nei ko ꞌite ꞌana a au ꞌina he ꞌAtua he uꞌi i te taŋata hoki he hūrio ꞌo taꞌe he hūrio; mōꞌona te hau taꞌatoꞌa pē tū huru tahi ꞌā.

Aŋa o te ꞌĀpōtoro 14:27

I tuꞌu era a Pauro ararua ko Verenāvē ki Antiokia, he haka taka-taka i te nuꞌu haka moe i te manaꞌu ꞌi ruŋa i a Ietū ꞌe he ꞌaꞌamu i tū meꞌe taꞌatoꞌa aŋa era e te ꞌAtua hai rāua, ꞌe pē hē te ꞌAtua i mātaki ai i te ꞌōpani mo haka moe takoꞌa o te nuꞌu taꞌe he hūrio i te rāua manaꞌu ꞌi ruŋa i a Ietū.

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

Rōmano 10:12

Te meꞌe nei taꞌe mo te nuꞌu ⌊hūrio⌋ nō, mo te nuꞌu taꞌe he hūrio takoꞌa. A Ietū, paꞌi, he Pūꞌoko Haka Tere o te taꞌatoꞌa, ꞌe tōꞌona riva rahi ꞌi ruŋa i te taŋata taꞌatoꞌa ani ki a ia.

Rōmano 10:18

Tāꞌaku ꞌui ia: ¿ꞌIna ꞌō pēaha kai ŋaroꞌa e te nuꞌu hūrio i te roŋo riva-riva o te ꞌAtua? I ŋaroꞌa rō. E kī rō ꞌana, paꞌi, ꞌi ruŋa i te Pāpaꞌi Moꞌa pē nei ē: «Te reꞌo o te maꞌuroŋo ko tuꞌu ꞌā ki te kona taꞌatoꞌa, ꞌātā ki te kona hopeꞌa o te ao».

Rōmano 16:25

Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

Rōmano 16:26

ꞌe, hora nei, ko haka ꞌite ꞌana ꞌi ruŋa i te meꞌe pāpaꞌi e te perofeta. Nei parautiꞌa ko haka ꞌite ꞌana ki te taŋata o te henua taꞌatoꞌa mo haka moe o rāua i te manaꞌu ꞌi ruŋa i a Ietū ꞌe mo haꞌatura ki a ia. O te ꞌAtua, ꞌina ōꞌona haꞌamata ꞌe ꞌina ōꞌona hopeꞌa, i kī mo aŋa pē ira.

Rōmano 3:4

Taꞌe pē ira. Te ꞌAtua e aŋa ena i tāꞌana meꞌe taꞌatoꞌa hai parautiꞌa, ka ai atu he reo-reo nō te aŋa o te taŋata taꞌatoꞌa. ꞌE nā ꞌi ruŋa i te ⌊Pāpaꞌi Moꞌa⌋ e kī ena mo te ꞌAtua: «E kī rō e te taŋata: taꞌa vānaŋa he parautiꞌa ꞌe, ꞌi te hora o te ture, i a koe te rē».

Rōmano 8:3

Te ꞌAtua ko aŋa ꞌā i te meꞌe taꞌe ravaꞌa e te ⌊haka tere iŋa ꞌa Mōtē⌋ mo aŋa, ꞌi te pūai kore o te taŋata. Ko haka kore ꞌā i te pūai o te hara mai ruŋa i te taŋata hai uŋa mai i tāꞌana Poki pa he taŋata ꞌe pa he tūtia mo ꞌamo e tōꞌona hakari i te ūtuꞌa o te tātou hara.

Rōmano 9:5

Ko rāua te hakaara o te tātou tupuna, ꞌe mai i a rāua i poreko ai te Kiritō. A ia, paꞌi, he ꞌAtua o te meꞌe taꞌatoꞌa ꞌe ki a ia ana haꞌahana-hana ꞌātā ki te hopeꞌa raꞌa. ⌊ꞌĀmene⌋.

1 Kōrinto 15:47

Te taŋata raꞌe era ko ꞌĀtamu hai ꞌōꞌone i aŋa ai, ꞌi te meꞌe era o te ao nei a ia. ꞌE te rua ꞌĀtamu ko Ietū Kiritō, ꞌe a ia o te raŋi.

1 Kōrinto 2:7

Te meꞌe nei o mātou e vānaŋa nei: o ruŋa i te mārama-rama o te ꞌAtua taꞌe ꞌite e te taŋata: he meꞌe i manaꞌu e ia mo aŋa mo te tātou riva-riva pe muꞌa ka oho ena taꞌe haka ꞌite mai e ia ꞌi muꞌa ꞌā. Te meꞌe nei i manaꞌu ai mai te hora era kai aŋa ꞌā i te ao.

