1 Tētārōnika 4:12 - Rapa Nui

¹² Mo haka tere o kōrua i a kōrua hai ŋā meꞌe nei, he moꞌa atu te nuꞌu taꞌe haka moe i te manaꞌu ꞌi ruŋa i a Ietū ꞌi te takeꞌa i te kōrua noho iŋa tano, ꞌe ꞌina ia e ko ai kōrua pa he meꞌe paŋahaꞌa mo ꞌamo e te rua, he taꞌe hape o te kōrua meꞌe.

1 Tētārōnika 4:12 ပူးပေါင်းရင်းမြစ်များ

Marko 4:11

He kī e Ietū: «Ki a kōrua te ꞌAtua e haka ꞌite ena i te meꞌe taꞌe ꞌite e te taŋata o ruŋa o tōꞌona haka tere iŋa ꞌāpī. ꞌE ki te nuꞌu taꞌe o roto i rā haka tere iŋa e vānaŋa ena hai ꞌaꞌamu haꞌaauraꞌa,

Rōmano 12:17

ꞌIna ko haka hoki hai meꞌe taꞌe tano ki te kope aŋa atu i te meꞌe taꞌe tano. E noho riva-riva kōrua, ꞌo ai te vānaŋa mo tuhi atu i te kōrua hape.

Rōmano 13:13

E noho tātou pa he nuꞌu haꞌere ꞌi roto i te māꞌeha. E haka rē te meꞌe taꞌe tano aŋa ꞌi te pō pa he ŋoŋoro taꞌe hāito i te meꞌe aŋa, pa he taꞌero ꞌava, pa he taiꞌata ꞌe he tētahi haka ꞌou atu meꞌe tuꞌu pē ira, pa he tātake ꞌe pa he pohe ki te meꞌe o te rua.

Ēfeto 4:28

Te toke-toke, ꞌina ko toke haka ꞌou. E aŋa mo ravaꞌa o tāꞌana meꞌe ꞌe mo hāꞌūꞌū ki te nuꞌu veve.

Fīripo 4:8

ꞌE tāꞌaku vānaŋa hopeꞌa mo kōrua, e te taina ē: e manaꞌu ki te meꞌe parautiꞌa, ki te meꞌe taꞌatoꞌa tano mo moꞌa, ki te meꞌe tano ki te mata o te ꞌAtua, ki te meꞌe ꞌina he hara, ki te meꞌe nehe-nehe, ki te taꞌatoꞌa meꞌe riva-riva. Te kī: e manaꞌu ki te meꞌe taꞌatoꞌa tī-tika ꞌe tano mo haꞌahana-hana.

Kōrosa 4:5

ꞌE ꞌi te hora taꞌatoꞌa e hāpaꞌo te kōrua noho iŋa ꞌi muꞌa o te nuꞌu taꞌe ⌊haka moe i te manaꞌu⌋ ꞌi ruŋa i a Ietū, ꞌo taꞌe haka au rō atu ꞌi te hora haŋa o kōrua mo vānaŋa ki a rāua o ruŋa i a Ietū.

1 Tētārōnika 5:22

ꞌE e haka tapa kōrua mai te meꞌe taꞌe tano taꞌatoꞌa.

1 Timoteo 3:7

E ai takoꞌa he taŋata e moꞌa rō ꞌana e te nuꞌu taꞌe haka moe i te manaꞌu ꞌi ruŋa i a Ietū. Pē ira e ko vānaŋa taꞌe tano o ruŋa i rā kope ꞌe e ko ravaꞌa e Rukifero.

1 Pētero 2:12

E noho kōrua ꞌina e tahi hape ꞌi roto i te nuꞌu taꞌe haŋa ki te ꞌAtua. Mo noho o kōrua pē ira, he takeꞌa e rā nuꞌu i te meꞌe riva-riva aŋa e kōrua ꞌe he haꞌahana-hana ki te ꞌAtua ꞌi te mahana ka kī era e ia i te meꞌe tano ꞌe i te meꞌe taꞌe tano aŋa e te taŋata, ka ai atu ꞌi te hora nei e kī rō ꞌana e rāua pē nei ē: a kōrua he nuꞌu aŋa i te meꞌe taꞌe tano.

1 Pētero 3:1

ꞌE a kōrua, e te ŋā viꞌe ⌊hāipo-ipo⌋ ē, e haꞌatura ki te kōrua kenu, ka ai atu he kenu taꞌe ⌊haka moe i te manaꞌu⌋ ꞌi ruŋa i te ⌊roŋo riva-riva o ruŋa i a Ietū⌋. Mo aŋa o kōrua pē ira, he huri pēaha te manaꞌu, ꞌe he haka moe takoꞌa i tōꞌona manaꞌu ꞌi ruŋa i a Ietū, ꞌe taꞌe ꞌō ꞌo te meꞌe i kī e kōrua, ꞌo te takeꞌa i te kōrua noho iŋa tano, noho iŋa moꞌa ꞌe haꞌatura ki te ꞌAtua.