1 Timoteo 1:3 - Rapa Nui

³ E Timoteo, ka noho nō koe ꞌi Ēfeto, pa he meꞌe ani atu era e au ki a koe ꞌi te hora oho era ōꞌoku ki Mātērōnia, mo kī ōꞌou ki tū nuꞌu kī atu era e au mo taꞌe hāpī o rāua i te meꞌe reo-reo,

1 Timoteo 1:3 ပူးပေါင်းရင်းမြစ်များ

Aŋa o te ꞌĀpōtoro 18:19

I tuꞌu era ki Ēfeto ꞌi tū ara era ki Tīria, he haka rē e Pauro i a Pirisira ararua ko ꞌĀkira ꞌi ira. ꞌE, ꞌi raꞌe ki tōꞌona reva haka ꞌou, he oho he vānaŋa ananake ko te nuꞌu hūrio ꞌi roto i te rāua hare pure.

Aŋa o te ꞌĀpōtoro 18:21

He ꞌaroha he kī ki rā nuꞌu: «Mo haŋa o te ꞌAtua, e hoki haka ꞌou rō mai a au». I oti era he eke ki ruŋa i te pahī he oho mai Ēfeto.

Rōmano 15:26

Ko haka taka-taka ꞌana, paꞌi, e te taina o Mātērōnia ꞌe o Ākāia i te moni mo haka maꞌu mo te taina veve o Hērutarema.

Rōmano 16:17

E te taina, e uꞌi e haka tapa mai muri i te nuꞌu haka huri i te manaꞌu hai hāpī taꞌe parautiꞌa, ꞌo taꞌe ai e tahi mau nō kōrua manaꞌu o ruŋa i te hāpī parautiꞌa haka ꞌite atu era, ꞌo haka tapa kōrua mai te ara parautiꞌa o te ꞌAtua.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

Fīripo 2:24

ka ai atu te parautiꞌa, ꞌī a au e haka noho rō ꞌā i tōꞌoku manaꞌu ꞌi ruŋa i te ꞌAtua pē nei ē: e ko roa he oho takoꞌa atu a au ki a kōrua ena.

1 Timoteo 4:11

He ŋā meꞌe nei te meꞌe ꞌāꞌau mo hāpī ꞌe mo kī mo aŋa e te taina.

1 Timoteo 4:6

E Timoteo, mo hāpī ōꞌou ki te taina i te ŋā meꞌe nei, he tāvini riva-riva ia koe o Ietū Kiritō. ꞌE te roŋo parautiꞌa o te ꞌAtua ꞌe te maꞌu ōꞌou i te hāpī riva-riva haka ꞌite atu he haka haŋu he oho i a koe.

1 Timoteo 5:7

E kī ki te taina taꞌatoꞌa: e hāpaꞌo te rāua huaꞌai, ꞌo tuhi e te nuꞌu ꞌi te taꞌe hāpaꞌo i a rāua.

1 Timoteo 6:10

Te nou-nou ki te moni he tumu o te rauhuru atu meꞌe taꞌe tano. ꞌE nā e ai rō ꞌana te nuꞌu, ꞌi te pohe rahi ki te moni, ko haka tapa ꞌana i te manaꞌu mai ruŋa i te ꞌAtua, ꞌe ko ꞌamo ꞌana meꞌe rahi nō atu ꞌati i kimi e rāua ꞌā.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.

1 Timoteo 6:3

Mo hāpī o te kope e tahi i te meꞌe kē ꞌe ꞌina he haŋa ki te hāpī parautiꞌa o te tātou Pūꞌoko Haka Tere ko Ietū Kiritō ꞌe ki te hāpī maꞌu e tātou,

2 Timoteo 1:18

ꞌO ira a au e pure nei mo haka ꞌaroha o te ꞌAtua i a ia ꞌi te mahana o te ture hopeꞌa. Ko ꞌite riva-riva ꞌana, hoꞌi, koe, e Timoteo ē, pē hē a ia i hāꞌūꞌū mai ai ꞌi Ēfeto.

2 Iovani 1:7

ꞌI te kona taꞌatoꞌa o te ao e noho mai ena meꞌe rahi nō atu nuꞌu reo-reo e kī ena kai oho mai a Ietū hai hakari taŋata. Te kope kī pē ira he kope haꞌavare ꞌe he kope taꞌe haŋa ki te ⌊Kiritō⌋.

Meꞌe Haka Takeꞌa 2:14

’Ka ai atu pē ira, e ai rō ꞌā tāꞌaku ture māꞌau: ꞌi te kona ena e ai rō ꞌā te kōrua nuꞌu ko te maꞌu iŋa ꞌana i te haka tere iŋa era ꞌa ⌊Vārama⌋. O te kope nei, paꞌi, i hāpī i a Vāraka pē hē ana haka hara i te itaraera hai haka haŋu i a rāua mo kai i te kai tūtia ki te ꞌītoro ꞌe mo moe i te viꞌe ꞌe i te taŋata taꞌe he viꞌe ꞌo he kenu ꞌāꞌana.

Meꞌe Haka Takeꞌa 2:20

’Ka ai atu pē ira, e ai rō ꞌana tāꞌaku ture māꞌau: he haꞌaoromaꞌi ōꞌou i te viꞌe ko Hētāvere, viꞌe kī i a ia mau ꞌā he perofeta. Te viꞌe nei hai hāpī reo-reo ꞌāꞌana e haka haŋu ena i tōꞌoku tāvini mo moe i te viꞌe i te taŋata taꞌe he viꞌe ꞌo he kenu ꞌāꞌana ꞌe mo kai i te kai tūtia ki te ꞌītoro.