1 Tētārōnika 4:16 - Rapa Nui

¹⁶ Pē ira ka topa ena: e ŋaroꞌa rō te reꞌo ohu o te merahi ra-rahi ꞌe te puhi iŋa o te koneta o te ꞌAtua. He topa mai ia a Ietū mai te raŋi, ꞌe te nuꞌu mā-mate haka moe i te manaꞌu ꞌi ruŋa i a ia he ora haka ꞌou.

1 Tētārōnika 4:16 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 25:31

»Ka hoki mai ena te ⌊Poki o te taŋata⌋ ko ꞌAriki ꞌā e haka vari tahi rō ꞌā e te merahi taꞌatoꞌa ōꞌona, e te ꞌana-ꞌana ꞌe e te pūai o te ꞌAtua, he noho ꞌi ruŋa i tōꞌona pepe ꞌariki.

Māteo 26:64

He pāhono e Ietū: —Nā e koe ko kī ꞌā. ꞌE ꞌī a au he kī takoꞌa atu: e takeꞌa rō e kōrua i te Poki o te taŋata e noho rō ꞌā ꞌi te pāꞌiŋa mataꞌu o te ꞌAtua, i a ia te pūai taꞌatoꞌa, ꞌe i tōꞌona topa iŋa mai ꞌi ruŋa i te raŋi e tahi.

Aŋa o te ꞌĀpōtoro 1:11

He kī: «E te taŋata o Karirea ē, ¿he aha rā i no-noho i uꞌi rō ai a te raŋi? A Ietū noho atu era ꞌi muri i a kōrua, iri ena ki te raŋi, ko ia ꞌā nā ka hoki mai ena. Pa he iri iŋa ena ōꞌona takeꞌa ena e kōrua, pē ira ꞌana tōꞌona hoki iŋa mai».

1 Kōrinto 15:18

ꞌe te nuꞌu mate haka moe i te manaꞌu ꞌi ruŋa i te Kiritō e ko eꞌa mai roto i te ūtuꞌa o te hara ꞌe e ko ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Kōrinto 15:20

ꞌE te parautiꞌa, te Kiritō ko ora ꞌā mai te mate. A ia he raꞌe o te meꞌe mo kato, te auraꞌa, he kope raꞌe mo ora mai te mate.

1 Kōrinto 15:23

ꞌe taꞌatoꞌa ꞌi tōꞌona hora: ꞌi raꞌe te Kiritō, ꞌe ki hoki mai a ia, he nuꞌu ꞌāꞌana.

1 Tētārōnika 1:10

ꞌE e ꞌaꞌamu takoꞌa rō ꞌana rā nuꞌu pē hē kōrua e tiaki ena ki te hoki iŋa mai mai te raŋi o tāꞌana Poki ko Ietū, kope haka ora e te ꞌAtua mai te mate, ꞌe kope haka eꞌa i a tātou mai te ūtuꞌa taparahi-taꞌata, ūtuꞌa nā e tuꞌu rō mai.

1 Tētārōnika 3:11

E ani nei ki te ꞌAtua, he Matuꞌa o tātou, ꞌe ki te tātou Pūꞌoko Haka Tere ko Ietū Kiritō, mo hāꞌūꞌū mai, mo tuꞌu atu ki a kōrua ena.

2 Tētārōnika 1:7

ꞌe e vaꞌai rō mai i te ora ki a tātou, ki te nuꞌu ꞌamo i te ꞌati. Te meꞌe nei ka topa ena ꞌi te mahana o te hoki iŋa mai o te tātou Pūꞌoko Haka Tere ko Ietū Kiritō ananake ko tāꞌana merahi pūai mai te raŋi e haka vari tahi rō ꞌā e te ura o te ahi.

2 Tētārōnika 2:1

E te taina, hora nei ko haŋa ꞌana a mātou mo vānaŋa atu o ruŋa i te hoki iŋa mai o te tātou Pūꞌoko Haka Tere ko Ietū Kiritō, ꞌe o ruŋa i te taka-taka iŋa o tātou mo noho ꞌi muri i a ia.

2 Pētero 3:10

Ka ai atu pē ira, te mahana o te hoki iŋa mai o te tātou Pūꞌoko Haka Tere ko Ietū Kiritō pa he toke-toke ꞌā ka tuꞌu mai ena. E ŋaroꞌa rō i te heruru taparahi-taꞌata, ꞌe e ŋaro rō te raŋi. ꞌE te raꞌā, te hetuꞌu, te māhina, ꞌe te henua koia ko te meꞌe taꞌatoꞌa o ruŋa he vera tahi ꞌi te ahi.

Hura 1:9

Ka manaꞌu rā: hora tātake era o Mihaera, he merahi ra-rahi o te ꞌAtua, ararua ko Rukifero o ruŋa i te hakari o ⌊Mōtē⌋, ꞌina a Mihaera kai kī i te vānaŋa rake-rake mo Rukifero; i kī nō: «¡Mo te ꞌAtua koe e ture atu!».

Meꞌe Haka Takeꞌa 1:10

ꞌI ira, ꞌi te mahana tāpati e tahi, mahana o te ꞌAtua, he haka moe vārua i a au e te ⌊Vārua Maitai⌋, ꞌe he ŋaroꞌa e au i te reꞌo pūai pa he koneta ꞌi tuꞌa i a au

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.

Meꞌe Haka Takeꞌa 14:13

He ŋaroꞌa ia e au i te reꞌo e tahi mai te raŋi e kī ꞌā: «Ka pāpaꞌi te meꞌe nei: “Ko te koa i te nuꞌu mate, ꞌi te hora nei ꞌe pe muꞌa ka oho ena, ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō”». «ꞌĒ-ē —i kī ai e te ⌊Vārua Maitai⌋— e haka ora rō rāua mai te rāua aŋa, ꞌe e vaꞌai rō hai meꞌe mo haka koa ꞌo te rāua meꞌe riva-riva aŋa».

Meꞌe Haka Takeꞌa 8:13

I oti era he uꞌi atu a au ko te manu nui-nui e tahi e rere rō ꞌā ꞌi vāeŋa o te raŋi e ohu pūai ꞌā: «¡ꞌAu-auē te taŋata o ruŋa i te henua ka puhi ena te ŋā koneta haka ꞌou ena e toru!».

Meꞌe Haka Takeꞌa 8:2

He takeꞌa ia e au e hitu merahi e māroa rō ꞌana ꞌi muꞌa o te ꞌAtua, ꞌe he vaꞌai ki a rāua e hitu koneta.