1 Tētārōnika 5:19 - Rapa Nui

¹⁹ ꞌIna ko taꞌe haꞌatura ki te vānaŋa kī atu e te ⌊Vārua Maitai⌋ ꞌi roto i a kōrua.

1 Tētārōnika 5:19 ပူးပေါင်းရင်းမြစ်များ

Aŋa o te ꞌĀpōtoro 7:51

Ko te vānaŋa iŋa ꞌana ia a ꞌĒteva he meꞌe: —E te pūꞌoko hio-hio ē, ꞌina kōrua he haŋa mo haka roŋo ꞌe mo haꞌatura ki te ꞌAtua, pa he nuꞌu taꞌe ꞌite ko ai te ꞌAtua parautiꞌa. Te aŋa o kōrua he aŋa i te meꞌe taꞌe tano ki te ⌊Vārua Maitai⌋. Te kōrua huru pa he huru ꞌā o te kōrua tupuna.

1 Kōrinto 14:30

ꞌE mo haka ꞌite e te ꞌAtua e tahi meꞌe ki te kope e noho rō ꞌā ꞌi rā kona, te kope vānaŋa he mou mo vānaŋa o rā rua kope era.

Ēfeto 4:30

ꞌIna ko haka māui-ui te māhatu o te Vārua Maitai hai aŋa i te meꞌe taꞌe tano; hai ia, paꞌi, te ꞌAtua i tāpaꞌo ai i a kōrua pa he taŋata ꞌāꞌana mo te mahana pe muꞌa ka oho ena ka haka oti ena e te ꞌAtua i tāꞌana meꞌe haꞌamata aŋa: he haka eꞌa mau rō ꞌāvai i a kōrua mai roto i te hara.

Ēfeto 6:16

E haka moe e oho te kōrua manaꞌu ꞌi ruŋa i a Ietū. Pē ira kōrua ka hāpaꞌo ena i a kōrua ꞌo hara ꞌi te hora haka ꞌatu atu e Rukifero, pa he vaꞌehau e maꞌu ena ꞌi te rima i te meꞌe ꞌaurī mo puru i te teꞌa pu-puhi ki a ia ꞌi te hora o te tamaꞌi.

1 Tētārōnika 5:20

ꞌIna ko taꞌe haka au i te vānaŋa haka ꞌite atu e ia hai rua kope.

1 Timoteo 4:14

E Timoteo, e haka hio-hio e oho koe ꞌi te aŋa o te ꞌAtua hai meꞌe hauhaꞌa vaꞌai atu era e ia ꞌi te hora haka topa atu era i te rima a ruŋa i tuꞌu pūꞌoko e te ŋā kope pūꞌoko haka tere era koia ko kī atu i tāꞌana roŋo hai Vārua Maitai.

2 Timoteo 1:6

ꞌĪ au he kī atu: pa he niꞌo iŋa i te ahi, ana haka pūai ana oho koe i te meꞌe vaꞌai atu era e te ꞌAtua ꞌi te hora haka topa atu era ōꞌoku i te rima a ruŋa i tuꞌu pūꞌoko.