1 Tētārōnika 4:1 - Rapa Nui

¹ E te taina, ko haka ꞌite atu era ꞌā e mātou pē hē ana tano te kōrua noho iŋa ki te mata o te ꞌAtua, ꞌe ko ꞌite ꞌā e mātou, nā kōrua e noho mai ena pē ira. Ka ai atu pē ira, he ani atu a mātou hai ꞌīŋoa o te tātou Pūꞌoko Haka Tere ko Ietū: ka ꞌata haka tano ka oho nō te kōrua noho iŋa pē ira mo koa o te ꞌAtua.

1 Tētārōnika 4:1 ပူးပေါင်းရင်းမြစ်များ

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

Aŋa o te ꞌĀpōtoro 20:27

Ko haka ꞌite tahi atu ꞌana, paꞌi, a au i te meꞌe haŋa o te ꞌAtua; ꞌina kai naꞌa atu e tahi meꞌe.

Rōmano 8:8

Te nuꞌu haka tere i a rāua hai manaꞌu taŋata e ko ravaꞌa, ki te hora hopeꞌa, mo haka koa i te ꞌAtua.

1 Kōrinto 11:23

E te taina, te meꞌe nei ꞌāꞌaku ka kī atu ena mai te tātou Pūꞌoko Haka Tere mau ꞌā i ꞌite mai ai, ꞌe i haka ꞌite rō atu e au ki a kōrua: A Ietū, te tātou Pūꞌoko Haka Tere, ꞌi te pō hoꞌo mau era ꞌā i a ia, i toꞌo ai i te haraoa e tahi ki tōꞌona rima,

1 Kōrinto 15:1

Hora nei, e te taina ē, e haŋa rō ꞌana a au mo manaꞌu o kōrua ki te ⌊roŋo riva-riva o te ꞌAtua⌋ haka ꞌite atu e au, maꞌu hio-hio e kōrua ꞌi roto i te kōrua māhatu.

1 Kōrinto 15:58

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

2 Kōrinto 10:1

E te taina, nā ꞌi roto i a kōrua te nuꞌu e haꞌaꞌino rō ꞌā i a au pē nei ē: ꞌi te hora ōꞌoku ꞌi muri i a kōrua, ꞌina a au he kī atu ki te kōrua ꞌāriŋa i te kōrua hape, ꞌe, ꞌi te hora mo pāpaꞌi atu, he ture nō atu tāꞌaku aŋa. ꞌO ira, a au, a Pauro, he ani atu hai haŋa ꞌe hai riva rahi o te ⌊Kiritō⌋:

2 Kōrinto 13:11

Mo haka mao atu, e kuā taina ē, e koa kōrua ꞌe e noho ꞌina e tahi hape. E haka haŋu kōrua i a kōrua ꞌā, e ai kōrua e tahi mau nō manaꞌu ꞌe e noho ꞌi roto i te haumārū. Pē ira te ꞌAtua, vaꞌai i te haŋa ꞌe i te haumārū, ka haꞌamaitai ena i a kōrua.

2 Kōrinto 5:9

ꞌO ira, te meꞌe haŋa o mātou he aŋa i te meꞌe haŋa e te ꞌAtua, ka ai atu ꞌi te ao nei ꞌo taꞌe ꞌi te ao nei.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Karatia 6:1

E te taina, mo takeꞌa e kōrua e tahi taina ⌊haka moe i te manaꞌu⌋ ꞌi ruŋa i a Ietū e hara ꞌā, e hāꞌūꞌū e kōrua e te nuꞌu ko te haka tere iŋa ꞌā e te ⌊Vārua Maitai⌋, mo hoki haka ꞌou ōꞌona a te ara tī-tika. ꞌE ana hāꞌūꞌū, hai haŋa ꞌe hai haumārū. E uꞌi ꞌo haka hara rō atu i a kōrua.

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

Ēfeto 4:20

ꞌE taꞌe he meꞌe ena te meꞌe i hāpī atu, e te taina ē, hora haka ꞌite atu era o ruŋa i a Ietū Kiritō.

Ēfeto 5:17

ꞌIna kōrua ko aŋa i te meꞌe ꞌina kai manaꞌu riva-riva hia; e noho e haka topa he aha te meꞌe haŋa mau o te ꞌAtua.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Fīripo 1:9

E pure nei au mo kōrua, e ani rō ꞌana a au mo ꞌata rahi mo oho o te kōrua haŋa mo te ꞌAtua ꞌe mo te rua, mo ꞌata aŋi-aŋi mo oho kōrua ko ai mau a ia, ꞌe mo ꞌata ꞌite o kōrua he aha te meꞌe riva-riva ꞌe he aha te meꞌe rake-rake,

Fīripo 3:14

mo tuꞌu ki te roa hopeꞌa ꞌe mo ravaꞌa e au i te meꞌe mo vaꞌai mai e te ꞌAtua ꞌi te raŋi ꞌo te ai ōꞌoku ꞌa Ietū Kiritō, pa he kope ꞌāꞌati e tahuti ena mo ravaꞌa i te meꞌe mo haka koa i a ia ka tuꞌu ena ki te roa hopeꞌa.

