1 Tētārōnika 3:4 - Rapa Nui

⁴ Hora era, paꞌi, o mātou ꞌi muri i a kōrua ꞌā, i haka ꞌite rō atu mātou pē nei ē: e topa rō mai te ꞌati ꞌi ruŋa i a tātou ꞌe, ko ꞌite riva-riva ꞌana e kōrua, pē ira mau ꞌā i topa ai.

1 Tētārōnika 3:4 ပူးပေါင်းရင်းမြစ်များ

Māteo 24:25

E uꞌi e hāpaꞌo kōrua. Nā ko haka ꞌite atu ꞌana e au ꞌi raꞌe ki te topa iŋa mai o rā ŋā meꞌe.

Aŋa o te ꞌĀpōtoro 17:1

ꞌI te ara oho o Pauro ararua ko Tira i vari ai a te kona ko Antipori ꞌe ko Āpōrōnia. He tuꞌu ki Tētārōnika, he kona ꞌi ira te ⌊hare pure hūrio⌋ e tahi.

Aŋa o te ꞌĀpōtoro 17:13

I ꞌite era e te nuꞌu hūrio ra-rahi o Tētārōnika e haka ꞌite ꞌā a kuā Pauro i te ⌊roŋo riva-riva o te ꞌAtua⌋ ꞌi Vērea, he oho ki ira he haka tumu i te ture ꞌe he haka riri i te taŋata mo kuā Pauro.

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

1 Tētārōnika 2:14

E te taina, te ꞌati topa atu era, he tute atu mo tōtōā i a kōrua e te nuꞌu o te kōrua henua, i topa takoꞌa rō ki te nūnaꞌa taŋata haka moe i te manaꞌu ꞌi ruŋa i a Ietū o te kona era ko Hūrea. A rāua, paꞌi, i tute takoꞌa rō e te nuꞌu o te rāua henua, he ⌊hūrio⌋, mo tōtōā.

1 Tētārōnika 2:2

Ko ꞌite ꞌana e kōrua: ꞌi raꞌe ki te tuꞌu atu o mātou ki a kōrua ena i vā-vā ꞌe i tōtōā rō mai i a mātou ꞌi te kona era ko Fīripo. Ka ai atu pē ira, i hāꞌūꞌū nō mai te ꞌAtua mo haka ꞌite atu ki a kōrua i te ⌊roŋo riva-riva o ruŋa i a Ietū⌋ taꞌe e riꞌa-riꞌa ꞌe taꞌe e tapa atu i te nuꞌu riri mo mātou.

2 Tētārōnika 2:5

Ko rehu ꞌana ꞌō pēaha i a kōrua pē nei ē: i vānaŋa rō atu a au o ruŋa i te ŋā meꞌe nei ꞌi te hora era ōꞌoku ꞌi muri i a kōrua.

2 Tētārōnika 3:10

Hora era o mātou ꞌi muri i a kōrua i haka rē rō atu i te roŋo nei: Te kope taꞌe haŋa mo aŋa, ꞌina ko kai.