ꞌO ira, ꞌi te hora taꞌatoꞌa, e ꞌara te kōrua mata ꞌe e pure mo pūai o kōrua ꞌi te hora o te ꞌati ka tuꞌu mai ena e haka moe nō ꞌana i te manaꞌu ꞌi ruŋa i te ꞌAtua, ꞌo haꞌamā kōrua ꞌi te hora ꞌi muꞌa o te Poki o te taŋata».
E koa kōrua ꞌi te meꞌe era pe muꞌa ka oho ena e ai rō ꞌana te meꞌe riva-riva mo tātou. E haꞌaoromaꞌi te ꞌati taꞌatoꞌa hai pūai. ꞌE ꞌina ko haka rē, ki te hora hopeꞌa, te meꞌe ena he pure ki te ꞌAtua.
E te taina, ꞌina kōrua ko haka rē i te pure; e ani e oho ki te ꞌAtua hai pūai o te Vārua Maitai. E uꞌi ꞌo hōriŋa rō ꞌe ꞌo oho kē rō te manaꞌu. E pure mo te nuꞌu taꞌatoꞌa haꞌataꞌa e te ꞌAtua māꞌana.