2 Kōrinto 1:19

A Ietū Kiritō, Poki era o te ꞌAtua, haka ꞌite atu era e au, e Tira ꞌe e Timoteo, kope taꞌe kī «ꞌē-ē» mo ꞌina, ꞌe «ꞌina» mo ꞌē-ē. A ia he ꞌē-ē mau ꞌā o te ꞌAtua;

Karatia 2:8

O te ꞌAtua uŋa era i a Pētero pa he ⌊ꞌāpōtoro⌋ ki te ⌊hūrio⌋, i uŋa takoꞌa i a au pa he ꞌāpōtoro ki te nuꞌu taꞌe he hūrio.

Karatia 4:4

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋,

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Ēfeto 6:19

E pure takoꞌa mōꞌoku, ki vaꞌai mai ai e te ꞌAtua i te vānaŋa tano mo kī ꞌi te hora ka vānaŋa era au o ruŋa i te roŋo riva-riva ꞌāꞌana, he parautiꞌa taꞌe haka ꞌite mai era ꞌi muꞌa ꞌā, ꞌe ki vaꞌai takoꞌa mai ai i te pūai ꞌo riꞌa-riꞌa a au ꞌi rā hora.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

Kōrosa 1:27

nuꞌu ki a rāua te ꞌAtua i haŋa ai mo haka ꞌite pē nei ē: te hauhaꞌa taꞌatoꞌa o rā parautiꞌa mo te nuꞌu taꞌe hūrio takoꞌa. ꞌE rā parautiꞌa ko te meꞌe nei: a Ietū Kiritō e noho takoꞌa rō ꞌana, hai Vārua Maitai, ꞌi roto i a kōrua i te nuꞌu taꞌe hūrio. ꞌE hai noho atu ōꞌona ꞌi roto i a kōrua he ꞌite kōrua pē nei ē: pe muꞌa ka oho ena a kōrua takoꞌa ꞌi roto i tōꞌona nui-nui, te auraꞌa: i a kōrua takoꞌa tōꞌona huru riva.

Kōrosa 1:6

tuꞌu atu era ki a kōrua. Te roŋo riva-riva nei o ruŋa i a Ietū nā ko ꞌite ko oho ꞌana ꞌi te kona taꞌatoꞌa o te ao koia ko te haka ꞌāpī ko te oho i te noho iŋa o te nuꞌu haka moe i te manaꞌu ꞌi ruŋa i a ia, pa he meꞌe topa atu ki a kōrua hora aŋi-aŋi era he parautiꞌa mau ꞌā te vānaŋa ŋaroꞌa e kōrua o ruŋa i te riva rahi o te ꞌAtua mo te taŋata.

Kōrosa 2:2

Tāꞌaku meꞌe haŋa: he pūai o te kōrua manaꞌu ꞌi ruŋa i te ꞌAtua, he pūai he oho te kōrua haŋa ꞌi roto i a kōrua, mo ai e tahi mau nō manaꞌu, ꞌe he ŋaroꞌa e kōrua i te koa ꞌe i te ora o te nuꞌu aŋi-aŋi riva-riva o ruŋa i te parautiꞌa taꞌe haka ꞌite e te ꞌAtua ꞌi muꞌa ꞌā, ꞌe nei parautiꞌa ko Ietū Kiritō.

2 Tētārōnika 2:7

A Rukifero, paꞌi, ko haꞌamata ko aŋa mai era ꞌā ꞌi ruŋa i te taŋata, mā te taꞌe ꞌite e rāua, ꞌo haŋa ꞌe ꞌo haꞌatura ki te roŋo o te ꞌAtua. ꞌE te kope ꞌāꞌana te haka noho i te taŋata ꞌo riri ꞌo haka tumu i te ture mo te ꞌAtua, he aŋa he oho mau rō ꞌai i te meꞌe nei ꞌātā ki te mahana ka toꞌo ena i a ia e te ꞌAtua.

1 Timoteo 3:9

Te nuꞌu nei e haka hio-hio i te rāua manaꞌu ki te roŋo parautiꞌa o te ꞌAtua haka ꞌite mai era e ia, ꞌe e ai e maꞌitaki rō ꞌā te rāua māhatu.

ꞌEvereo 1:3

Te ꞌana-ꞌana ꞌe te pūai nui-nui o te ꞌAtua e takeꞌa ena ꞌi ruŋa i tāꞌana Poki; a ia he ꞌāriŋa mau ꞌā o te ꞌAtua, ꞌe ꞌāꞌana te haka noho i te meꞌe taꞌatoꞌa o te ao ꞌi tōꞌona kona hai kī mau nō e ia. I tuꞌu mai era ki te ao nei, he aŋa tahi i tāꞌana meꞌe taꞌatoꞌa mo aŋa mo haka kore e te ꞌAtua i te tātou hara. I oti tahi era nei aŋa, he hoki ki te raŋi ꞌe he noho ꞌi te pāꞌiŋa mataꞌu o te ꞌAtua.

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.

ꞌEvereo 7:7

ꞌE a tātou e ꞌite rō ꞌana i hau rō atu te kope ꞌāꞌana te haꞌamaitai ki te kope haꞌamaitai era.

