1 Tētārōnika 5:12 - Rapa Nui

¹² E te taina, he ani atu mātou: e moꞌa kōrua i te nuꞌu taꞌatoꞌa aŋa ꞌi roto i a kōrua, he nuꞌu hatu atu ꞌe he nuꞌu haka tika atu ꞌi te meꞌe o te ꞌAtua.

1 Tētārōnika 5:12 ပူးပေါင်းရင်းမြစ်များ

Ruka 10:7

Hare era mo toꞌo i a kōrua, e noho ꞌi ira, ꞌe ꞌina ko oho ki hare era ki hare era. E kai ꞌe e unu i te meꞌe mo vaꞌai atu; te taŋata aŋa, paꞌi, e ꞌauhau rō ꞌā.

Iovani 4:38

Ko uŋa ꞌana a au i a kōrua mo kato i te kai mai te kona taꞌe o kōrua i ꞌoka, o te tētahi. O rāua i haꞌamata te aŋa he haka ꞌite i te vānaŋa o te ꞌAtua, ꞌe o kōrua i haka mao i te aŋa he kato i te nuꞌu haka moe i te manaꞌu ꞌi ruŋa i a au».

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

Aŋa o te ꞌĀpōtoro 20:35

Hai haka tere iŋa nei ōꞌoku e haka ꞌite atu era pē hē tātou ana aŋa mo ravaꞌa mai o te meꞌe, ki riva ai a tātou mo hāꞌūꞌū ki te nuꞌu ꞌina e tahi rāveꞌa. E haka topa te kōrua manaꞌu ki te vānaŋa kī e Ietū: “I hau te rahi o te koa mo vaꞌai ōꞌou ki te rua ki te toꞌo mai ana vaꞌai atu”».

Rōmano 16:12

E ꞌaroha ki a Tiripena ꞌe ki a Tiripota, he ŋā viꞌe aŋa i te aŋa o te tātou Pūꞌoko Haka Tere ko Ietū Kiritō, ꞌe pē ira takoꞌa ꞌana ki a Peretire, taina haŋa rahi o tātou, vaꞌai i a ia ki te aŋa mā Ietū.

Rōmano 16:6

E ꞌaroha atu ki a ⌊Māria⌋, vaꞌai i a ia ki te aŋa mo hāꞌūꞌū atu ki a kōrua.

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

1 Kōrinto 15:10

ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era.

1 Kōrinto 16:16

He ani atu a au mo haka rē i a kōrua mo te nuꞌu era ꞌe mo te nuꞌu tuꞌu pē rāua hāꞌūꞌū ꞌi te aŋa o te ꞌAtua e haka tere atu.

1 Kōrinto 16:18

o rāua te haka koa ꞌe te ꞌata haka pūai mai i a au, pa he meꞌe ka aŋa atu ena ki a kōrua ki hoki haka ꞌou atu. Te nuꞌu pē nei e moꞌa.

1 Kōrinto 3:9

He tāvini nō māua o te ꞌAtua, ꞌe a kōrua pa he ꞌāua ꞌoka kai ꞌi ira a māua e aŋa ena, ꞌe, takoꞌa, pa he hare aŋa e te ꞌAtua mōꞌona.

2 Kōrinto 11:23

¿He tāvini a rāua o te Kiritō? ꞌAta hau rō atu tōꞌoku tāvini iŋa ki te Kiritō ki a rāua, ka ai atu ꞌi tōꞌoku kī i te meꞌe nei, e vānaŋa ꞌana a au pa he maꞌa-maꞌa. ꞌAta rahi rō atu tōꞌoku aŋa mōꞌona ki a rāua, ꞌata rahi rō atu tōꞌoku puru iŋa ꞌi roto i te hare maꞌuꞌaurī ꞌo te aŋa ki te Kiritō ki a rāua, ꞌata rahi rō atu te tiŋaꞌi iŋa mai i a au, ꞌe i rahi rō te mahana i oho rō a au mo mate.

2 Kōrinto 5:9

ꞌO ira, te meꞌe haŋa o mātou he aŋa i te meꞌe haŋa e te ꞌAtua, ka ai atu ꞌi te ao nei ꞌo taꞌe ꞌi te ao nei.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Karatia 4:11

¿Ka kī ꞌō tū aŋa taꞌatoꞌa era ꞌāꞌaku ꞌi roto i a kōrua ko māuꞌa tahi ꞌā?

