1 Tētārōnika 3:13 - Rapa Nui

¹³ ꞌe, takoꞌa, mo hāꞌūꞌū i a kōrua mo ꞌata haka hio-hio i te manaꞌu ꞌi ruŋa i a ia, ꞌo ai tāꞌue e tahi meꞌe mo tuhi iŋa atu e te ꞌAtua ꞌi te hora ka tuꞌu ena ki muꞌa i a ia ꞌi te mahana o te hoki iŋa mai o te tātou Pūꞌoko Haka Tere ko Ietū koia ko te nuꞌu taꞌatoꞌa haꞌataꞌa māꞌana. ⌊ꞌĀmene⌋.

1 Tētārōnika 3:13 ပူးပေါင်းရင်းမြစ်များ

Māteo 25:31

»Ka hoki mai ena te ⌊Poki o te taŋata⌋ ko ꞌAriki ꞌā e haka vari tahi rō ꞌā e te merahi taꞌatoꞌa ōꞌona, e te ꞌana-ꞌana ꞌe e te pūai o te ꞌAtua, he noho ꞌi ruŋa i tōꞌona pepe ꞌariki.

Marko 8:38

»Te taŋata o te hora nei taŋata hara ꞌe ꞌina he haŋa mai. Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ananake mātou ko te merahi ꞌi ruŋa i a au te pūai ꞌana-ꞌana o tōꞌoku Matuꞌa».

Ruka 1:6

A rāua nuꞌu tano ki te mata o te ꞌAtua; e haꞌatura rō ꞌana ki te roŋo ꞌe ki tāꞌana haka tere iŋa ko te haꞌatura iŋa ena ꞌina he hape.

Rōmano 14:4

¿Ko ai ia koe mo tuhi iŋa i te hape o te tāvini o te rua? Mā Ietū mau nō, he Pūꞌoko Haka Tere ōꞌona e kī hoki e tano rō ꞌana ꞌo ꞌina he tano tāꞌana meꞌe aŋa. ꞌE rā tāvini e aŋa rō i te meꞌe tano; i a Ietū, paꞌi, te pūai mo hāꞌūꞌū ki a ia mo aŋa pē ira.

Rōmano 16:25

Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

1 Kōrinto 15:23

ꞌe taꞌatoꞌa ꞌi tōꞌona hora: ꞌi raꞌe te Kiritō, ꞌe ki hoki mai a ia, he nuꞌu ꞌāꞌana.

Karatia 1:4

A Ietū i vaꞌai ai i a ia mo mate mo haka kore e te ꞌAtua i te tātou hara ꞌe mo haka eꞌa i a tātou mai roto i te noho iŋa taꞌe tano o te ao, ꞌi te meꞌe era ko haŋa ꞌā e te ꞌAtua, Matuꞌa o tātou.

Ēfeto 5:27

mo riro tahi o tātou pa he viꞌe hāipo-ipo nehe-nehe māꞌana, ꞌina e tahi meꞌe taꞌe tano ꞌe ꞌina e tahi hape ꞌi te hora ka toꞌo ena i a tātou mo noho ꞌi muri i a ia.

Fīripo 1:10

ki aŋa ki oho ai kōrua i te meꞌe riva-riva mau nō. Pē ira he tano te kōrua noho iŋa ki te mata o te ꞌAtua, ꞌe he oho mau rō ꞌai kōrua pē ira ꞌina e tahi hape ꞌātā ki te hoki iŋa mai o Ietū.

Kōrosa 1:22

ꞌE hora nei, te ꞌAtua ko haka riva-riva haka ꞌou ꞌana i a kōrua ki a ia hai mate iŋa era o Ietū Kiritō pa he taŋata. Te meꞌe nei i aŋa ai ki tuꞌu ai a kōrua ki muꞌa o te ꞌAtua e maꞌitaki rō ꞌā ꞌina e tahi hara, ꞌe ꞌina e tahi hape mo tuhi atu.

1 Tētārōnika 2:19

Ka ai atu pē ira, ko te haŋa iŋa ꞌana a mātou mo hoki atu, he ꞌite o mātou he haka moe he oho mau rō ꞌai kōrua i te manaꞌu ꞌi ruŋa i a Ietū. Te meꞌe nei he koa e tahi mo mātou. ꞌE ꞌi te hora o tātou ka tuꞌu ena ki muꞌa o te tātou Pūꞌoko Haka Tere ko Ietū Kiritō, ꞌi te mahana o tōꞌona hoki iŋa mai, he koa a mātou mo kōrua ꞌe mo te hauhaꞌa o te mātou aŋa ꞌi roto i a kōrua.

