1 Tētārōnika 2:18 - Rapa Nui

¹⁸ ꞌO ira a mātou i haŋa ai mo hoki atu ki a kōrua ena. ꞌE a au mau nei ꞌā, a Pauro, i uꞌi rō meꞌe rahi nō atu mahana mo hoki atu ꞌe, ꞌi a Rukifero, a mātou i taꞌe tuꞌu atu ai.

1 Tētārōnika 2:18 ပူးပေါင်းရင်းမြစ်များ

Māteo 4:10

He pāhono e Ietū: —¡Ka mahiti koe ka oho, e Rukifero ē! Ko pāpaꞌi era ꞌana ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Rōmano 1:13

E te taina, e haŋa rō ꞌana a au mo ꞌite o kōrua e rahi rō ꞌā te mahana pohe ōꞌoku mo oho atu mo uꞌi i a kōrua, ꞌe ꞌātā ki te hora nei, ꞌī e piri nō mai ꞌā te meꞌe mo taꞌe tuꞌu atu ōꞌoku. Te meꞌe haŋa ꞌāꞌaku he takeꞌa mai ꞌi roto i a kōrua meꞌe rahi nuꞌu e pūai rō ꞌā te manaꞌu ꞌi ruŋa i te hāpī parautiꞌa o te ꞌAtua, ꞌe, takoꞌa, he ꞌata rahi o te nuꞌu haka ꞌou haka moe i te manaꞌu ꞌi ruŋa i a Ietū, pa he meꞌe topa ꞌi te tētahi atu kona o te nuꞌu taꞌe hūrio tuꞌu hāpī e au.

Rōmano 15:22

I rahi rō tōꞌoku mahana i manaꞌu mo oho atu mo uꞌi i a kōrua, ꞌe, ꞌi te rahi o tāꞌaku aŋa, e taꞌe ravaꞌa nei a au mo oho atu.

1 Kōrinto 16:21

A au, a Pauro, e pāpaꞌi atu ena i te ꞌaroha nei hai rima mau nei ꞌā ōꞌoku.

Fīripo 4:16

ꞌĀtā ꞌi te hora era ōꞌoku ꞌi Tētārōnika, taꞌe nō e tahi haka maꞌu iŋa mai o kōrua hai moni.

Kōrosa 4:18

ꞌĀꞌaku, a Pauro, i pāpaꞌi atu i te ꞌaroha nei hai rima mau nei ꞌā ōꞌoku. E uꞌi ꞌo rehu: ꞌī a au ꞌi roto i te hare maꞌuꞌaurī; e pure kōrua mōꞌoku. ꞌE ka ai ꞌi ruŋa i a kōrua te riva rahi o te ꞌAtua.

2 Tētārōnika 3:17

A au, a Pauro, e pāpaꞌi atu ena i te ꞌaroha nei hai rima mau nei ꞌā ōꞌoku. Pē ira a au e tāpaꞌo tahi nei i tāꞌaku parau pāpaꞌi.

Firemono 1:9

ꞌe ꞌina a au kai haŋa mo aŋa pē ira. ꞌI te ai o tuꞌu here mo te taina, te haŋa e no-noꞌi atu. ꞌĪ a au, a Pauro, korohuꞌa, e puru atu ena ꞌi te hora nei ꞌo te haka ꞌite o ruŋa i a Ietū Kiritō,

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.