1 Tētārōnika 2:3 - Rapa Nui

³ Te meꞌe haka ꞌite atu era, paꞌi, e mātou, he parautiꞌa, ꞌe taꞌe hai manaꞌu taꞌe tano ꞌo hai manaꞌu mo reo-reo i haka ꞌite atu ai.

1 Tētārōnika 2:3 ပူးပေါင်းရင်းမြစ်များ

Aŋa o te ꞌĀpōtoro 13:15

I oti era te taiꞌo i te kona o ruŋa o te puka pāpaꞌi e ⌊Mōtē⌋ ꞌe i te kona o te puka pāpaꞌi e te perofeta, he kī e te nuꞌu pūꞌoko haka tere o tū hare pure era: «E kuā taina, mo ai o te kōrua meꞌe mo kī mo haka pūai i te manaꞌu o te nuꞌu nei, ka vānaŋa».

Aŋa o te ꞌĀpōtoro 4:36

Pē ira i aŋa ai e te taŋata ⌊rēvita⌋ e tahi te ꞌīŋoa ko ⌊Kōsē⌋ o te motu ko Tīpere, nape e te ꞌāpōtoro ko Verenāvē (te auraꞌa: «he kope hāꞌūꞌū i te rua»).

2 Kōrinto 11:13

A rāua he ꞌāpōtoro reo-reo e haka tuꞌu rō ꞌana i a rāua pa he ꞌāpōtoro o te Kiritō.

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

2 Kōrinto 4:5

ꞌIna a mātou he haka ꞌite he oho o ruŋa i a mātou. E haka ꞌite nei o ruŋa i a Ietū Kiritō, he Pūꞌoko Haka Tere o te taꞌatoꞌa. Te meꞌe mau nō haka ꞌite e mātou o ruŋa i a mātou: he tāvini mātou o te taꞌatoꞌa ꞌi te haŋa o mātou ki a Ietū.

2 Kōrinto 6:8

E ai rō ꞌā te nuꞌu haka nui-nui i a mātou, ꞌe te nuꞌu parauꞌino mai. E ai rō ꞌā te nuꞌu vānaŋa riva-riva ꞌe te nuꞌu vānaŋa rake-rake o ruŋa i a mātou. A rāua he kī nō mai te aŋa i te mātou reo-reo, ka ai atu he parautiꞌa te mātou meꞌe kī.

2 Kōrinto 7:2

¡E mātaki mai te kōrua māhatu! ꞌIna, paꞌi, a mātou kai aŋa atu e tahi meꞌe taꞌe tano, kai aŋa atu e tahi meꞌe mo haka tapa e tahi o kōrua mai te ara parautiꞌa o te ꞌAtua, ꞌe kai reo-reo atu mātou mo ravaꞌa moni.

1 Tētārōnika 2:11

Ko ꞌite takoꞌa ꞌana a kōrua pē hē a mātou i haka haŋu ꞌe i haka koa atu ai i a kōrua pa he meꞌe aŋa e te matuꞌa tane ki tāꞌana ŋā poki. Ko hatu atu ꞌā e mātou mo ai o te kōrua noho iŋa, noho iŋa tano o te nuꞌu o te ꞌAtua, kope kī mai ꞌi roto i te tātou māhatu mo oꞌo ki roto o te nūnaꞌa taŋata haka tere e ia, ꞌe ki roto i tōꞌona nui-nui.

1 Tētārōnika 4:7

Taꞌe, paꞌi, mo noho ꞌi roto i te hara i haꞌataꞌa ai e te ꞌAtua i a tātou i te nuꞌu haka moe i te manaꞌu ꞌi ruŋa i a Ietū; i haꞌataꞌa ai mo noho ꞌina e tahi hara.

2 Tētārōnika 2:11

ꞌI te taꞌe haŋa o rā nuꞌu ki rā parautiꞌa, he haka rē e te ꞌAtua i te reo-reo iŋa era o rā taŋata mo riro he parautiꞌa mo nei nuꞌu,

2 Pētero 1:16

Te hāpī haka ꞌite atu era e mātou o ruŋa i te pūai nui-nui o te tātou Pūꞌoko Haka Tere ko Ietū Kiritō ꞌe o ruŋa i tōꞌona hoki iŋa mai, taꞌe he ꞌaꞌamu e tahi. Hai mata mau nei ꞌā o mātou i takeꞌa ai i tōꞌona pūai nui-nui.