E te taina, ꞌi te ai o tātou taꞌatoꞌa ꞌa Ietū Kiritō, he Pūꞌoko Haka Tere o tātou, ꞌe ꞌi te ai o te haŋa ꞌi roto i a tātou vaꞌai mai e te Vārua Maitai, he ani atu a au: e pure kōrua ki te ꞌAtua mōꞌoku.
Te meꞌe haŋa he hāꞌūꞌū he pure mai o kōrua mo te mātou aŋa. ꞌE mo rahi o te nuꞌu pure mo mātou, he rahi takoꞌa ia te nuꞌu māuru-uru ki te ꞌAtua o tōꞌona haꞌamaitai mai i a mātou.
ꞌi te ꞌite ōꞌoku: māuru-uru ki te kōrua pure ꞌe ki te hāꞌūꞌū o te ⌊Vārua Maitai⌋ vaꞌai mai e Ietū Kiritō te meꞌe taꞌatoꞌa topa mai ki a au mo tōꞌoku riva-riva.
ꞌe e pure takoꞌa mo mātou, ki mātaki ai e te ꞌAtua i te ara mo haka ꞌite mo oho mātou i tāꞌana roŋo, ꞌe mo haka aŋi-aŋi i te parautiꞌa o ruŋa i a Ietū taꞌe haka ꞌite mai era e ia ꞌi muꞌa ꞌā. ꞌO te haka ꞌite ōꞌoku o ruŋa i te meꞌe nei a au e puru atu ena ꞌi roto i te hare maꞌuꞌaurī.
E haŋa takoꞌa rō ꞌana a au mo haka riva-riva mai ōꞌou e tahi piha mōꞌoku; ko ꞌite riva-riva ꞌana, paꞌi, e au: te ꞌAtua he haka roŋo i te kōrua pure ꞌe he haka rē mai i a au mo oho atu mo uꞌi i a kōrua.
