1 Tētārōnika 3:6 - Rapa Nui

⁶ ꞌE hora nei, ꞌī ko hoki mai ꞌā a Timoteo mai Tētārōnika e maꞌu rō mai ꞌana i te parau ꞌāpī riva-riva o ruŋa i a kōrua pē nei ē: ko te haka moe iŋa ꞌana kōrua i te manaꞌu ꞌi ruŋa i a Ietū ꞌe ko te haŋa iŋa ꞌana kōrua ꞌi roto i a kōrua ꞌā. Ko kī mai ꞌā he manaꞌu nō te aŋa o kōrua hai māhatu ki a mātou, ꞌe e rahi rō ꞌana te haŋa mo takeꞌa haka ꞌou i a mātou, pa he haŋa iŋa nei ꞌā o mātou mo takeꞌa i a kōrua.

1 Tētārōnika 3:6 ပူးပေါင်းရင်းမြစ်များ

Aŋa o te ꞌĀpōtoro 16:1

He oho ia a Pauro ki Reve ꞌe mai ira ki Rītara. ꞌI Rītara i māhani ai ki te taŋata ⌊haka moe i te manaꞌu⌋ ꞌi ruŋa i a Ietū te ꞌīŋoa ko Timoteo. A ia he poki o te viꞌe ⌊hūrio⌋ haka moe i te manaꞌu ꞌi ruŋa i a Ietū ꞌe tōꞌona matuꞌa tane he ⌊kirieko⌋.

Aŋa o te ꞌĀpōtoro 18:1

I oti era he eꞌa a Pauro mai ꞌĀtena he oho ki Kōrinto.

Aŋa o te ꞌĀpōtoro 18:5

I tuꞌu era a Tira ararua ko Timoteo mai Mātērōnia, he noho mau rō ꞌai a Pauro he haka ꞌite i te ⌊roŋo riva-riva o te ꞌAtua⌋ ꞌe he haka aŋi-aŋi ki te hūrio o Kōrinto: a Ietū he ⌊Kiritō⌋.

1 Kōrinto 11:2

E koa rō ꞌana a au ꞌo te rava manaꞌu mai o kōrua ki a au ꞌe, takoꞌa, ꞌo te maꞌu ꞌo te oho nō o kōrua i te hāpī haka ꞌite atu era e au.

1 Kōrinto 13:13

E toru meꞌe ꞌina e ko kore ki te hora hopeꞌa: he haka moe iŋa i te manaꞌu ꞌi ruŋa i te ꞌAtua, he ŋatu o te haŋu ꞌi ruŋa i tāꞌana meꞌe hōrea mai era, ꞌe he haŋa ki te rua. ꞌE te meꞌe hopeꞌa o te hauhaꞌa o te ŋā meꞌe nei e toru he haŋa ki te rua.

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Fīripo 1:8

He ꞌAtua te meꞌe i ꞌite i te rahi o tōꞌoku manaꞌu mo kōrua taꞌatoꞌa; tōꞌoku haŋa ki a kōrua pa he haŋa iŋa atu ena ꞌā o Ietū Kiritō.

Kōrosa 1:4

Ko ŋaroꞌa ꞌana, paꞌi, e mātou pē nei ē: e haka moe rō ꞌana kōrua i te manaꞌu ꞌi ruŋa i a Ietū, ꞌe e haŋa rō ꞌana kōrua ki te nuꞌu taꞌatoꞌa haꞌataꞌa e te ꞌAtua māꞌana,

Kōrosa 4:18

ꞌĀꞌaku, a Pauro, i pāpaꞌi atu i te ꞌaroha nei hai rima mau nei ꞌā ōꞌoku. E uꞌi ꞌo rehu: ꞌī a au ꞌi roto i te hare maꞌuꞌaurī; e pure kōrua mōꞌoku. ꞌE ka ai ꞌi ruŋa i a kōrua te riva rahi o te ꞌAtua.

