1 Timoteo 3:10 - Rapa Nui

¹⁰ Te meꞌe raꞌe, e uꞌi ana ai te rāua hape, ꞌe mo ai ꞌina, he toꞌo mo taina hāꞌūꞌū o te nūnaꞌa taŋata haka moe i te manaꞌu ꞌi ruŋa i a Ietū.

1 Timoteo 3:10 ပူးပေါင်းရင်းမြစ်များ

1 Kōrinto 1:8

Mo te ꞌAtua e haka pūai i te kōrua haka moe iŋa i te manaꞌu ꞌi ruŋa i a Ietū ꞌātā ki te hopeꞌa, ꞌo ai te hape mo tuhi iŋa atu ꞌi te hora o tōꞌona hoki iŋa mai.

Kōrosa 1:22

ꞌE hora nei, te ꞌAtua ko haka riva-riva haka ꞌou ꞌana i a kōrua ki a ia hai mate iŋa era o Ietū Kiritō pa he taŋata. Te meꞌe nei i aŋa ai ki tuꞌu ai a kōrua ki muꞌa o te ꞌAtua e maꞌitaki rō ꞌā ꞌina e tahi hara, ꞌe ꞌina e tahi hape mo tuhi atu.

1 Timoteo 3:13

ꞌE mo aŋa riva-riva o te taina hāꞌūꞌū i tāꞌana aŋa, he ꞌata moꞌa e te taŋata, ꞌe he ꞌata pūai mo haka ꞌite mo oho o ruŋa i te haka moe iŋa i te manaꞌu ꞌi ruŋa i a Ietū Kiritō.

1 Timoteo 3:2

Te kope mo pūꞌoko haka tere ꞌina ko ai ōꞌona hape. E ai he kope kai oho ki te rua viꞌe ꞌi tōꞌona hāipo-ipo, ꞌite i te hāito i tāꞌana meꞌe kī ꞌe i tāꞌana meꞌe aŋa, ꞌite mo ture hai meꞌe tano, ꞌe e moꞌa rō ꞌana e te taŋata. E ai he kope toꞌo i te nuꞌu kē ki tōꞌona hare mo hāpaꞌo, ꞌe e ꞌite riva-riva rō ꞌana mo hāpī i te nuꞌu.

1 Timoteo 3:6

ꞌO ira, te taŋata mo pūꞌoko haka tere ꞌina ko ai e haka moe iho ꞌana i te manaꞌu ꞌi ruŋa i a Ietū, ꞌo haka paka rō ꞌe he topa ꞌi ruŋa i a ia te ūtuꞌa vaꞌai era ki a Rukifero.

1 Timoteo 5:22

ꞌIna koe ko veve-veve mo haꞌataꞌa ꞌe mo haꞌamaitai i te kope mo te aŋa o te ꞌAtua hai haka puā i tuꞌu rima a ruŋa, ꞌo ai e hara rō ꞌā kai ꞌite hia koe; pē ira he hara takoꞌa a koe. E hāpaꞌo koe ꞌo hara.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.