1 Tētārōnika 4:13 - Rapa Nui

¹³ E te taina, e haŋa rō ꞌana a mātou mo ꞌite o kōrua o ruŋa i te meꞌe topa ki te nuꞌu mate, ꞌo māui-ui rahi rō te kōrua māhatu, pa he nuꞌu taꞌe haka moe i te manaꞌu ꞌi ruŋa i a Ietū taꞌe ꞌite: te nuꞌu mate e ora haka ꞌou rō.

1 Tētārōnika 4:13 ပူးပေါင်းရင်းမြစ်များ

Māteo 27:52

te kona ha-haꞌo pāpaku he ha-hata, ꞌe meꞌe rahi nuꞌu ⌊haka moe i te manaꞌu⌋ ꞌi ruŋa i te ꞌAtua, ko mā-mate era ꞌana, i ora haka ꞌou

Iovani 11:24

He kī e Maratuka: —ꞌĒ-ē, ko ꞌite ꞌana e au e ora haka ꞌou rō ꞌi te hora haka ora i te nuꞌu mate ꞌi te mahana o te ture hopeꞌa.

Aŋa o te ꞌĀpōtoro 13:36

»A Tāvita, paꞌi, i tāvini rō ki te ꞌAtua ꞌi tōꞌona noho iŋa. I oti era he mate ꞌe he tanu, pa he oho iŋa o tōꞌona tupuna, ꞌe tōꞌona hakari i piro rō.

Aŋa o te ꞌĀpōtoro 7:60

He tū-turi ia he ohu pūai: «¡E Ietū, ꞌina koe ko tapa atu i te hara nei o te nuꞌu nei!». I oti era te kī i te meꞌe nei, he mate.

Aŋa o te ꞌĀpōtoro 8:2

O te ŋāŋata moꞌa ꞌe haꞌatura i te ꞌAtua i maꞌu i tanu i a ꞌĒteva koia ko taŋi ki a ia.

Rōmano 1:13

E te taina, e haŋa rō ꞌana a au mo ꞌite o kōrua e rahi rō ꞌā te mahana pohe ōꞌoku mo oho atu mo uꞌi i a kōrua, ꞌe ꞌātā ki te hora nei, ꞌī e piri nō mai ꞌā te meꞌe mo taꞌe tuꞌu atu ōꞌoku. Te meꞌe haŋa ꞌāꞌaku he takeꞌa mai ꞌi roto i a kōrua meꞌe rahi nuꞌu e pūai rō ꞌā te manaꞌu ꞌi ruŋa i te hāpī parautiꞌa o te ꞌAtua, ꞌe, takoꞌa, he ꞌata rahi o te nuꞌu haka ꞌou haka moe i te manaꞌu ꞌi ruŋa i a Ietū, pa he meꞌe topa ꞌi te tētahi atu kona o te nuꞌu taꞌe hūrio tuꞌu hāpī e au.

1 Kōrinto 10:1

E te taina, ꞌina ko rehu te meꞌe topa era ki te tātou tupuna: taꞌatoꞌa o te nuꞌu nei i haka tika rō e te ꞌAtua hai raŋi e tahi, taꞌatoꞌa i haka eꞌa rō ki te rua pāꞌiŋa o te vai era ko Vaikava Mea-mea.

1 Kōrinto 12:1

E te taina, e haŋa rō ꞌana a au mo aŋi-aŋi riva-riva e kōrua o ruŋa i te meꞌe vaꞌai mai e te Vārua Maitai ki a tātou, ki te nuꞌu ⌊haka moe i te manaꞌu⌋ ꞌi ruŋa i a Ietū, mo aŋa i te aŋa o te ꞌAtua.

1 Kōrinto 15:6

I haka takeꞌa takoꞌa rō i a ia ki te nuꞌu ꞌata rahi ki te pae hānere e taka-taka rō ꞌā, he nuꞌu ⌊haka moe i te manaꞌu⌋ ꞌi ruŋa i a ia. Te rahi raꞌa o rā ŋā nuꞌu ko te ora iŋa ꞌana ꞌātā ki te hora nei ꞌe tētahi ko mā-mate ꞌā.

