1 Tētārōnika 4:14 - Rapa Nui

¹⁴ Pa he meꞌe ꞌite e tātou: a Ietū i mate rō ꞌe i ora haka ꞌou rō mai, pē ira takoꞌa a tātou e ꞌite nei: te ꞌAtua e haka ora rō i te nuꞌu mate haka moe i te manaꞌu ꞌi ruŋa i a Ietū, ꞌe e hokorua rō rāua i a Ietū.

1 Tētārōnika 4:14 ပူးပေါင်းရင်းမြစ်များ

Māteo 24:31

Hai puhi pūai o te koneta ka uŋa era i tāꞌana merahi mo haka taka-taka i te nuꞌu haꞌataꞌa māꞌana mai te pāꞌiŋa era a ha-hā o te ao, mai te potu nei o te raŋi ki te potu era.

Rōmano 14:9

Mo ira a Ietū i mate ai ꞌe i ora haka ꞌou ai: mo Pūꞌoko Haka Tere o tātou taꞌatoꞌa, ka ai atu nuꞌu mate ꞌo nuꞌu ora.

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

1 Tētārōnika 3:13

ꞌe, takoꞌa, mo hāꞌūꞌū i a kōrua mo ꞌata haka hio-hio i te manaꞌu ꞌi ruŋa i a ia, ꞌo ai tāꞌue e tahi meꞌe mo tuhi iŋa atu e te ꞌAtua ꞌi te hora ka tuꞌu ena ki muꞌa i a ia ꞌi te mahana o te hoki iŋa mai o te tātou Pūꞌoko Haka Tere ko Ietū koia ko te nuꞌu taꞌatoꞌa haꞌataꞌa māꞌana. ⌊ꞌĀmene⌋.

1 Tētārōnika 4:13

E te taina, e haŋa rō ꞌana a mātou mo ꞌite o kōrua o ruŋa i te meꞌe topa ki te nuꞌu mate, ꞌo māui-ui rahi rō te kōrua māhatu, pa he nuꞌu taꞌe haka moe i te manaꞌu ꞌi ruŋa i a Ietū taꞌe ꞌite: te nuꞌu mate e ora haka ꞌou rō.

1 Tētārōnika 4:17

ꞌE a tātou, te nuꞌu e ora nō ꞌā ananake ko te nuꞌu nei he maꞌu he iri ꞌi ruŋa i te raŋi tea-tea mo piri ki a Ietū ꞌi roto i te tokerau. Pē ira a tātou ka noho ena ꞌi muri i a ia ꞌina he hopeꞌa raꞌa.

2 Tētārōnika 2:1

E te taina, hora nei ko haŋa ꞌana a mātou mo vānaŋa atu o ruŋa i te hoki iŋa mai o te tātou Pūꞌoko Haka Tere ko Ietū Kiritō, ꞌe o ruŋa i te taka-taka iŋa o tātou mo noho ꞌi muri i a ia.

Meꞌe Haka Takeꞌa 1:18

he kope e ora rō ꞌā. I mate rō a au, ꞌe, hora nei, he ora he oho mau rō ꞌai ꞌātā ki te hopeꞌa raꞌa. Te tāviri o te mate i a au.

Meꞌe Haka Takeꞌa 14:13

He ŋaroꞌa ia e au i te reꞌo e tahi mai te raŋi e kī ꞌā: «Ka pāpaꞌi te meꞌe nei: “Ko te koa i te nuꞌu mate, ꞌi te hora nei ꞌe pe muꞌa ka oho ena, ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō”». «ꞌĒ-ē —i kī ai e te ⌊Vārua Maitai⌋— e haka ora rō rāua mai te rāua aŋa, ꞌe e vaꞌai rō hai meꞌe mo haka koa ꞌo te rāua meꞌe riva-riva aŋa».