1 Tētārōnika 3:11 - Rapa Nui

¹¹ E ani nei ki te ꞌAtua, he Matuꞌa o tātou, ꞌe ki te tātou Pūꞌoko Haka Tere ko Ietū Kiritō, mo hāꞌūꞌū mai, mo tuꞌu atu ki a kōrua ena.

1 Tētārōnika 3:11 ပူးပေါင်းရင်းမြစ်များ

Māteo 6:14

»Mo haka rehu o kōrua i te meꞌe ꞌino aŋa atu e te rua, te kōrua Matuꞌa o te raŋi he haka rehu takoꞌa i te kōrua meꞌe taꞌe tano aŋa.

Māteo 6:18

ꞌo ꞌite e te nuꞌu e tapu ꞌana a koe. ꞌE mo tuꞌu Matuꞌa o te raŋi, taꞌe takeꞌa e koe, e ꞌite. A ia, paꞌi, e ꞌite rō ꞌana i te meꞌe taꞌe ꞌite e te rua taŋata, ꞌe māꞌana e vaꞌai atu i te meꞌe mo koa.

Māteo 6:26

»E uꞌi rā te manu: ꞌina he ꞌoka, ꞌina he kato ꞌe ꞌina he hāpaꞌo i te kai ꞌi roto i te hare haꞌaputu kai. Ka ai atu pē ira, te Matuꞌa o kōrua ꞌi te raŋi e hāŋai rō ꞌana i a rāua. ꞌE a kōrua i hau rō atu ꞌi te hauhaꞌa ki te manu.

Māteo 6:32

Te ŋā meꞌe nei he meꞌe manaꞌu rahi e te nuꞌu taꞌe ꞌite ko ai te ꞌAtua parautiꞌa. ꞌE, a kōrua e ai rō ꞌana te Matuꞌa ꞌi te raŋi ko ꞌite ꞌana i te meꞌe mo te kōrua ora.

Māteo 6:4

E hāꞌūꞌū ꞌe ꞌina ko haka ꞌite ki te rua. ꞌE tuꞌu Matuꞌa o te raŋi takeꞌa i taꞌa meꞌe aŋa taꞌe ꞌite e te rua, he vaꞌai atu i te meꞌe mo koa ōꞌou.

Māteo 6:6

»Hora ena ōꞌou mo pure, e uru ki roto i tuꞌu piha e puru te ꞌōpani, ꞌai ka pure rō ki tuꞌu Matuꞌa o te raŋi taꞌe e ꞌite e te taŋata. ꞌE tuꞌu Matuꞌa o te raŋi takeꞌa i taꞌa meꞌe aŋa taꞌe ꞌite e te rua, he vaꞌai atu i te meꞌe mo koa ōꞌou.

Marko 1:3

Tōꞌona reꞌo e ŋaroꞌa rō ꞌi te kona ꞌone taꞌe noho taŋata: “¡Ka haka riva-riva te ara mo te Kiritō; ka mātaki e tahi ara tī-tika!”».

Ruka 12:30

Ko te ŋā meꞌe ena te meꞌe manaꞌu rahi e te taŋata o te ao, ꞌe a kōrua e ai rō ꞌana te kōrua Matuꞌa, ꞌe e ꞌite rō ꞌana mo hāpaꞌo atu.

Ruka 12:32

»E te māmoe ꞌāꞌaku ē, ꞌina ko riꞌa-riꞌa ꞌo te taꞌe rahi o kōrua. ꞌI te riva rahi o te Matuꞌa ko haꞌataꞌa ꞌana i a kōrua mo haka tere ꞌi muri i a ia ꞌi tōꞌona haka tere iŋa ꞌāpī.

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Rōmano 1:3

Te roŋo riva-riva nei o ruŋa o tāꞌana Poki ko Ietū Kiritō, he Pūꞌoko Haka Tere o tātou. I poreko ai mai te hakaara o ⌊Tāvita⌋, ꞌe hai ora iŋa haka ꞌou ōꞌona mai te mate, i haka aŋi-aŋi ai e te ⌊Vārua Maitai⌋ ki te taŋata: he Poki o te ꞌAtua ꞌe i a ia te pūai.

2 Kōrinto 6:18

ꞌe he riro au he Matuꞌa mo kōrua, ꞌe a kōrua mo ŋā poki ꞌāꞌaku. Pē ira te ꞌAtua, i a ia te pūai taꞌatoꞌa, i kī ai».

