1 Tētārōnika 2:19 - Rapa Nui

¹⁹ Ka ai atu pē ira, ko te haŋa iŋa ꞌana a mātou mo hoki atu, he ꞌite o mātou he haka moe he oho mau rō ꞌai kōrua i te manaꞌu ꞌi ruŋa i a Ietū. Te meꞌe nei he koa e tahi mo mātou. ꞌE ꞌi te hora o tātou ka tuꞌu ena ki muꞌa o te tātou Pūꞌoko Haka Tere ko Ietū Kiritō, ꞌi te mahana o tōꞌona hoki iŋa mai, he koa a mātou mo kōrua ꞌe mo te hauhaꞌa o te mātou aŋa ꞌi roto i a kōrua.

1 Tētārōnika 2:19 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Marko 8:38

»Te taŋata o te hora nei taŋata hara ꞌe ꞌina he haŋa mai. Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ananake mātou ko te merahi ꞌi ruŋa i a au te pūai ꞌana-ꞌana o tōꞌoku Matuꞌa».

Iovani 21:22

He pāhono e Ietū: —Mo haŋa ōꞌoku mo taꞌe mate ōꞌona ꞌātā ki tōꞌoku hoki iŋa mai, taꞌe he meꞌe ꞌāꞌau. Ka aŋa ka oho nō koe i tāꞌaku meꞌe kī atu.

1 Kōrinto 15:23

ꞌe taꞌatoꞌa ꞌi tōꞌona hora: ꞌi raꞌe te Kiritō, ꞌe ki hoki mai a ia, he nuꞌu ꞌāꞌana.

1 Kōrinto 4:5

ꞌO ira, e haka kore te kōrua kī i te tano ꞌe i te taꞌe tano o te meꞌe aŋa e te rua. Ki tiaki tātou ki te hoki iŋa mai o te Kiritō. Māꞌana e haka ꞌite mai i te manaꞌu o te taŋata taꞌe ꞌite e te rua ꞌe he haka aŋi-aŋi mai he aha i manaꞌu ai pē ira. ꞌI rā hora e ture rō ꞌe e haꞌahana-hana rō e te ꞌAtua i te taꞌatoꞌa tano ki te rāua meꞌe i aŋa.

2 Kōrinto 1:14

i te mātou māhatu ꞌe i te mātou meꞌe aŋa, ki koa ai kōrua mo mātou, ꞌe pē ira takoꞌa ꞌana a mātou mo kōrua ꞌi te hora o te hoki iŋa mai o te tātou Pūꞌoko Haka Tere ko Ietū.

Fīripo 2:16

koia ko haka ꞌite ko oho i te vānaŋa o te ꞌAtua ki a rāua, vānaŋa vaꞌai i te ora ꞌāpī ꞌina he hopeꞌa raꞌa. Mo aŋa o kōrua pē ira, he koa a au mo kōrua ꞌi te hora o Ietū ka hoki mai ena ꞌo te ꞌite ōꞌoku pē nei ē: tāꞌaku aŋa aŋa atu ꞌi roto i a kōrua kai māuꞌa.

Fīripo 4:1

ꞌO ira, e te taina ē, e uꞌi e haka noho e oho te kōrua manaꞌu ꞌi ruŋa i a Ietū. E manaꞌu rahi rō atu ꞌana a au ki a kōrua, e haŋa rahi rō atu ꞌā, ꞌe hai kōrua a au e koa nei.

1 Tētārōnika 2:20

He aŋi mau ꞌā hai kōrua a mātou e koa nei.

1 Tētārōnika 3:13

ꞌe, takoꞌa, mo hāꞌūꞌū i a kōrua mo ꞌata haka hio-hio i te manaꞌu ꞌi ruŋa i a ia, ꞌo ai tāꞌue e tahi meꞌe mo tuhi iŋa atu e te ꞌAtua ꞌi te hora ka tuꞌu ena ki muꞌa i a ia ꞌi te mahana o te hoki iŋa mai o te tātou Pūꞌoko Haka Tere ko Ietū koia ko te nuꞌu taꞌatoꞌa haꞌataꞌa māꞌana. ⌊ꞌĀmene⌋.

1 Tētārōnika 4:15

ꞌO ira mātou e kī atu ena, pa he hāpī o te tātou Pūꞌoko Haka Tere: a tātou, te nuꞌu e ora nō ꞌā ꞌi te hora o te hoki iŋa mai o Ietū, e ko iri ꞌi raꞌe ki te nuꞌu mate.

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

2 Tētārōnika 1:4

ꞌO ira a mātou e vānaŋa nei hai koa o ruŋa i a kōrua ꞌi roto i te nuꞌu ⌊haka moe i te manaꞌu⌋ ꞌi ruŋa i a Ietū ꞌi te kona taꞌatoꞌa tuꞌu o mātou. E ꞌaꞌamu rō ꞌā e mātou pē hē kōrua e haka moe e oho nō ena i te manaꞌu ꞌi ruŋa i a Ietū, ꞌina he ꞌaka-ꞌaka te kōrua manaꞌu, ka ai atu e rahi rō ꞌana te ꞌati topa atu ꞌe e ai rō ꞌana te nuꞌu tute i a kōrua mo tōtōā.

