1 Timoteo 1:20 - Rapa Nui

²⁰ I topa ai te meꞌe nei ki a Hīmēneo ararua ko Arehantaro, ꞌe ko haka rē atu ꞌana e au ki a Rukifero mo aŋi-aŋi e rāua ararua: ꞌina ko kī haka ꞌou i te vānaŋa taꞌe tano mo te ꞌAtua.

1 Timoteo 1:20 ပူးပေါင်းရင်းမြစ်များ

Māteo 18:17

ꞌE mo taꞌe haka roŋo ki rā ŋā mataꞌite, ka kī ki te nūnaꞌa taŋata taꞌatoꞌa o rā kona ⌊haka moe i te manaꞌu⌋ ꞌi ruŋa i te ꞌAtua. ꞌE mo taꞌe haka roŋo ki rā nuꞌu, ka haꞌariro pa he taŋata kai ꞌite ko ai te ꞌAtua parautiꞌa ꞌo pa he ⌊nuꞌu haka ꞌauhau i te taŋata hai moni mo te rōmano⌋.

Aŋa o te ꞌĀpōtoro 13:45

I takeꞌa era e te hūrio ra-rahi i te rahi o te taŋata, he mākota. He haꞌamata ia he vā-vā ꞌe he kī he reo-reo te vānaŋa ꞌa Pauro.

Aŋa o te ꞌĀpōtoro 19:33

I oho era he haka ꞌite e te tētahi nuꞌu i te tumu o tū ture era ki a Arehantaro. A ia he taŋata i tono e te hūrio ki muꞌa o te taꞌatoꞌa mo vānaŋa. He haꞌaauraꞌa ia e Arehantaro hai rima mo mo-mou tahi ki riva ai a ia mo vānaŋa mo te riva-riva o te hūrio.

1 Kōrinto 11:32

ꞌE mo haka ūtuꞌa mai, he meꞌe mo aŋi-aŋi e tātou, ꞌo haka ūtuꞌa rō i a tātou ꞌi muri i te nuꞌu o te ao taꞌe haka moe i te manaꞌu ꞌi ruŋa i a ia.

2 Kōrinto 10:6

ꞌE ki takeꞌa ia e mātou i te rahi raꞌa o kōrua e haꞌatura parautiꞌa mau rō ꞌā ki te meꞌe taꞌatoꞌa haŋa o te Kiritō, ꞌi rā hora he uꞌi mātou he haka ūtuꞌa i te nuꞌu o roto i a kōrua taꞌe haꞌatura ki a ia.

2 Kōrinto 13:10

E pāpaꞌi atu ena a au i te parau nei ꞌi raꞌe ki tōꞌoku oho iŋa atu, ꞌo ai, hora ena ōꞌoku ka tuꞌu atu ena, he haka ūtuꞌa atu au i a kōrua hai parau vaꞌai mai e te tātou Pūꞌoko Haka Tere, parau vaꞌai mai mo haka pūai i te nuꞌu haka moe i te manaꞌu ꞌi ruŋa i a ia, taꞌe ꞌō mo haꞌataꞌa i a rāua mai muri i a ia.

2 Tētārōnika 3:15

ꞌIna kōrua ko tāpūfētī i a ia. Te meꞌe o kōrua mo aŋa, he ture, pa he taina, mo haka tī-tika ōꞌona i tōꞌona ara.

1 Timoteo 5:15

Te tētahi ŋā viꞌe hove, paꞌi, ko haka tapa ꞌā i a rāua mai te ara o te ꞌAtua ꞌe ko oho ꞌana a roto i te ara o Rukifero.

2 Timoteo 2:14

E haka manaꞌu koe ki te nuꞌu, e Timoteo ē, i te ŋā meꞌe kī atu era e au, ꞌe ꞌai ka kī rō hai ꞌīŋoa o te ꞌAtua: ꞌina a rāua ko tātake o ruŋa i te auraꞌa o te vānaŋa; ꞌina, paꞌi, e tahi hauhaꞌa. Te meꞌe mau nō mo ravaꞌa he haka kore i te haka moe iŋa o te manaꞌu ꞌi ruŋa i a Ietū o te nuꞌu haka roŋo i rā vānaŋa.

2 Timoteo 2:17

ꞌe te rāua hāpī taꞌe tano he ꞌata rahi he oho, pa he māui-ui kai i te hakari. He meꞌe nei te meꞌe i topa ki a Hīmēneo ararua ko Fireto.

2 Timoteo 3:2

He ꞌino te taŋata, he haŋa ki te moni nō, he haka meꞌe i a rāua, he manaꞌu i a rāua mau nō te tano, he vānaŋa taꞌe tano mo te ꞌAtua, e ko haꞌatura ki te rāua matuꞌa, e ko ꞌite mo māuru-uru ꞌe ꞌina takoꞌa e ko moꞌa i te hāpī o te ꞌAtua.

ꞌEvereo 12:5

¿Ko rehu ko oti ꞌana ꞌō i a kōrua te meꞌe hatu atu ꞌi ruŋa i te ⌊Pāpaꞌi Moꞌa⌋ pē nei ē: «E haka roŋo koe, e te poki ꞌāꞌaku ē, ana haka tī-tika atu e te ꞌAtua, ꞌe ꞌina koe ko hōriŋa ana ture atu.

Meꞌe Haka Takeꞌa 13:1

He uꞌi atu a au he manuꞌino taparahi-taꞌata haka ꞌou e tahi ka eꞌa mai roto i te vaikava. E hitu ōꞌona pūꞌoko ꞌe e hoꞌe ꞌahuru tara. ꞌI ruŋa i rā ŋā tara te hei, ꞌe ꞌi ruŋa i te pūꞌoko te ꞌīŋoa parauꞌino mo te ꞌAtua.

Meꞌe Haka Takeꞌa 3:19

’A au e ture e haka tī-tika rō ꞌā i te nuꞌu taꞌatoꞌa haŋa e au. ꞌO ira, ka hārui haka ꞌou tuꞌu manaꞌu ki te ꞌAtua ꞌe ꞌai ka haꞌatura rō hai māhatu.