1 Tētārōnika 2:16 - Rapa Nui

¹⁶ E haŋa era, paꞌi, mātou mo vānaŋa ki te nuꞌu taꞌe he hūrio o ruŋa i a Ietū, mo eꞌa o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa, ꞌina he haka rē i a mātou e nei ŋā hūrio mo vānaŋa. Pē ira e haꞌaputu e oho ena i te rāua hara ki te roa hopeꞌa. ꞌE hora nei, te meꞌe toe mo rāua he ūtuꞌa o te ꞌAtua.

1 Tētārōnika 2:16 ပူးပေါင်းရင်းမြစ်များ

Māteo 12:45

He oho rā tātane he tari ki ira e hitu tātane ꞌata hau ꞌi te taparahi-taꞌata ki a ia, he uru he noho tahi ꞌi roto i tū taŋata era, ꞌe he ꞌata ꞌati rā taŋata ki te hora raꞌe era. Pē ira ka topa takoꞌa ena ki te nuꞌu o te hora nei, he nuꞌu aŋa i te meꞌe taꞌe tano.

Māteo 23:32

¡ꞌO ira, ka haka mao te aŋa haꞌamata era e te kōrua tupuna!

Māteo 24:14

Te roŋo riva-riva o te ⌊haka tere iŋa ꞌāpī o te ꞌAtua⌋ e haka ꞌite rō ꞌi te kona taꞌatoꞌa mo ꞌite tahi o te taŋata o te ao; ki oti ka tuꞌu iho mai ena te hopeꞌa o te ao.

Māteo 24:6

»E ŋaroꞌa rō e kōrua i te parau ꞌāpī o te tamaꞌi o henua nei o henua era; ꞌe, ꞌina ko riꞌa-riꞌa. He topa mau ꞌā te meꞌe era, ꞌe, ka ai atu pē ira, kai hāhine ꞌā te hopeꞌa o te ao nei.

Māteo 3:12

Te kope nei e tuꞌu rō pa he kope maꞌu i te ope mo haka maꞌitaki i te tariko ꞌe mo haꞌataꞌa i te kave-kave paka-paka. He tariko te meꞌe ka hāpaꞌo era ꞌi roto i te hare haꞌaputu tariko, ꞌe he kave-kave ka tutu era ꞌi roto i te ahi ꞌina he mate».

Marko 16:16

Te kope haka moe i te manaꞌu ꞌi ruŋa i a au ꞌe haka ⌊papatito⌋ i a ia he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a au, he haka ūtuꞌa e te ꞌAtua.

Aŋa o te ꞌĀpōtoro 13:45

I takeꞌa era e te hūrio ra-rahi i te rahi o te taŋata, he mākota. He haꞌamata ia he vā-vā ꞌe he kī he reo-reo te vānaŋa ꞌa Pauro.

Aŋa o te ꞌĀpōtoro 13:50

ꞌE, tū ŋā hūrio ra-rahi era i vānaŋa taꞌe tano rō mo kuā Pauro ki te ŋā viꞌe hōnui ꞌe haꞌatura ki te haka tere iŋa ꞌa Mōtē, ꞌe ki te ŋāŋata hōnui takoꞌa o rā kona mo riri mo kuā Pauro, ꞌe he tute mai ira.

Aŋa o te ꞌĀpōtoro 14:19

He tuꞌu ia te nuꞌu hūrio mai Antiokia o Pitiria ꞌe mai Īkōnio, ꞌe hai vānaŋa o rāua, i haka riri ai i te nuꞌu o ira mo kuā Pauro. ꞌO ira i tamaꞌi ai i a Pauro hai māꞌea ꞌe, ꞌi te manaꞌu ko mate ꞌā, he to-toi he oho ki haho o tū kona era ko Rītara.

Aŋa o te ꞌĀpōtoro 14:2

Te hūrio taꞌe haka moe i te manaꞌu ꞌi ruŋa i a Ietū he haka tumu i te ture mo riri o te nuꞌu taꞌe he hūrio mo kuā Pauro.

Aŋa o te ꞌĀpōtoro 14:5

Te tētahi nuꞌu hūrio ꞌe taꞌe hūrio ananake ko te nuꞌu ra-rahi he haꞌaꞌau mo tōtōā ꞌe mo tamaꞌi hai māꞌea i tū ŋā ꞌāpōtoro era.

