1 Tētārōnika 4:11 - Rapa Nui

¹¹ E noho kōrua ꞌi roto i te haumārū, ꞌe e uꞌi i te kōrua noho iŋa, ꞌo riro he ꞌati mo te rua. E aŋa kōrua mo ai o te kōrua meꞌe, pa he meꞌe kī atu e mātou.

1 Tētārōnika 4:11 ပူးပေါင်းရင်းမြစ်များ

Marko 13:34

Te hoki iŋa mai ōꞌona ka ai ena pa he hoki iŋa ki tōꞌona hare o te kope oho ki te rua henua. »Te kope nei, ꞌi raꞌe ki tōꞌona oho, he haka hāpaꞌo i tōꞌona hare ki te nuꞌu tāvini ꞌe ki rā nuꞌu i kī ai i te rāua meꞌe mo aŋa. Ki te kope ko ia te ꞌauario o te ꞌōpani i kī ai: “E uꞌi koe ꞌo haꞌuru rō”.

Aŋa o te ꞌĀpōtoro 18:3

ꞌI te meꞌe era te aŋa ꞌa Pauro pa he aŋa ꞌā o rā nuꞌu, he aŋa karapā, he noho ꞌi muri mo aŋa ananake.

Aŋa o te ꞌĀpōtoro 20:35

Hai haka tere iŋa nei ōꞌoku e haka ꞌite atu era pē hē tātou ana aŋa mo ravaꞌa mai o te meꞌe, ki riva ai a tātou mo hāꞌūꞌū ki te nuꞌu ꞌina e tahi rāveꞌa. E haka topa te kōrua manaꞌu ki te vānaŋa kī e Ietū: “I hau te rahi o te koa mo vaꞌai ōꞌou ki te rua ki te toꞌo mai ana vaꞌai atu”».

Rōmano 12:11

ꞌIna ko haka hupe-hupe; e aŋa hai māhatu ki a Ietū Kiritō, he Pūꞌoko Haka Tere o tātou.

Rōmano 15:20

ꞌI tōꞌoku ara, tāꞌaku meꞌe aŋa he haka ꞌite i te roŋo riva-riva o te ꞌAtua a te kona kai ꞌite ꞌā o ruŋa o Ietū Kiritō, ꞌo aŋa ꞌo oho a te kona ko haꞌamata era ꞌā te aŋa e te rua.

1 Kōrinto 4:12

ꞌe e rohi-rohi rō ꞌana ꞌi te aŋa iŋa. E taro-taro mai ena e te nuꞌu, hai haꞌamaitai e haka hoki nei e mātou; ꞌe e tute mai ena mo tōtōā, he haꞌaoromaꞌi e mātou.

2 Kōrinto 5:9

ꞌO ira, te meꞌe haŋa o mātou he aŋa i te meꞌe haŋa e te ꞌAtua, ka ai atu ꞌi te ao nei ꞌo taꞌe ꞌi te ao nei.

Ēfeto 4:28

Te toke-toke, ꞌina ko toke haka ꞌou. E aŋa mo ravaꞌa o tāꞌana meꞌe ꞌe mo hāꞌūꞌū ki te nuꞌu veve.

1 Timoteo 2:2

E pure mo te nuꞌu haka tere i te henua ꞌe mo te nuꞌu ra-rahi taꞌatoꞌa, ki noho riva-riva ai a tātou ꞌina e tahi ture, ki moꞌa ai ꞌe ki haꞌatura ai ki te ꞌAtua.

1 Timoteo 5:13

ꞌE taꞌe ꞌo ira nō, ꞌo māhani i te hupe-hupe, ꞌo oho ki hare era ki hare era, ꞌo haꞌamata ꞌo haꞌaꞌino i te rua, ꞌe ꞌo ꞌāmui ki roto i te ture kē koia ko kī i te vānaŋa taꞌe tano.

Tito 3:14

Te nuꞌu o tātou e ꞌite mo aŋa i te meꞌe riva-riva ꞌe mo hāꞌūꞌū i te rua, ki hauhaꞌa ai te rāua noho iŋa ꞌi te ao nei.

1 Pētero 3:4

E ai hai meꞌe o roto i te māhatu, pa he huru riva ꞌe haumārū, he nehe-nehe taꞌe ŋaro ki te hora hopeꞌa. Te nehe-nehe tuꞌu pē nei e hauhaꞌa rahi rō ꞌā ki te ꞌAtua.

1 Pētero 4:15

Mo ꞌamo o kōrua i te ꞌati, pē hiva ꞌā ana taꞌe ai ꞌo te tiŋaꞌi ꞌo te haka mate i te taŋata, ꞌo te toke i te meꞌe o te rua, ꞌo te aŋa i te meꞌe taparahi-taꞌata, ꞌe ꞌo te ꞌāmui ki roto i te ture kē.