2 Tētārōnika 1:7

ꞌe e vaꞌai rō mai i te ora ki a tātou, ki te nuꞌu ꞌamo i te ꞌati. Te meꞌe nei ka topa ena ꞌi te mahana o te hoki iŋa mai o te tātou Pūꞌoko Haka Tere ko Ietū Kiritō ananake ko tāꞌana merahi pūai mai te raŋi e haka vari tahi rō ꞌā e te ura o te ahi.

2 Tētārōnika 2:1

E te taina, hora nei ko haŋa ꞌana a mātou mo vānaŋa atu o ruŋa i te hoki iŋa mai o te tātou Pūꞌoko Haka Tere ko Ietū Kiritō, ꞌe o ruŋa i te taka-taka iŋa o tātou mo noho ꞌi muri i a ia.

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Tanatiako 5:7

E te taina, e ꞌite kōrua mo tiaki hai haumārū ꞌātā ki te tuꞌu iŋa mai o te tātou Pūꞌoko Haka Tere ko Ietū Kiritō. Te taŋata ꞌoka kai e ꞌite rō ꞌana mo tiaki ki te ꞌāvaꞌe ꞌua mo taiko o tāꞌana haꞌaꞌapu, ꞌe ꞌai ka kato iho.

Tanatiako 5:8

Pē ira takoꞌa ꞌana kōrua, e ꞌite mo tiaki ki tōꞌona tuꞌu iŋa mai e haka hio-hio rō ꞌana i te manaꞌu ꞌi ruŋa i a ia. E ko roa, paꞌi, ka tuꞌu haka ꞌou rō mai ena te tātou Pūꞌoko Haka Tere.

1 Pētero 5:4

Pē ira, ꞌi te hora o te tuꞌu iŋa haka ꞌou mai o te Pūꞌoko Haka Tere o te ŋāŋata hāpaꞌo māmoe taꞌatoꞌa, he haka hei atu i a kōrua hai meꞌe ꞌina e ko ŋaro ki te hora hopeꞌa, ko te meꞌe ena: he noho mau rō ꞌai kōrua ꞌi muri i a ia ꞌi roto i tōꞌona nui-nui ꞌana-ꞌana.

2 Pētero 1:16

Te hāpī haka ꞌite atu era e mātou o ruŋa i te pūai nui-nui o te tātou Pūꞌoko Haka Tere ko Ietū Kiritō ꞌe o ruŋa i tōꞌona hoki iŋa mai, taꞌe he ꞌaꞌamu e tahi. Hai mata mau nei ꞌā o mātou i takeꞌa ai i tōꞌona pūai nui-nui.

2 Pētero 3:4

ka ꞌui era: «¿Ko aha ꞌana rā te hōrea kī era pē nei ē: e hoki haka ꞌou rō mai te ⌊Kiritō⌋? Ko mā-mate tahi ꞌana te tātou matuꞌa, ꞌe ko te noho iŋa ꞌana ꞌō te meꞌe taꞌatoꞌa pa he hora aŋa era ꞌā e te ꞌAtua i te ao».

1 Iovani 2:28

ꞌĒ-ē, ꞌina kōrua ko haka tapa. Ka haka noho nō kōrua, e ŋā poki ē, ꞌi muri i te Kiritō, ꞌo haꞌamā kōrua ꞌe ꞌo riꞌa-riꞌa ꞌi muꞌa i a ia ꞌi te hora o tōꞌona hoki iŋa mai.

Hura 1:24

Ki haꞌahana-hana tahi tātou ki te ꞌAtua, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa hai Ietū Kiritō, he Pūꞌoko Haka Tere o tātou. I te ꞌAtua mau nō te pūai mo hāpaꞌo i a tātou ꞌo oꞌo ki roto i te hara, ꞌe mo haka māroa i a tātou pe muꞌa ka oho ena ꞌi muꞌa i a ia ꞌi roto i tōꞌona pūai ꞌana-ꞌana e koa rō ꞌana ꞌe ꞌina e tahi hape. I a ia mau nō te nui-nui, te pūai, te parau o te meꞌe taꞌatoꞌa ꞌi muꞌa ꞌā, ꞌi te hora nei ꞌe ꞌina he hopeꞌa raꞌa. ⌊ꞌĀmene⌋.

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.

Meꞌe Haka Takeꞌa 22:12

He kī haka ꞌou ia e Ietū: «He aŋi ꞌā, e ko roa hia au ka tuꞌu atu ena. E maꞌu rō atu a au i te meꞌe mo vaꞌai mo haka koa o te nuꞌu, tano ki te rāua meꞌe i aŋa.