1 Timoteo 3:11 - Rapa Nui

¹¹ ꞌE te rāua ŋā viꞌe, e ai e moꞌa takoꞌa rō ꞌana e te taŋata, he ŋā viꞌe taꞌe haꞌaꞌino, hāito i te rāua meꞌe kī ꞌe i te rāua meꞌe aŋa, ꞌe he ŋā viꞌe haka tano i te rāua meꞌe kī.

1 Timoteo 3:11 ပူးပေါင်းရင်းမြစ်များ

Māteo 4:1

He maꞌu ia e te ⌊Vārua Maitai⌋ i a Ietū ki te kona ꞌone taꞌe noho taŋata mo haka ꞌatu e Rukifero koiꞌite e aŋa rō e tahi meꞌe taꞌe haŋa e te ꞌAtua.

Iovani 6:70

He kī ia e Ietū: —ꞌĀꞌaku mau ꞌā a kōrua a ho-hoꞌe ꞌahuru mā piti i toꞌo mai. ꞌE, ka ai atu pē ira, e tahi o roto i a kōrua he tātane.

Rōmano 1:29

Te meꞌe aŋa mau nō he meꞌe rake-rake pa he nou-nou, tōtōā i te rua taŋata, pohe ki te meꞌe o te rua, tiŋaꞌi haka mate i te rua taŋata, haka tumu i te ture, reo-reo, mura-mura

1 Timoteo 1:12

He māuru-uru au ki te kope vaꞌai mai i te haŋu, ko Ietū Kiritō, he Pūꞌoko Haka Tere o tātou, ꞌo te uꞌi mai i a au pa he taŋata e ko haka rē i a ia ki te hora hopeꞌa ꞌe ꞌo te haꞌataꞌa i a au mo aŋa ki a ia,

1 Timoteo 3:2

Te kope mo pūꞌoko haka tere ꞌina ko ai ōꞌona hape. E ai he kope kai oho ki te rua viꞌe ꞌi tōꞌona hāipo-ipo, ꞌite i te hāito i tāꞌana meꞌe kī ꞌe i tāꞌana meꞌe aŋa, ꞌite mo ture hai meꞌe tano, ꞌe e moꞌa rō ꞌana e te taŋata. E ai he kope toꞌo i te nuꞌu kē ki tōꞌona hare mo hāpaꞌo, ꞌe e ꞌite riva-riva rō ꞌana mo hāpī i te nuꞌu.

1 Timoteo 6:2

ꞌE mo ai te taŋata haka aŋa i a rāua he kope haka moe i te manaꞌu ꞌi ruŋa i a Ietū, ꞌina ko taꞌe moꞌa ꞌo te ai he taina haka moe i te manaꞌu ꞌi ruŋa i a Ietū. Te tano mau: e ꞌata aŋa riva-riva ꞌo te ai te kope era ki a ia e tāvini era he taina haŋa rahi. E Timoteo, ka hāpī te meꞌe pāpaꞌi atu ena e au ꞌe ka kī ki te taina: hai meꞌe nei a rāua ana haka tere.

2 Timoteo 3:3

E ko haka ꞌaroha ꞌe e ko haŋa ki te rua taŋata. He riro nuꞌu haꞌaꞌino, taꞌe hāito i te meꞌe kī ꞌe i te meꞌe aŋa, tōtōā i te rua ꞌe taꞌe haŋa ki te meꞌe tano.

2 Timoteo 4:5

ꞌE a koe, e ꞌite i te hāito i taꞌa meꞌe kī ꞌe i taꞌa meꞌe aŋa, e haꞌaoromaꞌi hai pūai i te ꞌati, e haka ꞌite e oho i te ⌊roŋo riva-riva o ruŋa i a Ietū Kiritō⌋, ꞌe e aŋa riva-riva taꞌa aŋa.

Tito 2:3

ꞌE ki te ŋā viꞌe paꞌari e hāpī mo haka tere i a rāua hai moꞌa ꞌe hai haꞌatura ki te ꞌAtua, ꞌe mo taꞌe ai he ŋā viꞌe haꞌaꞌino ꞌe taꞌero. E ai he ŋā viꞌe hāpī i te meꞌe riva-riva,

Tito 3:2

nuꞌu taꞌe vānaŋa ꞌino mo te rua, taꞌe moto, riva, ꞌe ꞌite i te moꞌa i te nuꞌu taꞌatoꞌa.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.