Fīripo 2:16

koia ko haka ꞌite ko oho i te vānaŋa o te ꞌAtua ki a rāua, vānaŋa vaꞌai i te ora ꞌāpī ꞌina he hopeꞌa raꞌa. Mo aŋa o kōrua pē ira, he koa a au mo kōrua ꞌi te hora o Ietū ka hoki mai ena ꞌo te ꞌite ōꞌoku pē nei ē: tāꞌaku aŋa aŋa atu ꞌi roto i a kōrua kai māuꞌa.

Fīripo 2:19

Ana haŋa a Ietū, e ko roa he uŋa atu a au i a Timoteo, ꞌe, ka hoki mai ena a ia mai i a kōrua, he koa a au ꞌi te parau ꞌāpī ka maꞌu mai ena o ruŋa i a kōrua.

Kōrosa 1:29

Mo te meꞌe nei a au e aŋa nei hai haŋu ꞌe hai pūai vaꞌai mai e Ietū.

1 Tētārōnika 2:9

E te taina, ko ꞌite ꞌana a kōrua pē hē mātou e aŋa era, ka pō ka ꞌōtea, mo ravaꞌa moni mo te mātou meꞌe hape hora era o mātou ꞌi muri i a kōrua, ꞌo ai mātou he meꞌe paŋahaꞌa e tahi mo ꞌamo e kōrua.

1 Tētārōnika 4:1

E te taina, ko haka ꞌite atu era ꞌā e mātou pē hē ana tano te kōrua noho iŋa ki te mata o te ꞌAtua, ꞌe ko ꞌite ꞌā e mātou, nā kōrua e noho mai ena pē ira. Ka ai atu pē ira, he ani atu a mātou hai ꞌīŋoa o te tātou Pūꞌoko Haka Tere ko Ietū: ka ꞌata haka tano ka oho nō te kōrua noho iŋa pē ira mo koa o te ꞌAtua.

1 Tētārōnika 5:14

He ani takoꞌa atu mātou, e te taina ē: e haka pūai te manaꞌu o te nuꞌu e riꞌa-riꞌa rō ꞌā, e hāꞌūꞌū ki te nuꞌu ꞌina he pūai te rāua haka moe iŋa i te manaꞌu ꞌi ruŋa i a Ietū, e kī ki te nuꞌu hupe-hupe: «e aŋa», ꞌe e ꞌite kōrua mo haꞌaoromaꞌi i te taꞌatoꞌa.

1 Timoteo 5:1

Ana kī tāꞌue koe i te hape o te taŋata paꞌari, e kī hai moꞌa, pa he kī iŋa ōꞌou ki tuꞌu matuꞌa tane. Ki te ŋāŋata ꞌāpī e kī pa he kī iŋa ōꞌou ki tuꞌu taina.

1 Timoteo 5:20

ꞌE mo ai ko hara ꞌana ꞌe ꞌina he haka tapa mai roto i rā meꞌe, e ture ꞌi muꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū, ki riꞌa-riꞌa ai te tētahi nuꞌu pūꞌoko haka tere.

2 Timoteo 2:6

Te kope ꞌoka kai, māꞌana e kai raꞌe i tāꞌana kai ꞌoka.

Tito 1:5

E haŋu, i haka rē ai a au i a koe ꞌi te motu ena ko Kereta mo haka tī-tika ōꞌou i te meꞌe toe mo aŋa o nā, ꞌe mo uꞌi takoꞌa ōꞌou hai ŋāŋata mo pūꞌoko haka tere o te ŋā nūnaꞌa ena e haka moe ena i te manaꞌu ꞌi ruŋa i a Ietū o te kona taꞌatoꞌa o Kereta, pa he meꞌe kī atu era e au.

Tito 2:15

He meꞌe nei e au e pāpaꞌi atu ena te meꞌe mo hāpī ꞌe mo kī e koe ki te taina mo aŋa, ki tano ai te rāua manaꞌu ꞌe te rāua noho iŋa ki te hāpī parautiꞌa o te ꞌAtua. ꞌE ana hape a rāua, e ture. I a koe, paꞌi, te parau; ꞌe ꞌina ko haꞌatiꞌa mo taꞌe moꞌa atu.

