1 Tētārōnika 2:9 - Rapa Nui

⁹ E te taina, ko ꞌite ꞌana a kōrua pē hē mātou e aŋa era, ka pō ka ꞌōtea, mo ravaꞌa moni mo te mātou meꞌe hape hora era o mātou ꞌi muri i a kōrua, ꞌo ai mātou he meꞌe paŋahaꞌa e tahi mo ꞌamo e kōrua.

1 Tētārōnika 2:9 ပူးပေါင်းရင်းမြစ်များ

Ruka 18:7

Mo ai pē ira e manaꞌu era, ¿e ko hāꞌūꞌū hō te ꞌAtua ki te nuꞌu haꞌataꞌa e ia māꞌana pure ki a ia paurō te mahana? ¿E haka tiaki mau rō e te ꞌAtua?

Ruka 2:37

ꞌE, ki rā hora, ka vaꞌu ꞌahuru mā maha matahiti o tōꞌona hove. Te aŋa mau nō ꞌāꞌana, ka pō ka ꞌōtea, he noho ꞌi te Kona Haꞌamuri ꞌAtua, he pure ꞌe he tapu i te kai.

Aŋa o te ꞌĀpōtoro 18:3

ꞌI te meꞌe era te aŋa ꞌa Pauro pa he aŋa ꞌā o rā nuꞌu, he aŋa karapā, he noho ꞌi muri mo aŋa ananake.

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

Aŋa o te ꞌĀpōtoro 20:31

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua. E manaꞌu pē hē a au e hāpī atu era e tahi e tahi o kōrua, te pō te ꞌōtea, ꞌi roto i te matahiti e toru. ꞌE i rahi rō te mahana i taŋi ai a au mo kōrua.

Rōmano 1:1

He ꞌaroha atu a au, a Pauro, tāvini o Ietū Kiritō, haꞌataꞌa e ia mo ꞌāpōtoro mo haka ꞌite mo oho i te ⌊roŋo riva-riva o te ꞌAtua⌋

Rōmano 15:16

mo tāvini ki a Ietū Kiritō mo te riva-riva o te nuꞌu taꞌatoꞌa taꞌe he hūrio. Tāꞌaku aŋa pa he aŋa ꞌā o te ⌊oromatuꞌa⌋: he haka ꞌite ki te nuꞌu taꞌe he hūrio i te ⌊roŋo riva-riva o te ꞌAtua⌋, ki haka moe ai a rāua i te manaꞌu ꞌi ruŋa i a Ietū. Pē ira ka ai ena a rāua pa he meꞌe mo vaꞌai ki te ꞌAtua mo tōꞌona koa haka maꞌitaki e te Vārua Maitai.

Rōmano 15:19

ꞌe, takoꞌa, hai mana aŋa e au hai pūai vaꞌai mai e te Vārua o te ꞌAtua. Pē ira i haka mao riva-riva ai a au i te aŋa vaꞌai mai he haka ꞌite he oho i te roŋo riva-riva o ruŋa i te Kiritō mai Hērutarema ki te kona taꞌatoꞌa, ꞌātā ka tuꞌu rō ki Iriria.

1 Kōrinto 4:12

ꞌe e rohi-rohi rō ꞌana ꞌi te aŋa iŋa. E taro-taro mai ena e te nuꞌu, hai haꞌamaitai e haka hoki nei e mātou; ꞌe e tute mai ena mo tōtōā, he haꞌaoromaꞌi e mātou.

1 Kōrinto 9:15

ꞌE, ka ai atu e tano rō ꞌana a au mo no-noꞌi atu, ꞌina e tahi ōꞌoku mahana i no-noꞌi atu ki a kōrua, ꞌe taꞌe a au e pāpaꞌi atu ena mo vaꞌai mai o kōrua e tahi meꞌe. Mo vaꞌai mai o kōrua hai tara, e ko tano haka ꞌou a au mo kī pē nei ē: e haka ꞌite nei a au i te roŋo o te ꞌAtua taꞌe e ꞌauhau mai, ꞌe i hau rō atu i te tano mōꞌoku mo mate ꞌi te maruaki ki te taꞌe kī haka ꞌou pē ira.

1 Kōrinto 9:18

ꞌE i ai era pē nei, te ꞌauhau mōꞌoku he koa o te haka ꞌite o te oho i te roŋo riva-riva o te ꞌAtua taꞌe e ꞌauhau mai, te auraꞌa, ꞌina e tahi ꞌāꞌaku meꞌe no-noꞌi atu, ka ai atu e tano rō ꞌana a au mo aŋa pē ira.

1 Kōrinto 9:4

Te ꞌāpōtoro e tano rō ꞌā mo no-noꞌi hai meꞌe mo kai ꞌe hai meꞌe mo unu,

2 Kōrinto 11:27

ꞌI rā ŋā ara takoꞌa i rahi rō tāꞌaku aŋa ꞌe i rohi-rohi rō a au; i rahi rō te mahana ꞌina a au kai haꞌuru; ꞌi tōꞌona mahana i maruaki rō ꞌe i pohe rō ki te vai. I ai rō te mahana ꞌina a au kai kai, ꞌe kē mahana i takeꞌo rō ꞌi te kahu kore mo puꞌa.

