1 Timoteo 2:5 - Rapa Nui

⁵ Te ꞌAtua e tahi nō, ꞌe e tahi nō kope haka riva-riva i te taŋata ki te ꞌAtua, ko Ietū Kiritō.

1 Timoteo 2:5 ပူးပေါင်းရင်းမြစ်များ

Māteo 1:1

Te ŋā ꞌīŋoa nei o te hakaara o Ietū Kiritō, he kope mai i a Tāvita ꞌe mai i a ⌊ꞌAparahama⌋ i haka ara mai ai:

Māteo 1:23

«E tahi uka kai moe ꞌā e te taŋata e tupu rō te poki ꞌe he poreko poki tane. He nape i te ꞌīŋoa ko ꞌEmanuera». Te haꞌaauraꞌa o te ꞌīŋoa nei: «He ꞌAtua ꞌi muri i a tātou».

Ruka 14:22

»I hini era he kī haka ꞌou e rā tāvini: “Ko aŋa ꞌana a au i taꞌa meꞌe kī mai, ꞌe e topa nō ꞌā te pepe”.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Aŋa o te ꞌĀpōtoro 4:12

Te eꞌa mai roto i te ūtuꞌa o te hara ꞌe te ai o te ora ꞌāpī ꞌina he hopeꞌa raꞌa vaꞌai e te ꞌAtua, mai i a Ietū mau nō ana ravaꞌa. Te ꞌAtua, paꞌi, ꞌina kai vaꞌai ki te rua kope i te aŋa nei.

Rōmano 1:3

Te roŋo riva-riva nei o ruŋa o tāꞌana Poki ko Ietū Kiritō, he Pūꞌoko Haka Tere o tātou. I poreko ai mai te hakaara o ⌊Tāvita⌋, ꞌe hai ora iŋa haka ꞌou ōꞌona mai te mate, i haka aŋi-aŋi ai e te ⌊Vārua Maitai⌋ ki te taŋata: he Poki o te ꞌAtua ꞌe i a ia te pūai.

Rōmano 10:12

Te meꞌe nei taꞌe mo te nuꞌu ⌊hūrio⌋ nō, mo te nuꞌu taꞌe he hūrio takoꞌa. A Ietū, paꞌi, he Pūꞌoko Haka Tere o te taꞌatoꞌa, ꞌe tōꞌona riva rahi ꞌi ruŋa i te taŋata taꞌatoꞌa ani ki a ia.

1 Kōrinto 8:4

ꞌE te meꞌe ena he kai i te kai tūtia ki te ꞌītoro, e ꞌite rō ꞌana e tātou: te ꞌītoro taꞌe he ꞌatua parautiꞌa, ꞌe e ꞌite takoꞌa rō ꞌana: e tahi mau nō ꞌAtua.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

Karatia 3:20

ꞌE te hōrea vaꞌai era e te ꞌAtua ki a ꞌAparahama ꞌina kai uŋa mai hai rua kope, ꞌāꞌana mau ꞌā i kī ki a ꞌAparahama.

Ēfeto 4:6

E tahi mau nō ꞌAtua, he Matuꞌa o tātou taꞌatoꞌa. A ia e noho ena ꞌi roto i a tātou hai Vārua Maitai, e haka tere mai ena, ꞌe e aŋa ena i tāꞌana meꞌe haŋa hai tātou.

1 Timoteo 6:13

E Timoteo, he kī atu au ꞌi muꞌa i te ꞌAtua, i a ia te ora o te meꞌe taꞌatoꞌa, ꞌe ꞌi muꞌa i a Ietū Kiritō, kī i te parautiꞌa ꞌi muꞌa o Pontio Pirato:

ꞌEvereo 12:24

ki a Ietū, kope ꞌāꞌana te haka riva-riva i te taŋata ki te ꞌAtua ꞌi te haka tere iŋa ꞌāpī nei ꞌāꞌana ananake ko te taŋata; ꞌe ki te toto haka maꞌitaki i a tātou, he toto ꞌata hau rō atu ki te toto o ⌊ꞌĀvere⌋, toto ani era ki te ꞌati kōpeka.

ꞌEvereo 7:25

ꞌO ira a Ietū e riva ena mo haka eꞌa mau rō mai ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa ki a tātou ki te nuꞌu haka hāhine ki te ꞌAtua hai ⌊haka moe i te manaꞌu⌋ ꞌi ruŋa i a ia. A Ietū, paꞌi, e ora e oho ena mo ani ki te ꞌAtua mo tātou.

ꞌEvereo 8:6

Te aŋa vaꞌai era e te ꞌAtua ki te tātou Oromatuꞌa hopeꞌa o te ra-rahi i hau rō atu ki te aŋa o te tētahi oromatuꞌa, ꞌe pē ira ꞌana te ⌊haka tere iŋa ꞌāpī o te ꞌAtua ananake ko te taŋata⌋ haka riva-riva e Ietū, ki te haka tere iŋa raꞌe era ꞌo te ai hora aŋa era i te haka tere iŋa ꞌāpī, te meꞌe hōrea mai e te ꞌAtua meꞌe ꞌata nui-nui ki te meꞌe hōrea mai e ia hora aŋa era i te haka tere iŋa raꞌe era.

ꞌEvereo 9:15

ꞌO ira, ꞌi te haka tere iŋa ꞌāpī nei, a Ietū he kope haka riva-riva i te taŋata ki te ꞌAtua, ki ravaꞌa ai e te nuꞌu kī e te ꞌAtua mo taŋata ꞌāꞌana i te meꞌe taꞌatoꞌa ꞌina he hopeꞌa raꞌa hōrea e ia mo rāua. A Ietū Kiritō, paꞌi, i mate ai mo haka eꞌa takoꞌa mai roto i te ūtuꞌa o te hara i te taŋata hara o te haka tere iŋa raꞌe era.

1 Iovani 2:1

E te ŋā poki ꞌāꞌaku ē, e pāpaꞌi atu ena a au i te meꞌe nei ꞌo hara kōrua. ꞌE mo hara tāꞌue e tahi o kōrua, e ai rō ꞌana e tahi kope ꞌi muꞌa o te ꞌAtua mo vānaŋa mo te tātou ora ko Ietū Kiritō, ꞌe a ia he kope aŋa i te meꞌe tī-tika.

Meꞌe Haka Takeꞌa 1:13

ꞌe ꞌi vāeŋa o rā ŋā hakariꞌi te kope pa he Poki era ꞌā o te taŋata, e uru rō ꞌana i te kahu roa-roa ꞌātā ki te vaꞌe, e haratuꞌa rō ꞌā a te uma hai rīpena aŋa hai piru.