1 Tētārōnika 3:11

E ani nei ki te ꞌAtua, he Matuꞌa o tātou, ꞌe ki te tātou Pūꞌoko Haka Tere ko Ietū Kiritō, mo hāꞌūꞌū mai, mo tuꞌu atu ki a kōrua ena.

1 Tētārōnika 3:2

ꞌe mo uŋa atu i te tātou taina ko Timoteo mo uꞌi i a kōrua. A ia he taŋata hāꞌūꞌū ꞌi te aŋa he haka ꞌite i te ⌊roŋo riva-riva o ruŋa i a Ietū Kiritō⌋. I uŋa atu ai e mātou mo ꞌata haka pūai ꞌe mo ꞌata haka haŋu i te kōrua haka moe iŋa i te manaꞌu ꞌi ruŋa i a Ietū,

1 Tētārōnika 4:15

ꞌO ira mātou e kī atu ena, pa he hāpī o te tātou Pūꞌoko Haka Tere: a tātou, te nuꞌu e ora nō ꞌā ꞌi te hora o te hoki iŋa mai o Ietū, e ko iri ꞌi raꞌe ki te nuꞌu mate.

1 Tētārōnika 4:17

ꞌE a tātou, te nuꞌu e ora nō ꞌā ananake ko te nuꞌu nei he maꞌu he iri ꞌi ruŋa i te raŋi tea-tea mo piri ki a Ietū ꞌi roto i te tokerau. Pē ira a tātou ka noho ena ꞌi muri i a ia ꞌina he hopeꞌa raꞌa.

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

2 Tētārōnika 1:7

ꞌe e vaꞌai rō mai i te ora ki a tātou, ki te nuꞌu ꞌamo i te ꞌati. Te meꞌe nei ka topa ena ꞌi te mahana o te hoki iŋa mai o te tātou Pūꞌoko Haka Tere ko Ietū Kiritō ananake ko tāꞌana merahi pūai mai te raŋi e haka vari tahi rō ꞌā e te ura o te ahi.

2 Tētārōnika 2:1

E te taina, hora nei ko haŋa ꞌana a mātou mo vānaŋa atu o ruŋa i te hoki iŋa mai o te tātou Pūꞌoko Haka Tere ko Ietū Kiritō, ꞌe o ruŋa i te taka-taka iŋa o tātou mo noho ꞌi muri i a ia.

Tanatiako 5:8

Pē ira takoꞌa ꞌana kōrua, e ꞌite mo tiaki ki tōꞌona tuꞌu iŋa mai e haka hio-hio rō ꞌana i te manaꞌu ꞌi ruŋa i a ia. E ko roa, paꞌi, ka tuꞌu haka ꞌou rō mai ena te tātou Pūꞌoko Haka Tere.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

Hura 1:14

A ꞌĒnoko, he hitu taŋata mai i a ꞌĀtamu, i vānaŋa rō pa he perofeta o ruŋa i te nuꞌu ena ꞌi te hora kī era pē nei ē: «I takeꞌa rō e au i te ꞌAtua e oho mai ꞌana koia ko tāꞌana merahi ka miꞌi ka miꞌi

Hura 1:24

Ki haꞌahana-hana tahi tātou ki te ꞌAtua, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa hai Ietū Kiritō, he Pūꞌoko Haka Tere o tātou. I te ꞌAtua mau nō te pūai mo hāpaꞌo i a tātou ꞌo oꞌo ki roto i te hara, ꞌe mo haka māroa i a tātou pe muꞌa ka oho ena ꞌi muꞌa i a ia ꞌi roto i tōꞌona pūai ꞌana-ꞌana e koa rō ꞌana ꞌe ꞌina e tahi hape. I a ia mau nō te nui-nui, te pūai, te parau o te meꞌe taꞌatoꞌa ꞌi muꞌa ꞌā, ꞌi te hora nei ꞌe ꞌina he hopeꞌa raꞌa. ⌊ꞌĀmene⌋.