1 Tētārōnika 3:8 - Rapa Nui

⁸ I ꞌite era, paꞌi, e mātou ko te haka noho iŋa ꞌana a kōrua i te manaꞌu ꞌi ruŋa i a Ietū, he ŋaroꞌa e mātou i te ora.

1 Tētārōnika 3:8 ပူးပေါင်းရင်းမြစ်များ

Iovani 15:4

»ꞌIna kōrua ko haka topa mai muri i a au, pa he taꞌe haka topa iŋa nei ōꞌoku i a au mai muri i a kōrua. Te maŋa vino e tahi e ko hua mo ko-koti mo haka topa mai te tumu. Pē ira ꞌana kōrua, mo topa mai muri i a au e ko hua, te auraꞌa, e ko riva kōrua mo aŋa i te meꞌe haŋa e te ꞌAtua.

Iovani 15:7

»Mo noho nō mai o kōrua ꞌi muri i a au, ꞌe mo maꞌu riva-riva i tāꞌaku hāpī nei, te meꞌe mo no-noꞌi mai e kōrua he vaꞌai atu.

Iovani 8:31

He kī e Ietū ki te hūrio ⌊haka moe i te manaꞌu⌋ ꞌi ruŋa i a ia: —Mo haka roŋo ꞌe mo haꞌatura mo oho nō kōrua ki tāꞌaku vānaŋa, he nuꞌu hāpī mau ꞌana ia kōrua ꞌāꞌaku;

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

1 Kōrinto 15:58

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

1 Kōrinto 16:13

E uꞌi kōrua e hāpaꞌo ꞌe e haka hio-hio i te kōrua manaꞌu ꞌi ruŋa i a Ietū. E kiahio kōrua, ꞌina ko haꞌamā ꞌi te haka moe iŋa i te manaꞌu ꞌi ruŋa i a ia.

Karatia 5:1

A Ietū Kiritō i haka eꞌa i a tātou mai te meꞌe ena he ꞌamo i te haka tere iŋa ꞌa Mōtē mo tano ki te mata o te ꞌAtua. ꞌO ira, e uꞌi kōrua ꞌo haka ꞌamo haka ꞌou rō atu i te haka tere iŋa era, ꞌo ꞌekaravo haka ꞌou kōrua o rā haka tere iŋa.

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

Fīripo 1:21

A au e ora nei mo tāvini ꞌe mo haꞌamuri mau nō ki a Ietū. ꞌE mo mate ōꞌoku, ko ꞌata tano ꞌā; he ai, paꞌi, a au ꞌi muri i a ia.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Fīripo 4:1

ꞌO ira, e te taina ē, e uꞌi e haka noho e oho te kōrua manaꞌu ꞌi ruŋa i a Ietū. E manaꞌu rahi rō atu ꞌana a au ki a kōrua, e haŋa rahi rō atu ꞌā, ꞌe hai kōrua a au e koa nei.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

1 Tētārōnika 3:7

ꞌI roto i te ꞌati taꞌatoꞌa ꞌamo e mātou, e te taina ē, te parau ꞌāpī tuꞌu mai nei o ruŋa i a kōrua ko haka pūai ꞌe ko haka koa mai ꞌana i a mātou.

ꞌEvereo 10:23

E haka hio-hio e oho nō tātou i te manaꞌu ꞌi ruŋa i te meꞌe hōrea mai era e te ꞌAtua. A ia, paꞌi, e ko taꞌe aŋa i tāꞌana meꞌe kī.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

ꞌEvereo 4:14

A Ietū, Poki o te ꞌAtua, he oromatuꞌa hopeꞌa o te ra-rahi o tātou ꞌi te raŋi. ꞌO ira, e haka moe e oho tātou i te manaꞌu ꞌi ruŋa i a ia.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

2 Pētero 3:17

ꞌO ira, e te taina ē, ꞌi te ꞌite o kōrua o ruŋa i te ŋā meꞌe ena, e hāpaꞌo kōrua, ꞌo viri ki roto i te reo-reo o te nuꞌu taparahi-taꞌata ꞌe ꞌo haka tapa kōrua mai roto i te hāpī parautiꞌa e maꞌu hio-hio mai ena.

Meꞌe Haka Takeꞌa 3:11

E ko roa tōꞌoku hoki iŋa mai. ꞌO ira, ka haka moe ka oho nō i te kōrua manaꞌu ꞌi ruŋa i a au, ꞌo toꞌo e te rua i tuꞌu hei.

Meꞌe Haka Takeꞌa 3:3

Ka manaꞌu koe ki te hāpī vaꞌai atu era koia ko hārui haka ꞌou i tuꞌu manaꞌu ki te ꞌAtua ꞌe ꞌai ka haꞌatura ka oho rō ki rā hāpī. Mo taꞌe aŋa ōꞌou pē ira, he tuꞌu atu a au pa he toke-toke haka ūtuꞌa i a koe ꞌi te hora ꞌina kai ꞌite hia e koe.