2 Kōrinto 1:8

E te taina, e haŋa rō ꞌā a mātou mo ꞌite o kōrua i te rahi o te ꞌati topa mai ki a mātou ꞌi ꞌĀtia. He ꞌati taparahi-taꞌata e tahi, ꞌati ena mo taꞌe haꞌaoromaꞌi, ꞌe ꞌātā i manaꞌu rō e mātou he mā-mate a mātou.

Ēfeto 2:12

ka haka topa te kōrua manaꞌu: ꞌi muꞌa ꞌana, ꞌi te hora kai haka moe ꞌana a kōrua i te manaꞌu ꞌi ruŋa i a Ietū, taꞌe kōrua ꞌa Ietū Kiritō, ꞌe e topa kē rō ꞌana mai te itaraera. Te ⌊haka tere iŋa o te ꞌAtua ananake ko te taŋata⌋ ꞌe te meꞌe taꞌatoꞌa hōrea e ia mo te itaraera kai ai ꞌana, ꞌi rā hora, mo kōrua. E noho era kōrua ꞌina he ꞌite ko ai te ꞌAtua parautiꞌa, ꞌe ꞌina he manaꞌu pē nei ē: e ai rō ꞌō te meꞌe riva-riva mo kōrua pe muꞌa ka oho ena.

Ēfeto 2:3

Pē ira te noho iŋa o tātou taꞌatoꞌa ꞌi muꞌa ꞌā, ꞌi te hora kai haka moe ꞌana i te manaꞌu ꞌi ruŋa i a Ietū. E aŋa ꞌā a tātou i te meꞌe haŋa nō era o tātou. E haka tano ꞌana i te noho iŋa ki te meꞌe taꞌe tano manaꞌu ꞌe pohe nō o te hakari. ꞌI rā hora e tano mau rō ꞌā te ꞌAtua mo riri ꞌe mo haka ūtuꞌa mai i a tātou, pa he meꞌe ka aŋa ena ki te tētahi nuꞌu.

1 Tētārōnika 4:14

Pa he meꞌe ꞌite e tātou: a Ietū i mate rō ꞌe i ora haka ꞌou rō mai, pē ira takoꞌa a tātou e ꞌite nei: te ꞌAtua e haka ora rō i te nuꞌu mate haka moe i te manaꞌu ꞌi ruŋa i a Ietū, ꞌe e hokorua rō rāua i a Ietū.

1 Tētārōnika 4:15

ꞌO ira mātou e kī atu ena, pa he hāpī o te tātou Pūꞌoko Haka Tere: a tātou, te nuꞌu e ora nō ꞌā ꞌi te hora o te hoki iŋa mai o Ietū, e ko iri ꞌi raꞌe ki te nuꞌu mate.

1 Tētārōnika 5:10

A ia i mate ai mo tātou, mo noho o tātou ꞌi muri i a ia, ka ai atu ꞌi te hora era o tōꞌona hoki iŋa mai e ora rō ꞌā ꞌo e mate rō ꞌā a tātou.

1 Tētārōnika 5:6

ꞌO ira, e tiaki e oho tātou ki te hoki iŋa mai o Ietū pa he nuꞌu ꞌite mo hāito i te rāua meꞌe kī ꞌe i te rāua meꞌe aŋa. ꞌIna a tātou ko riro pa he nuꞌu hāꞌuru, te auraꞌa, pa he nuꞌu taꞌe haka moe i te manaꞌu ꞌi ruŋa i a Ietū taꞌe tiaki ki a ia.

2 Pētero 3:4

ka ꞌui era: «¿Ko aha ꞌana rā te hōrea kī era pē nei ē: e hoki haka ꞌou rō mai te ⌊Kiritō⌋? Ko mā-mate tahi ꞌana te tātou matuꞌa, ꞌe ko te noho iŋa ꞌana ꞌō te meꞌe taꞌatoꞌa pa he hora aŋa era ꞌā e te ꞌAtua i te ao».

2 Pētero 3:8

E te taina, ꞌina takoꞌa ko rehu: te mahana e tahi, mo te ꞌAtua, pa he matahiti e hoꞌe taꞌutini, ꞌe te hoꞌe taꞌutini matahiti, pa he mahana e tahi mōꞌona.