Karatia 1:4

A Ietū i vaꞌai ai i a ia mo mate mo haka kore e te ꞌAtua i te tātou hara ꞌe mo haka eꞌa i a tātou mai roto i te noho iŋa taꞌe tano o te ao, ꞌi te meꞌe era ko haŋa ꞌā e te ꞌAtua, Matuꞌa o tātou.

Kōrosa 1:2

he ꞌaroha atu ki a kōrua ki te nuꞌu taꞌatoꞌa haꞌataꞌa e te ꞌAtua māꞌana o Kōrosa, taina ⌊haka moe i te manaꞌu⌋ ꞌi ruŋa i a Ietū taꞌe haka rē i a ia ki te hora hopeꞌa. Ka ai ꞌi ruŋa i a kōrua te riva rahi ꞌe te haumārū o te ꞌAtua, Matuꞌa o tātou.

1 Tētārōnika 3:13

ꞌe, takoꞌa, mo hāꞌūꞌū i a kōrua mo ꞌata haka hio-hio i te manaꞌu ꞌi ruŋa i a ia, ꞌo ai tāꞌue e tahi meꞌe mo tuhi iŋa atu e te ꞌAtua ꞌi te hora ka tuꞌu ena ki muꞌa i a ia ꞌi te mahana o te hoki iŋa mai o te tātou Pūꞌoko Haka Tere ko Ietū koia ko te nuꞌu taꞌatoꞌa haꞌataꞌa māꞌana. ⌊ꞌĀmene⌋.

1 Tētārōnika 4:16

Pē ira ka topa ena: e ŋaroꞌa rō te reꞌo ohu o te merahi ra-rahi ꞌe te puhi iŋa o te koneta o te ꞌAtua. He topa mai ia a Ietū mai te raŋi, ꞌe te nuꞌu mā-mate haka moe i te manaꞌu ꞌi ruŋa i a ia he ora haka ꞌou.

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

2 Tētārōnika 2:16

ꞌE mā Ietū Kiritō mau ꞌā, Pūꞌoko Haka Tere o tātou, ꞌe mo te ꞌAtua, Matuꞌa o tātou, haŋa mai ꞌe vaꞌai mai hai riva rahi ōꞌona i te koa ꞌina he hopeꞌa raꞌa ꞌe i te ꞌite pē nei ē: pe muꞌa ka oho ena e vaꞌai rō mai i te meꞌe hōrea mai era e ia,

2 Tētārōnika 3:16

ꞌE mo te tātou Pūꞌoko Haka Tere, i a ia te haumārū, e vaꞌai atu ki a kōrua i te haumārū ꞌi te taꞌatoꞌa nō hora. Ka ai a ia ꞌi muri i a kōrua taꞌatoꞌa.

2 Tētārōnika 3:5

ꞌE mo te tātou Pūꞌoko Haka Tere ko Ietū e hāꞌūꞌū atu mo aŋi-aŋi i te rahi o te haŋa o te ꞌAtua ki a kōrua ꞌe mo ꞌite o kōrua mo haꞌaoromaꞌi hai pūai ꞌi te hora o te ꞌati, pa he oho iŋa era ōꞌona.

1 Iovani 3:1

Ka haka topa rā te kōrua manaꞌu ꞌi te rahi o te haŋa o te ꞌAtua Matuꞌa ki a tātou e kī mai ena e ia he ŋā poki tātou ꞌāꞌana, ꞌe he aŋi ꞌā, ꞌāꞌana mau ꞌā a tātou. ꞌO ira te nuꞌu o te ao haka tere hai manaꞌu taŋata e taꞌe māhani ena ki a tātou, he taꞌe māhani o rāua ki te ꞌAtua.

Meꞌe Haka Takeꞌa 21:3

ꞌE he ŋaroꞌa e au i te reꞌo pūai e tahi mai te kona pepe noho ꞌariki era e kī ꞌā: «Mai te hora nei pe muꞌa, ka noho ena te ꞌAtua ꞌi muri i tāꞌana taŋata. Ki a ia a rāua ka haꞌatura tahi ena. ꞌE ꞌina he ꞌAtua e ko haka rē i a rāua ki te hora hopeꞌa.