1 Tētārōnika 5:14 - Rapa Nui

¹⁴ He ani takoꞌa atu mātou, e te taina ē: e haka pūai te manaꞌu o te nuꞌu e riꞌa-riꞌa rō ꞌā, e hāꞌūꞌū ki te nuꞌu ꞌina he pūai te rāua haka moe iŋa i te manaꞌu ꞌi ruŋa i a Ietū, e kī ki te nuꞌu hupe-hupe: «e aŋa», ꞌe e ꞌite kōrua mo haꞌaoromaꞌi i te taꞌatoꞌa.

1 Tētārōnika 5:14 ပူးပေါင်းရင်းမြစ်များ

Māteo 12:20

E ko riri ki te nuꞌu taꞌe haka moe rahi i te manaꞌu ꞌi ruŋa i a ia, ꞌe e ko riri ki te nuꞌu ꞌaka-ꞌaka o te manaꞌu. E aŋa e oho nō ꞌātā ka haka tano tahi rō i te meꞌe haŋa ꞌāꞌaku.

Ruka 22:32

Ka ai atu pē ira, ko ani ꞌana a au mōꞌou ki te ꞌAtua, ꞌo kore tuꞌu haka moe iŋa i te manaꞌu ꞌi ruŋa i a au. Ki huri haka ꞌou mai koe, e hāꞌūꞌū ki tāꞌaku nuꞌu hāpī mo haka hio-hio takoꞌa i te rāua manaꞌu ꞌi ruŋa i a au.

Aŋa o te ꞌĀpōtoro 20:27

Ko haka ꞌite tahi atu ꞌana, paꞌi, a au i te meꞌe haŋa o te ꞌAtua; ꞌina kai naꞌa atu e tahi meꞌe.

Aŋa o te ꞌĀpōtoro 20:31

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua. E manaꞌu pē hē a au e hāpī atu era e tahi e tahi o kōrua, te pō te ꞌōtea, ꞌi roto i te matahiti e toru. ꞌE i rahi rō te mahana i taŋi ai a au mo kōrua.

Aŋa o te ꞌĀpōtoro 20:35

Hai haka tere iŋa nei ōꞌoku e haka ꞌite atu era pē hē tātou ana aŋa mo ravaꞌa mai o te meꞌe, ki riva ai a tātou mo hāꞌūꞌū ki te nuꞌu ꞌina e tahi rāveꞌa. E haka topa te kōrua manaꞌu ki te vānaŋa kī e Ietū: “I hau te rahi o te koa mo vaꞌai ōꞌou ki te rua ki te toꞌo mai ana vaꞌai atu”».

Rōmano 12:1

E te taina, te ꞌAtua e haka ꞌaroha rō ꞌana i a tātou, ꞌe ꞌi ruŋa i a tātou tōꞌona riva rahi. ꞌO ira ꞌī a au he ani atu: e vaꞌai tahi kōrua i te kōrua hakari ꞌe i te kōrua manaꞌu ki te ꞌAtua pa he tūtia ora haꞌataꞌa māꞌana mo aŋa i tāꞌana meꞌe haŋa. Te meꞌe nei he rāveꞌa tano mo haꞌamuri ki te ꞌAtua.

Rōmano 14:1

E toꞌo hai māhatu ki roto i a kōrua te nuꞌu ꞌina he pūai rahi te rāua haka moe iŋa i te manaꞌu ꞌi ruŋa i a Ietū. E uꞌi ꞌo haka tātake e kōrua.

1 Kōrinto 4:14

Te meꞌe nei e au e pāpaꞌi atu ena taꞌe mo haka haꞌamā i a kōrua, mo haka tī-tika i te kōrua manaꞌu, pa he ŋā poki haŋa rahi ꞌāꞌaku.

1 Kōrinto 8:7

Te ꞌati nō, tētahi o tātou kai aŋi-aŋi riva-riva ꞌana ꞌina he pūai o te ꞌītoro o ruŋa i a tātou, ꞌi te meꞌe era ꞌi muꞌa ꞌā e haꞌamuri rō ꞌana e rāua. ꞌE hora nei, mo kai i te kai tūtia ki te ꞌītoro, he manaꞌu ko hara ꞌana a rāua.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Ēfeto 4:2

ꞌIna ko manaꞌu i hau rō atu kōrua ki te rua, ꞌina ko ꞌōhumu, ꞌina ko riri tahaŋa, ꞌe e ꞌite kōrua mo haꞌaoromaꞌi hai haŋa i te rua.