ꞌEvereo 13:17

E haꞌatura ki te pūꞌoko haka tere o kōrua o te nuꞌu haka moe i te manaꞌu ꞌi ruŋa i a Ietū. E haka rē mo rāua e haka tere atu. O rāua, paꞌi, te hāpaꞌo i a kōrua pa he nuꞌu ꞌite: pe muꞌa ka oho ena he haka ꞌite e rāua ki te ꞌAtua pē hē i aŋa ai i te rāua aŋa. Mo haka rē o kōrua i a rāua mo haka tere atu, he koa ꞌi te rāua aŋa ꞌe e ko ai he meꞌe paŋahaꞌa e tahi mo ꞌamo. ꞌE mo taꞌe aŋa o kōrua pē ira, e ko ai ia mo te kōrua riva-riva.

ꞌEvereo 13:7

E manaꞌu ki te kōrua pūꞌoko haka tere o muꞌa ꞌā haka ꞌite atu i te vānaŋa o te ꞌAtua. E haka topa te manaꞌu ki te meꞌe riva-riva taꞌatoꞌa poreko o te rāua noho iŋa tano, ꞌe ꞌai kōrua ka haka moe ka oho nō i te manaꞌu ꞌi ruŋa i te ꞌAtua pē rāua.

Meꞌe Haka Takeꞌa 1:20

Te auraꞌa o te ŋā hetuꞌu era e hitu takeꞌa era e koe ꞌi tōꞌoku rima mataꞌu he merahi hoko hitu hāpaꞌo i te ŋā nūnaꞌa taŋata era hoko hitu, ꞌe nei ŋā merahi he pūꞌoko haka tere o rā ŋā nūnaꞌa. ꞌE te auraꞌa o te hakariꞌi piru era e hitu ko te ŋā nūnaꞌa taŋata nei hoko hitu.

Meꞌe Haka Takeꞌa 2:12

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Perekamo: “Pē nei te kī o te kope i a ia te hoe kaꞌi-kaꞌi ararua pāꞌiŋa:

Meꞌe Haka Takeꞌa 2:18

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Tiatira: “Pē nei te kī o te Poki nei o te ꞌAtua, he kope tuꞌu o te mata pa he ura o te ahi, ꞌe te vaꞌe pa he ꞌaurī pura:

Meꞌe Haka Takeꞌa 2:3

I ꞌamo i oho nō koe i te ꞌati ꞌo te ai ōꞌou ꞌāꞌaku, ꞌe ꞌina kai hōriŋa, ko te haka moe ko te oho iŋa ꞌana a koe i tuꞌu manaꞌu ꞌi ruŋa i a au.

Meꞌe Haka Takeꞌa 2:8

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o ꞌĒtēmīrina: “Pē nei te kī o te kope he Raꞌe ꞌe he Hopeꞌa, he kope i mate rō ꞌe i ora haka ꞌou rō:

Meꞌe Haka Takeꞌa 3:1

»E pāpaꞌi takoꞌa ki te merahi o te nūnaꞌa taŋata ⌊haka moe i te manaꞌu⌋ ꞌi ruŋa i a au o Tare: “Pē nei te kī o te kope i a ia te vārua e hitu o te ꞌAtua ꞌe te ŋā hetuꞌu era e hitu: ‘E ꞌite tahi rō ꞌana a au i taꞌa meꞌe aŋa, ꞌe ko ꞌite takoꞌa ꞌana a au ko mate ꞌā a koe, ka ai atu e kī ena e te tētahi nuꞌu e ora rō ꞌā.

Meꞌe Haka Takeꞌa 3:14

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Rāōrītea: “Pē nei te kī o te kope he ⌊ꞌĀmene⌋, he mataꞌite kī mau nō i te parautiꞌa, he kope hai ia te ꞌAtua i aŋa ai i te meꞌe taꞌatoꞌa:

Meꞌe Haka Takeꞌa 3:7

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Pīrārēpia: “Pē nei te kī o te kope ꞌina he hara ꞌe a ia he parautiꞌa, kope i a ia te tāviri o te ꞌariki era ko ⌊Tāvita⌋, ꞌe kope mo mātaki e tahi meꞌe, ꞌina he rua kope mo puru; ꞌe mo puru e tahi meꞌe, ꞌina he rua kope mo mātaki: