1 Tētārōnika 5:20 - Rapa Nui

²⁰ ꞌIna ko taꞌe haka au i te vānaŋa haka ꞌite atu e ia hai rua kope.

1 Tētārōnika 5:20 ပူးပေါင်းရင်းမြစ်များ

Aŋa o te ꞌĀpōtoro 13:1

ꞌI roto i te nūnaꞌa taŋata o Antiokia ⌊haka moe i te manaꞌu⌋ ꞌi ruŋa i a Ietū te perofeta ꞌe te maꞌori hāpī: ko Verenāvē, ko Tīmona, kī takoꞌa ko ꞌUri-ꞌuri, ko Rūtio o Tīrene, ko Sauro, ꞌe ko Menaheme, hāŋai e te matuꞌa o ⌊ꞌErore Antipa⌋. (O te ꞌErore nei te haka tere a Karirea).

Aŋa o te ꞌĀpōtoro 19:6

I haka puā era e Pauro i te rima, he turu takoꞌa ki ruŋa i rā nuꞌu te Vārua Maitai ꞌe he haꞌamata he vānaŋa hai ꞌarero kē-kē, ꞌe he kī i te meꞌe i haka vānaŋa e te ꞌAtua.

1 Kōrinto 11:4

Mo puꞌa o te taŋata i tōꞌona pūꞌoko ꞌi te hora pure ꞌo ꞌi te hora haka ꞌite i te roŋo vaꞌai ki a ia e te ꞌAtua, e taꞌe moꞌa ꞌana i te Kiritō.

1 Kōrinto 12:10

E ai rō ꞌā te nuꞌu i a rāua te pūai vaꞌai e te Vārua Maitai mo aŋa i te mana, ꞌe te nuꞌu i a rāua te pūai mo vānaŋa i te meꞌe haka ꞌite e te ꞌAtua. Ki te tētahi nuꞌu i vaꞌai ai e te ꞌAtua i te pūai mo ꞌite hoki te meꞌe vānaŋa e te rua he roŋo mau ꞌā o te ꞌAtua ꞌo he meꞌe o te tātane. ꞌE ki te tētahi haka ꞌou nuꞌu i vaꞌai ai i te pūai mo vānaŋa hai ꞌarero kē taꞌe ꞌite e rāua, ꞌe ki te tētahi haka ꞌou atu te pūai mo haka ꞌite i te auraꞌa o te vānaŋa kī hai rā ꞌarero.

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

1 Kōrinto 13:2

ꞌE mo vānaŋa ōꞌoku ki te nuꞌu i te meꞌe haka ꞌite mai e te ꞌAtua, ꞌe mo aŋi-aŋi ōꞌoku i te meꞌe taꞌatoꞌa, ꞌātā i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā, ꞌe mo riva ōꞌoku mo haka tapa i te maꞌuŋa mai tōꞌona kona ꞌi te pūai o tōꞌoku haka moe iŋa i te manaꞌu ꞌi ruŋa i a Ietū, ꞌe ꞌina o roto i a au te meꞌe he haŋa ki te rua, ꞌina ia e tahi ōꞌoku hauhaꞌa.

1 Kōrinto 13:9

Ka ai atu ꞌi te hora nei e vaꞌai rō mai ꞌana e te ⌊Vārua Maitai⌋ i te pūai mo vānaŋa i te meꞌe haka ꞌite mai e te ꞌAtua, ꞌe i te pūai mo ꞌite o ruŋa i te ꞌAtua, ko te toe iŋa ꞌana te meꞌe mo ꞌite e tātou o ruŋa i a ia.

1 Kōrinto 14:1

ꞌO ira, te meꞌe raꞌe mo ai i a kōrua he haŋa ki te rua; ꞌe, takoꞌa, e haŋa ki te meꞌe vaꞌai e te ⌊Vārua Maitai⌋ mo aŋa i te aŋa o te ꞌAtua. ꞌE, o te ŋā meꞌe vaꞌai ena e te Vārua Maitai, te meꞌe ꞌata hauhaꞌa he vānaŋa i te meꞌe haka ꞌite e te ꞌAtua hai ꞌarero aŋi-aŋi e te nuꞌu.

1 Tētārōnika 4:8

ꞌE te taina taꞌe haŋa ꞌe taꞌe haꞌatura ki te hāpī nei e hārui ꞌana i te ꞌAtua hai tuaꞌivi, taꞌe ꞌō i te taŋata; o te ꞌAtua, paꞌi, te hāpī nei ꞌe ꞌāꞌana te uŋa atu i te ⌊Vārua Maitai⌋ mo noho ꞌi roto i a kōrua.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.