Ēfeto 4:32

E ai kōrua he nuꞌu riva, māhatu ꞌaroha, ꞌite i te haka rehu i te meꞌe taꞌe tano aŋa atu e te rua, pa he haka rehu iŋa era e te ꞌAtua i te kōrua hara hai Ietū Kiritō.

Kōrosa 1:28

ꞌI te kona taꞌatoꞌa, e hāpī e oho nei mātou o ruŋa i a Ietū Kiritō, ꞌe hai mārama-rama vaꞌai mai e te ꞌAtua, e hatu e hāpī nei ki te nuꞌu mo haka moe i te rāua manaꞌu ꞌi ruŋa i a Ietū. Te meꞌe haŋa, paꞌi, o mātou he maꞌu i te nuꞌu taꞌatoꞌa ꞌa Ietū Kiritō ki muꞌa o te ꞌAtua ko paꞌari ꞌana ꞌi te meꞌe o te ꞌAtua ꞌe ꞌina e tahi hape.

2 Tētārōnika 3:15

ꞌIna kōrua ko tāpūfētī i a ia. Te meꞌe o kōrua mo aŋa, he ture, pa he taina, mo haka tī-tika ōꞌona i tōꞌona ara.

1 Timoteo 3:3

ꞌIna ko ai he kope taꞌero ꞌava ꞌe rava moto. E ai he taŋata māhatu riva ꞌe haumārū, taꞌe nou-nou moni,

1 Timoteo 6:11

ꞌE a koe, e te taŋata o te ꞌAtua ē, e tere mai te ŋā meꞌe taꞌatoꞌa nei. Tuꞌu noho iŋa e ai noho iŋa tī-tika, moꞌa ꞌe haꞌatura ki te ꞌAtua. E haka moe e oho koe i te manaꞌu ꞌi ruŋa i a Ietū, e haŋa ki te rua, e ꞌite i te haꞌaoromaꞌi i te ꞌati hai pūai, ꞌe te meꞌe taꞌatoꞌa kī ꞌe aŋa e koe e aŋa hai haumārū.

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

Tito 1:10

Te tumu o tāꞌaku vānaŋa taꞌatoꞌa nei, e Tito ē: rahi riꞌa-riꞌa te nuꞌu o roto i te nūnaꞌa taŋata haka moe i te manaꞌu ꞌi ruŋa i a Ietū ꞌina he haŋa haka ꞌou mo haka roŋo ꞌe mo haꞌatura ki te roŋo parautiꞌa. ꞌI roto i a rāua e ai rō ꞌana te ⌊hūrio⌋ e maꞌu nō ꞌā i te ⌊haka tere iŋa era ꞌa Mōtē⌋, ꞌe e hāpī rō ꞌā ki te nuꞌu pē nei ē: ꞌāmui ki te haka moe i te manaꞌu ꞌi ruŋa i a Ietū e hore takoꞌa te kiri o te kinoŋa. Te meꞌe nei taꞌe he parautiꞌa ꞌe ꞌina e tahi hauhaꞌa. Ka ai atu pē ira, meꞌe rahi nuꞌu e haka roŋo rō ꞌā ki a rāua.

Tito 1:6

Te kope mo pūꞌoko haka tere he kope ꞌina ōꞌona hape; he kope kai oho ki te rua viꞌe ꞌi tōꞌona hāipo-ipo. Tāꞌana ŋā poki e haka moe rō ꞌana i te manaꞌu ꞌi ruŋa i a Ietū, ꞌe ꞌina rāua hape mo tuhi iŋa e te nuꞌu pē nei ē: a rāua ꞌō he ŋā poki aŋa i te meꞌe taꞌe tano, pūꞌoko hio-hio ꞌe taꞌe haka roŋo.

ꞌEvereo 12:12

ꞌO ira, ꞌina ko haka hōriŋa haka ꞌou ki te ꞌati e ꞌamo mai ena. Ka haka hio-hio ka oho te kōrua manaꞌu ꞌi ruŋa i te ꞌAtua

ꞌEvereo 13:3

ꞌIna ko rehu i a kōrua mo hāꞌūꞌū i te taina puru ꞌi roto i te hare maꞌuꞌaurī. E hāpaꞌo kōrua i a rāua pa he meꞌe haŋa o kōrua mo hāpaꞌo atu e te rua i a kōrua. Pē ira takoꞌa i te nuꞌu tōtōā; e tano nō, paꞌi, mo topa takoꞌa atu te ꞌati era ki a kōrua.