1 Timoteo 1:15 - Rapa Nui

¹⁵ Te vānaŋa ena e kī ena: a Ietū Kiritō i tuꞌu mai ai ki te ao mo haka eꞌa i te nuꞌu mai roto i te ūtuꞌa o te hara, he parautiꞌa, ꞌe te taŋata taꞌatoꞌa e haka noho i te rāua manaꞌu ꞌi ruŋa. ꞌE o te nuꞌu hara, ko au te ꞌata taparahi-taꞌata.

1 Timoteo 1:15 ပူးပေါင်းရင်းမြစ်များ

Marko 2:17

I ŋaroꞌa era e Ietū, he kī ki tū nuꞌu fariseo era: —Te taote mo te māui-ui, taꞌe mo te nuꞌu ꞌina he māui-ui. A au i oho mai ai ki te nuꞌu hara mo huri i te rāua manaꞌu ki te ꞌAtua, taꞌe ki te nuꞌu tano ki te mata o te ꞌAtua.

Ruka 19:10

Te ⌊Poki o te taŋata⌋, paꞌi, i oho mai ai mo kimi i te taŋata oho a te ara taꞌe tano mo haka huri i te manaꞌu ki te ꞌAtua, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa.

Iovani 12:47

»Te kope ŋaroꞌa i tāꞌaku vānaŋa ꞌe ꞌina he haꞌatura, taꞌe māꞌaku e haka ūtuꞌa. Taꞌe, paꞌi, a au i oho mai ai mo haka ūtuꞌa i te taŋata o te ao; i oho mai ai mo haka eꞌa mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa.

Iovani 1:12

ꞌE te nuꞌu toꞌo ꞌe haka moe i te manaꞌu ꞌi ruŋa i a ia, ki a rāua i vaꞌai ai i te parau mo riro he ŋā poki o te ꞌAtua.

Ruka 5:32

A au i oho mai ai taꞌe ki te nuꞌu taꞌe hara; ki te nuꞌu hara a au i oho mai ai mo haka huri i te manaꞌu ki te ꞌAtua.

1 Iovani 3:5

E ꞌite rō ꞌana e kōrua: a Ietū i oho mai ai ki te ao nei mo haka kore i te hara o te taŋata, ꞌe ko ꞌite takoꞌa ꞌana e kōrua: ꞌina ōꞌona hara.

1 Timoteo 1:13

ka ai atu ꞌi muꞌa ꞌā e kī rō ꞌana e au i te vānaŋa taꞌe tano mōꞌona, e tute rō ꞌana a au mo tōtōā i tāꞌana nuꞌu, ꞌe e vā-vā takoꞌa rō ꞌana i a rāua. ꞌE te ꞌAtua i haka ꞌaroha nō i a au ꞌo te ai ꞌi rā hora kai haka moe ꞌana a au i te manaꞌu ꞌi ruŋa i a Ietū, ꞌe kai ꞌite ꞌana a au he aha tāꞌaku meꞌe e aŋa era.

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

1 Kōrinto 15:9

E kī atu ena a au i te meꞌe nei ꞌo te ai he kope hopeꞌa o te taꞌe hōnui a au o roto i te ꞌāpōtoro, ꞌātā e ko tano mo raŋi mai he ꞌāpōtoro ꞌi te tute ōꞌoku i te nūnaꞌa taŋata haka moe i te manaꞌu ꞌi ruŋa i a Ietū mo tōtōā.

Iovani 1:29

ꞌI te rua mahana, he takeꞌa e Iovani i a Ietū ka pū e oho atu era. He kī ki te nuꞌu o ira: «¡Ka uꞌi rā kōrua i te taŋata era ai! ¡A ia he Māmoe o te ꞌAtua, he tūtia mo haka kore i te hara o te taŋata!

Māteo 9:13

Ka haka topa te haꞌaauraꞌa o te vānaŋa nei: «Tāꞌaku meꞌe haŋa taꞌe he tūtia mai o kōrua, he ai o kōrua he nuꞌu māhatu ꞌaroha». Taꞌe, paꞌi, ki te nuꞌu taꞌe hara a au i oho mai ai, ki te nuꞌu hara.

Māteo 1:21

Nā e poreko rō poki tane, ꞌe he nape e koe i te ꞌīŋoa ko Ietū; māꞌana, paꞌi, e haka eꞌa i tōꞌona taŋata mai roto i te ūtuꞌa o te hara».

ꞌEvereo 7:25

ꞌO ira a Ietū e riva ena mo haka eꞌa mau rō mai ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa ki a tātou ki te nuꞌu haka hāhine ki te ꞌAtua hai ⌊haka moe i te manaꞌu⌋ ꞌi ruŋa i a ia. A Ietū, paꞌi, e ora e oho ena mo ani ki te ꞌAtua mo tātou.

1 Timoteo 4:9

He parautiꞌa te meꞌe nei; e haka roŋo te taŋata taꞌatoꞌa.

Rōmano 5:6

Hora era ꞌina he rāveꞌa toe o tātou o te taŋata mo eꞌa mai roto i te hara, i mate ai te ⌊Kiritō⌋ mo tātou, hora kī mau era ꞌā mo mate.