2 Kōrinto 11:9

ꞌE, ꞌi rā hora era ōꞌoku ꞌi muri i a kōrua, e hape era tāꞌaku meꞌe, ꞌina a au he no-noꞌi atu. O te taina tuꞌu mai mai Mātērōnia i hāꞌūꞌū mai. A au, paꞌi, e uꞌi rō ꞌana ꞌo riro a au he meꞌe paŋahaꞌa e tahi mo kōrua, ꞌe pē ira a au e aŋa e oho nei ꞌi te kona taꞌatoꞌa o Ākāia. ꞌO ira, ꞌina e tahi kope o rā ŋā kona mo kī i tōꞌoku reo-reo ana teꞌo-teꞌo a au o ruŋa i te taꞌe no-noꞌi i te moni mo haka ꞌite i te roŋo riva-riva o te ꞌAtua. ꞌE tāꞌaku vānaŋa nei e kī atu ena pa he parautiꞌa ena ꞌā o tāꞌaku vānaŋa taꞌatoꞌa kī atu o ruŋa i te Kiritō.

2 Kōrinto 6:5

i te tiŋaꞌi, i te puru ꞌi roto i te hare maꞌuꞌaurī, i te haka tumu i te ture, i te aŋa paŋahaꞌa, i te taꞌe haꞌuru ꞌe i te maruaki.

Fīripo 4:16

ꞌĀtā ꞌi te hora era ōꞌoku ꞌi Tētārōnika, taꞌe nō e tahi haka maꞌu iŋa mai o kōrua hai moni.

1 Tētārōnika 1:3

E māuru-uru nei ꞌi te meꞌe era he manaꞌu nō te mātou aŋa pē hē kōrua e aŋa ena ki te ꞌAtua, ꞌo te ⌊haka moe i te manaꞌu⌋ ꞌi ruŋa i a Ietū, pē hē e hāꞌūꞌū ena ki te rua, ꞌo te rahi o te kōrua haŋa mo rāua, ꞌe pē hē e haꞌaoromaꞌi ena hai pūai ꞌi te hora o te ꞌati, ꞌo te ai e tiaki e oho rō ꞌā kōrua ki te hoki iŋa mai o te tātou Pūꞌoko Haka Tere ko Ietū Kiritō.

1 Tētārōnika 2:2

Ko ꞌite ꞌana e kōrua: ꞌi raꞌe ki te tuꞌu atu o mātou ki a kōrua ena i vā-vā ꞌe i tōtōā rō mai i a mātou ꞌi te kona era ko Fīripo. Ka ai atu pē ira, i hāꞌūꞌū nō mai te ꞌAtua mo haka ꞌite atu ki a kōrua i te ⌊roŋo riva-riva o ruŋa i a Ietū⌋ taꞌe e riꞌa-riꞌa ꞌe taꞌe e tapa atu i te nuꞌu riri mo mātou.

1 Tētārōnika 2:6

ꞌE, ki te hora hopeꞌa, ꞌina kai aŋa a mātou e tahi meꞌe hai manaꞌu mo haka paka o kōrua ꞌo o te tētahi atu nuꞌu i a mātou,

1 Tētārōnika 3:10

Ka pō ka ꞌōtea e ani nei ki te ꞌAtua mo haꞌatiꞌa i a mātou mo tuꞌu haka ꞌou atu ki muri i a kōrua, mo ꞌata haka ꞌite atu o ruŋa i a Ietū, ki pūai riva-riva ai te kōrua manaꞌu ꞌi ruŋa i a ia.

1 Timoteo 1:11

He hāpī nā o te roŋo riva-riva hopeꞌa o te nui-nui mo haka ꞌite e au, uŋa mai e te ꞌAtua, ki a ia ana haꞌahana-hana.

1 Timoteo 4:10

Mo ira, e Timoteo ē, e aŋa ꞌe e haka ꞌuhu e oho nei a tātou ꞌi te aŋa o te ꞌAtua ora, ꞌo te ꞌite e tātou e haka tano tahi rō i tāꞌana meꞌe kī. ꞌĀꞌana, paꞌi, te haka eꞌa i te taŋata taꞌatoꞌa mai roto i te ūtuꞌa o te hara ꞌe te vaꞌai i te ora ꞌāpī ꞌina he hopeꞌa raꞌa ana haka moe i te manaꞌu ꞌi ruŋa i a Ietū.

1 Timoteo 5:5

Te viꞌe hove o roto i te taina kope kore mo hāpaꞌo i a ia he ŋatu nō te haŋu ki te ꞌAtua mo hāꞌūꞌū. ꞌO ira ka pō ka ꞌōtea e pure e ani ena.

2 Timoteo 1:3

E Timoteo, hai māhatu maꞌitaki a au e aŋa nei ki te ꞌAtua, pa he meꞌe aŋa e tōꞌoku tupuna. ꞌE ꞌi tōꞌoku pure iŋa ꞌi te pō ꞌe ꞌi te ꞌōtea, e māuru-uru nei a au mōꞌou.