Kōrosa 1:10

Pē ira te kōrua noho iŋa ka ai ena noho iŋa tano o te nuꞌu ꞌa Ietū Kiritō, ꞌe ka aŋa ka oho mau nō ena kōrua i te meꞌe mo koa ōꞌona ꞌe i te meꞌe riva-riva mo hāꞌūꞌū ki te rua. ꞌE pē ira takoꞌa ka ꞌata māhani ka oho ena kōrua i te ꞌAtua.

Kōrosa 2:6

A kōrua ko toꞌo ꞌana i a Ietū Kiritō mo Pūꞌoko Haka Tere o kōrua. ꞌO ira, e haka tere kōrua pa he nuꞌu ꞌāꞌana.

1 Tētārōnika 3:12

E ani takoꞌa nei ki te tātou Pūꞌoko Haka Tere mo ꞌata haka pūai ꞌe mo ꞌata haka rahi i te haŋa ꞌi roto i a kōrua ꞌe i te haŋa mo te taꞌatoꞌa, pa he haŋa iŋa nei ꞌā o mātou ki a kōrua,

1 Tētārōnika 4:2

A kōrua, paꞌi, ko ꞌite ꞌana i te meꞌe kī atu e mātou mo aŋa e kōrua hai ꞌīŋoa o te tātou Pūꞌoko Haka Tere ko Ietū Kiritō.

1 Tētārōnika 5:12

E te taina, he ani atu mātou: e moꞌa kōrua i te nuꞌu taꞌatoꞌa aŋa ꞌi roto i a kōrua, he nuꞌu hatu atu ꞌe he nuꞌu haka tika atu ꞌi te meꞌe o te ꞌAtua.

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.

2 Tētārōnika 2:1

E te taina, hora nei ko haŋa ꞌana a mātou mo vānaŋa atu o ruŋa i te hoki iŋa mai o te tātou Pūꞌoko Haka Tere ko Ietū Kiritō, ꞌe o ruŋa i te taka-taka iŋa o tātou mo noho ꞌi muri i a ia.

2 Tētārōnika 3:1

Te meꞌe hopeꞌa, e te taina ē, e pure kōrua mo mātou, ki tuꞌu ai te roŋo parautiꞌa o te tātou Pūꞌoko Haka Tere ki te kona taꞌatoꞌa, ꞌe, takoꞌa, mo toꞌo ꞌe mo haꞌatura e te nuꞌu hai koa pē kōrua.

2 Tētārōnika 3:13

ꞌE a kōrua, e te taina ē, ꞌina ko haꞌumani ꞌi te aŋa iŋa i te meꞌe riva-riva.

1 Timoteo 5:21

ꞌĪ a au he kī atu: e aŋa koe i te meꞌe hatu atu ena o ruŋa i te nuꞌu pūꞌoko haka tere. Ana haka tī-tika koe e tahi o rāua, ꞌina ko uꞌi ko ai a ia ana ture iho i tōꞌona hara. ꞌIna ko rehu i a koe: nā e uꞌi atu ena te ꞌAtua, a Ietū Kiritō ꞌe te merahi.

2 Timoteo 4:1

ꞌI muꞌa o te ꞌAtua ꞌe o Ietū Kiritō, kope ka oho mai ena pa he ꞌAriki nui-nui mo haka ūtuꞌa i te nuꞌu ora ꞌe i te nuꞌu mate, ka kī atu ena a au:

ꞌEvereo 11:6

ꞌIna e tahi taŋata taꞌe ⌊haka moe i te manaꞌu⌋ ꞌi ruŋa i te ꞌAtua mo tano ki tōꞌona mata. Mo hāhine ki a ia, e ai he parautiꞌa mau ꞌā mōꞌou e ai rō ꞌā te ꞌAtua ꞌe e ai rō ꞌana te meꞌe mo vaꞌai ki te nuꞌu kimi i a ia.

ꞌEvereo 13:16

ꞌE ꞌina ko rehu mo aŋa i te meꞌe riva-riva ꞌe mo vaꞌai takoꞌa ki te rua o te meꞌe ai o kōrua. Te ŋā meꞌe nei he tūtia haŋa takoꞌa o te ꞌAtua.

ꞌEvereo 13:22

E te taina, he ani atu au mo haka roŋo riva-riva kōrua ki tāꞌaku meꞌe ꞌiti-ꞌiti pāpaꞌi atu ena mo haka pūai i te kōrua manaꞌu ꞌi ruŋa i te ꞌAtua.

2 Pētero 3:18

Te meꞌe mau o kōrua mo aŋa he uꞌi mo māhani riva-riva ki te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa, ꞌe ꞌai kōrua ka noho ka oho rō ꞌi roto i tōꞌona haŋa. ¡Ki haꞌahana-hana tātou ki a ia ꞌi te hora nei ꞌe ꞌi te hora taꞌatoꞌa! Ka ai pē ira.

1 Iovani 3:22

ꞌe he vaꞌai mai e ia i te taꞌatoꞌa meꞌe o tātou mo no-noꞌi ꞌo te ai e haꞌatura rō ꞌana a tātou ki tāꞌana roŋo ꞌe e aŋa rō ꞌā i tāꞌana meꞌe haŋa.