1 Tētārōnika 1:3

E māuru-uru nei ꞌi te meꞌe era he manaꞌu nō te mātou aŋa pē hē kōrua e aŋa ena ki te ꞌAtua, ꞌo te ⌊haka moe i te manaꞌu⌋ ꞌi ruŋa i a Ietū, pē hē e hāꞌūꞌū ena ki te rua, ꞌo te rahi o te kōrua haŋa mo rāua, ꞌe pē hē e haꞌaoromaꞌi ena hai pūai ꞌi te hora o te ꞌati, ꞌo te ai e tiaki e oho rō ꞌā kōrua ki te hoki iŋa mai o te tātou Pūꞌoko Haka Tere ko Ietū Kiritō.

1 Tētārōnika 2:17

E te taina, hora tute era i a mātou mai muri i a kōrua, ka ai atu e roa rō ꞌana kōrua mai muri i a mātou, ko te maꞌu iŋa ꞌana mātou i a kōrua ꞌi roto i te mātou māhatu, ꞌe e rahi rō ꞌana te mātou haŋa mo takeꞌa haka ꞌou i a kōrua.

1 Tētārōnika 2:9

E te taina, ko ꞌite ꞌana a kōrua pē hē mātou e aŋa era, ka pō ka ꞌōtea, mo ravaꞌa moni mo te mātou meꞌe hape hora era o mātou ꞌi muri i a kōrua, ꞌo ai mātou he meꞌe paŋahaꞌa e tahi mo ꞌamo e kōrua.

1 Tētārōnika 3:7

ꞌI roto i te ꞌati taꞌatoꞌa ꞌamo e mātou, e te taina ē, te parau ꞌāpī tuꞌu mai nei o ruŋa i a kōrua ko haka pūai ꞌe ko haka koa mai ꞌana i a mātou.

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.

1 Timoteo 1:5

E kī atu ena i te vānaŋa nei ꞌi te haŋa ōꞌoku mo ai o te haŋa ꞌi roto i a tātou, he haŋa eꞌa mai roto i te māhatu maꞌitaki, mai roto i te manaꞌu riva-riva ꞌe mai te haka moe iŋa parautiꞌa i te manaꞌu ꞌi ruŋa i te ꞌAtua.

2 Timoteo 1:3

E Timoteo, hai māhatu maꞌitaki a au e aŋa nei ki te ꞌAtua, pa he meꞌe aŋa e tōꞌoku tupuna. ꞌE ꞌi tōꞌoku pure iŋa ꞌi te pō ꞌe ꞌi te ꞌōtea, e māuru-uru nei a au mōꞌou.

Firemono 1:5

Ko ŋaroꞌa ꞌana, paꞌi, e au o ruŋa i tuꞌu haka moe iŋa i te manaꞌu ꞌi ruŋa i a Ietū, ꞌe o ruŋa i te rahi o tuꞌu haŋa ki te nuꞌu taꞌatoꞌa haꞌataꞌa e te ꞌAtua māꞌana.

ꞌEvereo 13:3

ꞌIna ko rehu i a kōrua mo hāꞌūꞌū i te taina puru ꞌi roto i te hare maꞌuꞌaurī. E hāpaꞌo kōrua i a rāua pa he meꞌe haŋa o kōrua mo hāpaꞌo atu e te rua i a kōrua. Pē ira takoꞌa i te nuꞌu tōtōā; e tano nō, paꞌi, mo topa takoꞌa atu te ꞌati era ki a kōrua.

ꞌEvereo 13:7

E manaꞌu ki te kōrua pūꞌoko haka tere o muꞌa ꞌā haka ꞌite atu i te vānaŋa o te ꞌAtua. E haka topa te manaꞌu ki te meꞌe riva-riva taꞌatoꞌa poreko o te rāua noho iŋa tano, ꞌe ꞌai kōrua ka haka moe ka oho nō i te manaꞌu ꞌi ruŋa i te ꞌAtua pē rāua.

1 Iovani 3:23

ꞌE te roŋo ꞌāꞌana: he haka moe i te tātou manaꞌu ꞌi ruŋa i tāꞌana Poki ko Ietū Kiritō ꞌe he haŋa a tātou ki te rua, pa he meꞌe haka ꞌite mai era e ia.