1 Timoteo 3:13 - Rapa Nui

¹³ ꞌE mo aŋa riva-riva o te taina hāꞌūꞌū i tāꞌana aŋa, he ꞌata moꞌa e te taŋata, ꞌe he ꞌata pūai mo haka ꞌite mo oho o ruŋa i te haka moe iŋa i te manaꞌu ꞌi ruŋa i a Ietū Kiritō.

1 Timoteo 3:13 ပူးပေါင်းရင်းမြစ်များ

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

Māteo 25:21

»He kī e tū taŋata era: “He tāvini haꞌatura ꞌe riva koe; ꞌo te haꞌatura ōꞌou ꞌi te meꞌe ꞌiti-ꞌiti nei, he vaꞌai atu e au ꞌata rahi te meꞌe mo hāpaꞌo e koe. Ka uru mai ki koa tāua”.

Ruka 19:17

He pāhono e tū ꞌariki era: “Ko tano ꞌā. Tāvini riva-riva mau ꞌā a koe. He haꞌatura ōꞌou ꞌi te meꞌe ꞌiti-ꞌiti pē nā, he haka suerekao koe e au o te kona e hoꞌe ꞌahuru”.

Aŋa o te ꞌĀpōtoro 21:35

Ko hāhine ꞌana mo eke ki ruŋa i te ara o rā kona he ꞌamo a ruŋa e te vaꞌehau i a Pauro ꞌo tōtōā e te nuꞌu

Aŋa o te ꞌĀpōtoro 6:15

Te nuꞌu ra-rahi ꞌe te nuꞌu taꞌatoꞌa ꞌi tū kona era, i uꞌi era a ruŋa i a ꞌĒteva, he takeꞌa i te ꞌāriŋa pa he ꞌāriŋa merahi ꞌā.

Aŋa o te ꞌĀpōtoro 6:5

Taꞌatoꞌa i peꞌe ai ki tū meꞌe kī era e te ꞌāpōtoro. He toꞌo i a ꞌĒteva, taŋata haka moe rahi i tōꞌona manaꞌu ꞌi ruŋa i a Ietū ꞌe ꞌī e te pūai o te Vārua Maitai, i a Feripe, i a Porokoro, i a Nikanoro, i a Tīmono, i a Paramena, ꞌe i a Nikorao, taŋata o Antiokia, he kona e tahi o te henua ko Tīria. A Nikorao ꞌi muꞌa ꞌā i oꞌo rō ki te haka tere iŋa hūrio.

Aŋa o te ꞌĀpōtoro 6:8

A ꞌĒteva, he taŋata haꞌamaitai ꞌe ꞌī e te pūai o te ꞌAtua, e aŋa rō ꞌā i te mana ꞌe i te tētahi meꞌe nu-nui ki te nuꞌu o rā kona.

1 Kōrinto 16:15

E te taina, ko ꞌite ꞌana a kōrua: te huaꞌai o Etefana he nuꞌu raꞌe o te kona era o Ākāia i haka moe i te manaꞌu ꞌi ruŋa i a Ietū, ꞌe ꞌi te hora nei te meꞌe rava aŋa o rāua he hāꞌūꞌū ki te taina haka moe i te manaꞌu ꞌi ruŋa i a Ietū.

Fīripo 1:14

ꞌE te rahi raꞌa o te tātou taina, i ꞌite era ko puru ꞌana a au, ko ꞌata haŋu ꞌā te manaꞌu mo haka ꞌite mo oho o ruŋa i te roŋo riva-riva o te ꞌAtua ꞌina he riꞌa-riꞌa haka ꞌou, ꞌe ko haka noho mau ꞌā i te rāua manaꞌu ꞌi ruŋa i a Ietū.

1 Tētārōnika 2:2

Ko ꞌite ꞌana e kōrua: ꞌi raꞌe ki te tuꞌu atu o mātou ki a kōrua ena i vā-vā ꞌe i tōtōā rō mai i a mātou ꞌi te kona era ko Fīripo. Ka ai atu pē ira, i hāꞌūꞌū nō mai te ꞌAtua mo haka ꞌite atu ki a kōrua i te ⌊roŋo riva-riva o ruŋa i a Ietū⌋ taꞌe e riꞌa-riꞌa ꞌe taꞌe e tapa atu i te nuꞌu riri mo mātou.

1 Timoteo 3:14

E Timoteo, ko haŋa ꞌana a au ꞌina ko roa hia mo oho atu mo uꞌi i a koe. ꞌO ŋeꞌi tāꞌue, e pāpaꞌi atu ena au i te meꞌe nei, mo ꞌite ōꞌou pē hē te noho iŋa tano o te huaꞌai o te ꞌAtua ora, he nūnaꞌa taŋata haꞌataꞌa e ia māꞌana. O te nuꞌu nei te maꞌu ꞌe te hāpaꞌo i te parautiꞌa.

2 Timoteo 2:1

E haŋu, e haka pūai koe hai riva rahi o te ꞌAtua vaꞌai atu hai Ietū Kiritō.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.