1 Timoteo 1:1 - Rapa Nui

¹ A au, a Pauro, ⌊ꞌāpōtoro⌋ ꞌa Ietū Kiritō, uŋa e te ꞌAtua, kope toꞌo i a tātou mai roto i te ūtuꞌa o te hara, ꞌe e Ietū Kiritō, kope ꞌi ruŋa i a ia e ŋatu ena te tātou haŋu,

1 Timoteo 1:1 ပူးပေါင်းရင်းမြစ်များ

Ruka 1:47

te koa o tōꞌoku vārua i a ia, ꞌAtua haka eꞌa i a au mai te ūtuꞌa o te hara.

Ruka 2:11

ꞌI ꞌaŋarīnā, ꞌi te kona poreko o Tāvita ko Vērene, i poreko ai te ⌊Kiritō⌋, he Pūꞌoko Haka Tere o tātou; māꞌana e haka eꞌa i te taŋata mai roto i te ūtuꞌa o te hara ꞌe e vaꞌai i te ora ꞌāpī ꞌina he hopeꞌa raꞌa o te ꞌAtua.

Aŋa o te ꞌĀpōtoro 9:15

He kī haka ꞌou e Ietū: —Ka oho nō koe. Ko haꞌataꞌa ꞌana e au i te taŋata era mo vānaŋa o ruŋa i a au ki te nuꞌu o te rua henua, ki te rāua ꞌariki ꞌe pē ira takoꞌa ꞌā ki te itaraera.

Rōmano 1:1

He ꞌaroha atu a au, a Pauro, tāvini o Ietū Kiritō, haꞌataꞌa e ia mo ꞌāpōtoro mo haka ꞌite mo oho i te ⌊roŋo riva-riva o te ꞌAtua⌋

1 Kōrinto 1:1

A au, a Pauro, haꞌataꞌa mo ⌊ꞌāpōtoro⌋ ꞌa Ietū Kiritō hai haŋa o te ꞌAtua, he ꞌaroha atu māua ko te taina nei ko Tōtene ki a kōrua ki te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, haꞌataꞌa e ia mo nuꞌu ꞌāꞌana ꞌina e tahi hara ananake ko te nuꞌu o te kona taꞌatoꞌa haka moe i te manaꞌu ꞌi ruŋa i a Ietū, Pūꞌoko Haka Tere o tātou o te nuꞌu taꞌatoꞌa haꞌataꞌa e te ꞌAtua māꞌana.

1 Kōrinto 9:17

ꞌĀhani hai manaꞌu mau ꞌā ōꞌoku e aŋa nei, he tano ia mo ꞌauhau mai. ꞌE, mo ai he meꞌe mau ꞌā ꞌāꞌaku mo aŋa, e haꞌatura ꞌana ia a au ki te meꞌe kī mai e te ꞌAtua.

2 Kōrinto 1:1

A au a Pauro, ⌊ꞌāpōtoro⌋ ꞌa Ietū Kiritō hai haŋa o te ꞌAtua, ꞌe te tātou taina nei ko Timoteo he ꞌaroha atu ki a kōrua ki te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, ꞌe ki te tētahi atu taina o te ŋā kona taꞌatoꞌa ena o Ākāia.

Karatia 1:1

A au, a Pauro, haꞌataꞌa mo te aŋa he ꞌāpōtoro, tōroꞌa taꞌe o te taŋata i vaꞌai mai, ꞌa Ietū Kiritō, ꞌe o te ꞌAtua Matuꞌa haka ora i a ia mai te mate,

Karatia 1:11

E ꞌite kōrua, e te taina ē: te roŋo riva-riva o te ꞌAtua haka ꞌite e au taꞌe he meꞌe poreko mai te manaꞌu taŋata.

Kōrosa 1:27

nuꞌu ki a rāua te ꞌAtua i haŋa ai mo haka ꞌite pē nei ē: te hauhaꞌa taꞌatoꞌa o rā parautiꞌa mo te nuꞌu taꞌe hūrio takoꞌa. ꞌE rā parautiꞌa ko te meꞌe nei: a Ietū Kiritō e noho takoꞌa rō ꞌana, hai Vārua Maitai, ꞌi roto i a kōrua i te nuꞌu taꞌe hūrio. ꞌE hai noho atu ōꞌona ꞌi roto i a kōrua he ꞌite kōrua pē nei ē: pe muꞌa ka oho ena a kōrua takoꞌa ꞌi roto i tōꞌona nui-nui, te auraꞌa: i a kōrua takoꞌa tōꞌona huru riva.

