1 Tētārōnika 5:15 - Rapa Nui

¹⁵ E uꞌi takoꞌa kōrua ꞌo haka hoki e te kope e tahi hai meꞌe taꞌe tano ki te kope aŋa i te meꞌe taꞌe tano ki a ia. Te meꞌe mau nō, paꞌi, o kōrua mo aŋa he meꞌe riva-riva, ꞌe taꞌe nō ꞌi roto i a kōrua, ki te taꞌatoꞌa nō taŋata.

1 Tētārōnika 5:15 ပူးပေါင်းရင်းမြစ်များ

Māteo 5:39

ꞌE, ꞌī a au he kī atu: ꞌina koe ko haka hoki hai meꞌe taꞌe tano ki te meꞌe taꞌe tano aŋa atu e te rua. Te meꞌe mau ꞌāꞌau mo aŋa ko te meꞌe nei: mo puꞌa atu o te kope e tahi i tuꞌu pāꞌiŋa ꞌāriŋa mataꞌu, e vaꞌai te rua pāꞌiŋa.

Ruka 6:35

»E haŋa kōrua ki te nuꞌu te rāua manaꞌu mau nō he tōtōā atu ꞌe e aŋa takoꞌa te meꞌe riva-riva ki a rāua. ꞌE mo no-noꞌi atu mo haka tārahu, e vaꞌai ꞌe ꞌina kōrua ko tiaki mo haka hoki atu. Pē ira he ai te meꞌe hopeꞌa o te nui-nui o te ꞌAtua mo haka koa i a kōrua, ꞌe hai meꞌe nei ka takeꞌa ena: he ŋā poki mau ꞌā kōrua o te ꞌAtua. A ia, paꞌi, ꞌAtua riva takoꞌa ki te nuꞌu taꞌe ꞌite i te māuru-uru ki a ia ꞌe ki te nuꞌu aŋa i te meꞌe taꞌe tano.

Aŋa o te ꞌĀpōtoro 16:28

He ohu ia e Pauro: «¡ꞌIna koe ko tiŋaꞌi i a koe; ꞌī a mātou taꞌatoꞌa ꞌi ꞌā!».

Rōmano 12:9

E haŋa kōrua ki te rua hai māhatu. ꞌIna ko haŋa ki te meꞌe taꞌe tano; e haka noho te manaꞌu ꞌi ruŋa i te meꞌe tano ki te mata o te ꞌAtua.

Rōmano 14:19

ꞌO ira, ki uꞌi ki aŋa i te rāveꞌa taꞌatoꞌa ai mo hāꞌūꞌū i a tātou mo ꞌata ꞌite o ruŋa i te meꞌe o te ꞌAtua, ꞌe mo ai o te haumārū ꞌi roto i a tātou taꞌatoꞌa o te nuꞌu haka moe i te manaꞌu ꞌi ruŋa i a Ietū.

1 Kōrinto 14:1

ꞌO ira, te meꞌe raꞌe mo ai i a kōrua he haŋa ki te rua; ꞌe, takoꞌa, e haŋa ki te meꞌe vaꞌai e te ⌊Vārua Maitai⌋ mo aŋa i te aŋa o te ꞌAtua. ꞌE, o te ŋā meꞌe vaꞌai ena e te Vārua Maitai, te meꞌe ꞌata hauhaꞌa he vānaŋa i te meꞌe haka ꞌite e te ꞌAtua hai ꞌarero aŋi-aŋi e te nuꞌu.

1 Kōrinto 16:10

ꞌE mo tuꞌu atu o Timoteo, e uꞌi e haka naho-naho; a ia e aŋa takoꞌa rō ꞌana pē au ꞌi te aŋa o te tātou Pūꞌoko Haka Tere.

1 Kōrinto 6:7

Te ai te oho nō o te ture ꞌi roto i a kōrua e takeꞌa ena ko rē atu ꞌana ki a kōrua te manaꞌu taꞌe tano. Te meꞌe mau o kōrua mo aŋa he haꞌaoromaꞌi i te kope aŋa atu i te meꞌe taꞌe tano ꞌe toke atu i a kōrua.