1 Iovani 3:8

ꞌE te kope aŋa i te meꞌe taꞌe tano ꞌa Rukifero. Mai te haꞌamata iŋa o te ao, paꞌi, a Rukifero e hara e oho mai ena. ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa e Rukifero.

1 Timoteo 3:1

He parautiꞌa te meꞌe nei: Mo haŋa o te kope e tahi mo riro ōꞌona he pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, e haŋa ꞌā ki te aŋa riva-riva.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

Meꞌe Haka Takeꞌa 22:6

He kī mai e te merahi: «Te meꞌe haka takeꞌa ꞌe haka ꞌite atu era he parautiꞌa ꞌe e ko taꞌe haka tano. O te Pūꞌoko Haka Tere mau ꞌā, he ꞌAtua, kope haka ꞌite ki te perofeta i te rāua meꞌe mo haka ꞌite, i uŋa i tāꞌana merahi mo haka takeꞌa ki tōꞌona tāvini i te meꞌe e ko roa ka topa rō ena».

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,

Tito 3:8

He parautiꞌa te ŋā meꞌe kī atu ena e au, ꞌe te meꞌe haŋa, ꞌi te hora nei, he haka aŋi-aŋi riva-riva e koe i nā ŋā meꞌe ki te nuꞌu haka moe i te manaꞌu ꞌi ruŋa i te ꞌAtua, ki ai ai o rāua he nuꞌu aŋa oho i te meꞌe riva-riva. Te hāpī ena he meꞌe tano ꞌe riva-riva mo te taꞌatoꞌa.

2 Timoteo 2:11

He parautiꞌa te meꞌe nei: Mo ai ko mā-mate ꞌā a tātou ꞌi muri i a Ietū Kiritō, ꞌi muri i a ia a tātou ka no-noho ena.

Aŋa o te ꞌĀpōtoro 3:26

»Ki a tātou ki te itaraera i uŋa raꞌe mai ai e te ꞌAtua i te tāvini haꞌataꞌa era ōꞌona, mo haꞌamaitai mai e ia hai haka eꞌa i a tātou mai roto i te hara».

Iovani 3:36

Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Meꞌe Haka Takeꞌa 21:5

He kī e te kope noho ꞌi ruŋa i te pepe noho ꞌariki era: «He aŋa ꞌāpī a au i te meꞌe taꞌatoꞌa». I oho era he kī mai: «Ka pāpaꞌi. Te vānaŋa nei he vānaŋa parautiꞌa, he vānaŋa ꞌina e ko taꞌe haka tano».

1 Iovani 5:11

ꞌE ko te meꞌe nei te meꞌe i kī e te ꞌAtua: ko vaꞌai mai ꞌana e ia ki a tātou i te ora ꞌāpī ꞌina he hopeꞌa raꞌa, ꞌe nei ora i tāꞌana Poki.

Māteo 18:10

»ꞌIna kōrua ko taꞌe haka au i te nuꞌu taꞌe pūai rahi o te haka moe iŋa i te manaꞌu ꞌi ruŋa i a au. ꞌĪ a au he kī atu: te merahi hāpaꞌo i te nuꞌu era ꞌai te raŋi ꞌi muꞌa o tōꞌoku Matuꞌa. [

Aŋa o te ꞌĀpōtoro 11:18

I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».

Aŋa o te ꞌĀpōtoro 11:1

He ꞌite ia te nuꞌu ⌊ꞌāpōtoro⌋ ananake ko te nuꞌu ⌊hūrio⌋ ⌊haka moe i te manaꞌu⌋ ꞌi ruŋa i a Ietū o Hūrea i tū parau ꞌāpī era: te nuꞌu taꞌe he hūrio ko toꞌo ꞌā ꞌe ko maꞌu takoꞌa ꞌā mo rāua i te vānaŋa o te ꞌAtua.

Ruka 15:2

Te ⌊fariseo⌋ ꞌe te nuꞌu ⌊maꞌori o te haka tere hūrio⌋ e vānaŋa taꞌe au rō ꞌā mo Ietū pē nei ē: «Te meꞌe haŋa o te kope era he piri ki te nuꞌu hara ꞌe he kai ꞌi muri».

Rōmano 11:14

he haŋa ōꞌoku mo haka mākota i tōꞌoku taŋata koiꞌite pē ira tētahi o rāua ana haka moe i te manaꞌu ꞌi ruŋa i a Ietū mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Timoteo 6:13

E Timoteo, he kī atu au ꞌi muꞌa i te ꞌAtua, i a ia te ora o te meꞌe taꞌatoꞌa, ꞌe ꞌi muꞌa i a Ietū Kiritō, kī i te parautiꞌa ꞌi muꞌa o Pontio Pirato:

Māteo 18:11

Te ⌊Poki o te taŋata⌋, paꞌi, i oho mai ai mo haka eꞌa mai roto i te ūtuꞌa o te hara i te taŋata oho a te ara taꞌe tano ꞌe mo vaꞌai ki a rāua i te ora ꞌāpī ꞌina he hopeꞌa raꞌa.]