ꞌEvereo 8:1

Te meꞌe haŋa ꞌāꞌaku mo aŋi-aŋi e kōrua: te tātou oromatuꞌa hopeꞌa o te ra-rahi ko Ietū Kiritō, ꞌai te raŋi e noho rō ꞌā ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui.

1 Pētero 1:12

ꞌE te ꞌAtua i haka ꞌite rō ki rā ŋā perofeta pē nei ē: te roŋo haka ꞌite oho era e rāua he meꞌe mo topa pe muꞌa ka oho era, te auraꞌa, ꞌi te noho iŋa nei o tātou, ꞌe taꞌe ꞌō ꞌi te rāua noho iŋa era. ꞌE ko rā roŋo te meꞌe i haka ꞌite atu ki a kōrua e te nuꞌu haka ꞌite oho i te roŋo riva-riva nei o ruŋa i a Ietū hai pūai o te ⌊Vārua Maitai⌋ uŋa mai mai te raŋi. ꞌE ꞌātā te merahi e haŋa rō ꞌana mo aŋi-aŋi o ruŋa i te roŋo nei o te haka eꞌa iŋa o te taŋata mai roto i te ūtuꞌa o te hara.

1 Pētero 1:20

ꞌI te hora kai aŋa hia ꞌā i te ao, i haꞌataꞌa rō ai e te ꞌAtua i te Kiritō mo te meꞌe nei; ꞌe ꞌi te ŋā hora hopeꞌa nei, i tuꞌu mai ai mo te riva-riva o kōrua.

1 Pētero 1:21

Hai Kiritō kōrua e haka moe ena i te manaꞌu ꞌi ruŋa i te ꞌAtua. ꞌE, ꞌo te haka ora e te ꞌAtua i te Kiritō mai te mate ꞌe ꞌo te haka nui-nui, e taꞌe haka tapa ena te kōrua manaꞌu mai ruŋa i te ꞌAtua ꞌe e ꞌite ena e kōrua e aŋa tahi rō e ia i tāꞌana meꞌe hōrea era.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.

1 Pētero 3:22

ꞌE hora nei, ꞌai te raŋi ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui, e noho ena ꞌe e haka tere ena i te merahi taꞌatoꞌa ꞌe i te ŋā vārua taꞌatoꞌa ena e ai rō ꞌana te rāua tōroꞌa ꞌe pūai.

1 Iovani 1:2

Te kope nei i a ia te ora ꞌāpī ꞌina he hopeꞌa raꞌa i haka takeꞌa rō i a ia ki te taŋata. I takeꞌa rō e mātou ꞌe he mataꞌite mātou ōꞌona. ꞌO ira e haka ꞌite atu ena o ruŋa i a ia. ꞌI muri i te ꞌAtua Matuꞌa a ia, ꞌe i haka takeꞌa rō mai ki a mātou.

1 Iovani 3:5

E ꞌite rō ꞌana e kōrua: a Ietū i oho mai ai ki te ao nei mo haka kore i te hara o te taŋata, ꞌe ko ꞌite takoꞌa ꞌana e kōrua: ꞌina ōꞌona hara.

1 Iovani 3:8

ꞌE te kope aŋa i te meꞌe taꞌe tano ꞌa Rukifero. Mai te haꞌamata iŋa o te ao, paꞌi, a Rukifero e hara e oho mai ena. ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa e Rukifero.

Meꞌe Haka Takeꞌa 17:5

ꞌI te tira e pāpaꞌi rō ꞌā te ꞌīŋoa: «⌊Vāvīrōnia⌋, matuꞌa vahine o te taiꞌo taꞌatoꞌa ꞌe o te meꞌe taꞌatoꞌa hano-hano o te ao». Te taŋata ꞌina kai ꞌite i te haꞌaauraꞌa mau o te ꞌīŋoa nei.

Meꞌe Haka Takeꞌa 17:7

He kī mai ia e tū merahi era: «¿He aha koe i māere ai? ꞌĪ a au he haka ꞌite atu i te meꞌe taꞌe ꞌite e kōrua e te taŋata o ruŋa o te viꞌe era ꞌe o te manuꞌino era ꞌi ruŋa rā viꞌe, manuꞌino era e hitu pūꞌoko e hoꞌe ꞌahuru tara.

Meꞌe Haka Takeꞌa 7:9

I oti era te meꞌe nei, he uꞌi atu a au ko te nuꞌu riꞌa-riꞌa o te ao o te taꞌatoꞌa hau, o te taꞌatoꞌa ꞌarero ꞌe o te taꞌatoꞌa henua, e māroa rō ꞌana ꞌi muꞌa o te kona pepe ꞌariki era ꞌe o te Māmoe. ꞌI te rahi e ko ravaꞌa mo tataku. E uru tahi rō ꞌana i te kahu tea-tea, e maꞌu-maꞌu rō ꞌā ꞌi te rima i te maŋa niu.