Karatia 6:10

Mo ai i a tātou te rāveꞌa mo hāꞌūꞌū, he hāꞌūꞌū tātou, ꞌe he nuꞌu taina haka moe i te manaꞌu ꞌi ruŋa i a Ietū te meꞌe raꞌe o tātou mo hāꞌūꞌū.

Ēfeto 5:15

ꞌO ira, e uꞌi te kōrua noho iŋa. ꞌIna ko ai pa he noho iŋa o te nuꞌu taꞌe ꞌite mo haka topa i te manaꞌu.

Ēfeto 5:33

ꞌE mo kōrua takoꞌa te vānaŋa nei: e haŋa te kenu ki tāꞌana viꞌe, pa he haŋa iŋa mau era ꞌā ōꞌona ki a ia, ꞌe te viꞌe, e ꞌite mo moꞌa i tāꞌana kenu.

1 Tētārōnika 5:21

E uꞌi riva-riva hoki rā vānaŋa kī atu era he parautiꞌa mau ꞌā o te Vārua Maitai ꞌe, mo ai pē ira, e maꞌu e kōrua.

1 Timoteo 6:11

ꞌE a koe, e te taŋata o te ꞌAtua ē, e tere mai te ŋā meꞌe taꞌatoꞌa nei. Tuꞌu noho iŋa e ai noho iŋa tī-tika, moꞌa ꞌe haꞌatura ki te ꞌAtua. E haka moe e oho koe i te manaꞌu ꞌi ruŋa i a Ietū, e haŋa ki te rua, e ꞌite i te haꞌaoromaꞌi i te ꞌati hai pūai, ꞌe te meꞌe taꞌatoꞌa kī ꞌe aŋa e koe e aŋa hai haumārū.

2 Timoteo 2:24

Te tāvini o te ꞌAtua ꞌina ko tātake; e riva ki te taꞌatoꞌa, e ꞌite mo hāpī i te rua ꞌe mo haꞌaoromaꞌi i te meꞌe hai haumārū.

Tito 3:2

nuꞌu taꞌe vānaŋa ꞌino mo te rua, taꞌe moto, riva, ꞌe ꞌite i te moꞌa i te nuꞌu taꞌatoꞌa.

ꞌEvereo 12:14

E uꞌi kōrua i te rāveꞌa mo noho hai haumārū ananake ko te taŋata taꞌatoꞌa ꞌe mo tano te kōrua noho iŋa ki te mata o te ꞌAtua. ꞌIna, paꞌi, e tahi kope taꞌe tano ki tōꞌona mata mo takeꞌa i a ia.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 2:17

E moꞌa kōrua i te taŋata taꞌatoꞌa. E haŋa ki te taina, e haꞌamuri ki te ꞌAtua ꞌe e moꞌa i te pūꞌoko haka tere o te kōrua henua.

1 Pētero 3:9

ꞌIna ko aŋa hai meꞌe rake-rake ki te nuꞌu aŋa atu i te meꞌe rake-rake, ꞌe ꞌina ko parauꞌino ki te nuꞌu parauꞌino atu. Te meꞌe o kōrua mo aŋa he ani ki te ꞌAtua mo haꞌamaitai i rā nuꞌu. Te ꞌAtua, paꞌi, i haꞌataꞌa ai i a kōrua māꞌana mo haꞌamaitai atu e ia.

3 Iovani 1:11

E te taina, ꞌina koe ko aŋa i te meꞌe taꞌe tano aŋa e te rua; e aŋa koe i te meꞌe riva-riva. Te kope aŋa i te meꞌe riva-riva, o te ꞌAtua; ꞌe te kope aŋa i te meꞌe rake-rake, kai māhani ꞌā i te ꞌAtua.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.

Meꞌe Haka Takeꞌa 22:9

ꞌE he kī mai e rā merahi: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌana, ꞌe pa he ŋā taina ena ōꞌou he perofeta, ꞌe pa he nuꞌu taꞌatoꞌa haka roŋo i te meꞌe pāpaꞌi o ruŋa i te puka nei».