1 Tētārōnika 5:18 - Rapa Nui

¹⁸ ꞌE, takoꞌa, e māuru-uru kōrua ki te ꞌAtua ꞌi te taꞌatoꞌa nō hora nōatu te meꞌe topa atu. Ko te ŋā meꞌe nei te meꞌe haŋa ꞌāꞌana mo aŋa e kōrua e te nuꞌu haka moe i te manaꞌu ꞌi ruŋa i a Ietū.

1 Tētārōnika 5:18 ပူးပေါင်းရင်းမြစ်များ

Ēfeto 5:20

ꞌO te ai o kōrua ꞌa Ietū Kiritō, Pūꞌoko Haka Tere o tātou, e māuru-uru e oho ki te ꞌAtua Matuꞌa mo te meꞌe taꞌatoꞌa.

Fīripo 4:6

ꞌIna ko manaꞌu rahi ki te meꞌe topa atu ꞌi ruŋa i a kōrua. E pure ki te ꞌAtua, e ani ki a ia mo hāꞌūꞌū atu, ꞌe ꞌina ko rehu mo māuru-uru.

Kōrosa 3:17

Te meꞌe taꞌatoꞌa kī ꞌe aŋa e kōrua, e tano o te nuꞌu ꞌa Ietū Kiritō. ꞌE e māuru-uru e oho ki te ꞌAtua Matuꞌa mo te meꞌe taꞌatoꞌa aŋa e Ietū mo kōrua.

1 Tētārōnika 4:3

Te haŋa o te ꞌAtua: he ai o te kōrua noho iŋa ꞌina e tahi hara, he taꞌe moe e tahi kope i te viꞌe ꞌe i te taŋata taꞌe he viꞌe ꞌo he kenu ꞌāꞌana,

ꞌEvereo 13:15

Te meꞌe mo aŋa mo oho nō o tātou hai Ietū Kiritō he haꞌahana-hana ꞌe he māuru-uru ki te ꞌAtua. Te haꞌahana-hana nei he tūtia tano mo vaꞌai ki a ia e te nuꞌu kī: a Ietū he Pūꞌoko Haka Tere o rāua.

1 Pētero 2:15

Te ꞌAtua, paꞌi, e haŋa rō ꞌana mo aŋa o kōrua i te meꞌe riva-riva. Pē ira he ꞌapi i te haha o te nuꞌu maꞌa-maꞌa tuhi atu i te kōrua hape, he taꞌe haŋa mo aŋi-aŋi i te meꞌe o te ꞌAtua.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

1 Iovani 2:17

ꞌE te ao haka tere hai manaꞌu taŋata nā e kore e oho ena koia ko tāꞌana meꞌe taꞌatoꞌa taꞌe tano. ꞌE te kope aŋa i te meꞌe haŋa e te ꞌAtua, i a ia te ora ꞌāpī ꞌina he hopeꞌa raꞌa.