2 Tētārōnika 2:16

ꞌE mā Ietū Kiritō mau ꞌā, Pūꞌoko Haka Tere o tātou, ꞌe mo te ꞌAtua, Matuꞌa o tātou, haŋa mai ꞌe vaꞌai mai hai riva rahi ōꞌona i te koa ꞌina he hopeꞌa raꞌa ꞌe i te ꞌite pē nei ē: pe muꞌa ka oho ena e vaꞌai rō mai i te meꞌe hōrea mai era e ia,

1 Timoteo 1:12

He māuru-uru au ki te kope vaꞌai mai i te haŋu, ko Ietū Kiritō, he Pūꞌoko Haka Tere o tātou, ꞌo te uꞌi mai i a au pa he taŋata e ko haka rē i a ia ki te hora hopeꞌa ꞌe ꞌo te haꞌataꞌa i a au mo aŋa ki a ia,

1 Timoteo 2:3

Te meꞌe nei he meꞌe riva-riva ꞌe he meꞌe haŋa o te ꞌAtua, kope toꞌo i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

1 Timoteo 2:7

Mo haka ꞌite mo oho i te roŋo nei i uŋa ai i a au e te ꞌAtua, pa he taŋata maꞌuroŋo ꞌe pa he ⌊ꞌāpōtoro⌋, ꞌe i kī rō mai mo hāpī ki te nuꞌu taꞌe he hūrio o ruŋa i te haka moe iŋa i te manaꞌu ꞌi ruŋa i a Ietū ꞌe o ruŋa i te hāpī parautiꞌa o te ꞌAtua. Te meꞌe nei ꞌāꞌaku e kī atu ena he parautiꞌa, taꞌe he reo-reo.

1 Timoteo 4:10

Mo ira, e Timoteo ē, e aŋa ꞌe e haka ꞌuhu e oho nei a tātou ꞌi te aŋa o te ꞌAtua ora, ꞌo te ꞌite e tātou e haka tano tahi rō i tāꞌana meꞌe kī. ꞌĀꞌana, paꞌi, te haka eꞌa i te taŋata taꞌatoꞌa mai roto i te ūtuꞌa o te hara ꞌe te vaꞌai i te ora ꞌāpī ꞌina he hopeꞌa raꞌa ana haka moe i te manaꞌu ꞌi ruŋa i a Ietū.

Tito 2:10

ꞌe taꞌe toke ki te hora hopeꞌa, ki takeꞌa ai e te taŋata taꞌatoꞌa i te meꞌe riva-riva ꞌe nehe-nehe o te hāpī parautiꞌa o te ꞌAtua, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Tito 3:4

ꞌE te ꞌAtua, kope toꞌo i a tātou mai roto i te ūtuꞌa o te hara, i haka takeꞌa rō mai i tōꞌona riva ꞌe i tōꞌona haŋa.

Tito 3:6

Te ꞌAtua, i vaꞌai mai ai i te Vārua Maitai hai Ietū Kiritō, kope haka eꞌa i a tātou mai roto i te ūtuꞌa o te hara,

1 Pētero 1:21

Hai Kiritō kōrua e haka moe ena i te manaꞌu ꞌi ruŋa i te ꞌAtua. ꞌE, ꞌo te haka ora e te ꞌAtua i te Kiritō mai te mate ꞌe ꞌo te haka nui-nui, e taꞌe haka tapa ena te kōrua manaꞌu mai ruŋa i te ꞌAtua ꞌe e ꞌite ena e kōrua e aŋa tahi rō e ia i tāꞌana meꞌe hōrea era.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

1 Iovani 4:14

ꞌE o mātou mau ꞌana i takeꞌa ꞌe i haka ꞌite pē nei ē: te Matuꞌa ko uŋa mai ꞌana i tāꞌana Poki mo eꞌa o te taŋata o te ao mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai ia.