Aŋa o te ꞌĀpōtoro 17:13

I ꞌite era e te nuꞌu hūrio ra-rahi o Tētārōnika e haka ꞌite ꞌā a kuā Pauro i te ⌊roŋo riva-riva o te ꞌAtua⌋ ꞌi Vērea, he oho ki ira he haka tumu i te ture ꞌe he haka riri i te taŋata mo kuā Pauro.

Aŋa o te ꞌĀpōtoro 19:9

ꞌI rā kona te tētahi nuꞌu pūꞌoko hio-hio ꞌina he haŋa mo haka moe i te manaꞌu ꞌi ruŋa i a Ietū. Te aŋa nō he vānaŋa rake-rake ꞌi muꞌa o te taŋata o ruŋa i te ⌊Ara ꞌĀpī⌋ hāpī e Ietū. ꞌO ira a Pauro i haka tapa ai mai muri i rā nuꞌu, ꞌe he maꞌu i te nuꞌu haka moe i te manaꞌu ꞌi ruŋa i a Ietū ki te hare hāpī o te taŋata te ꞌīŋoa ko Tirano. ꞌI ira e vānaŋa era o ruŋa i te ꞌAtua paurō te mahana.

Aŋa o te ꞌĀpōtoro 21:21

I ŋaroꞌa rō e rāua e hāpī e oho ꞌana koe ki te hūrio taꞌatoꞌa noho i te tētahi henua mo taꞌe haꞌatura haka ꞌou ki te haka tere iŋa ꞌa Mōtē, mo taꞌe hore o te kiri o te kinoŋa o te ŋā poki, ꞌe mo taꞌe maꞌu haka ꞌou i te tātou haka tere iŋa.

Aŋa o te ꞌĀpōtoro 23:12

ꞌI te rua mahana he haꞌaꞌau te tētahi ⌊hūrio⌋ mo tiŋaꞌi mo haka mate i a Pauro, ꞌe he hōrea mo taꞌe kai ꞌe mo taꞌe unu haka ꞌou o rāua ꞌātā ka ravaꞌa rō mo tiŋaꞌi.

Aŋa o te ꞌĀpōtoro 24:9

Tū nuꞌu hūrio tuꞌu era ananake ko kuā Tereturo ꞌai e kī era he parautiꞌa mau ꞌā rā meꞌe.

Aŋa o te ꞌĀpōtoro 25:2

ꞌI ira i horo ai ki a ia e te nuꞌu ⌊oromatuꞌa ra-rahi⌋ ꞌe e te nuꞌu hūrio ra-rahi i te ture mo Pauro.

Aŋa o te ꞌĀpōtoro 25:7

I uru era a Pauro, he haka hāhine ki muri te nuꞌu ⌊hūrio⌋ oho mai Hērutarema ꞌe he tuhi meꞌe rahi nō atu hape taparahi-taꞌata, ka ai atu ꞌina e tahi rāua meꞌe mo haka takeꞌa he parautiꞌa mau ꞌā te meꞌe tuhi era e rāua.

Aŋa o te ꞌĀpōtoro 4:12

Te eꞌa mai roto i te ūtuꞌa o te hara ꞌe te ai o te ora ꞌāpī ꞌina he hopeꞌa raꞌa vaꞌai e te ꞌAtua, mai i a Ietū mau nō ana ravaꞌa. Te ꞌAtua, paꞌi, ꞌina kai vaꞌai ki te rua kope i te aŋa nei.

Aŋa o te ꞌĀpōtoro 9:23

Ko rahi ꞌā te mahana o Sauro ꞌi Rāmako, he haꞌaꞌau te nuꞌu hūrio ra-rahi o ira mo tiŋaꞌi mo haka mate,

1 Kōrinto 10:33

E meꞌe kōrua pē au. Te meꞌe aŋa, paꞌi, ꞌāꞌaku he uꞌi i te rāveꞌa mo haka koa i te taꞌatoꞌa. ꞌIna a au he uꞌi i te meꞌe mo tōꞌoku riva-riva nō, mo te riva-riva takoꞌa o te rua a au e uꞌi nei, mo eꞌa o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Karatia 5:11

E te taina, nā e ai rō ꞌā te nuꞌu kī o ruŋa i a au pē nei ē: e hāpī ꞌana a au ki te nuꞌu taꞌe he hūrio: mo tano o rāua ki te mata o te ꞌAtua, ꞌāmui ki te haka moe i te manaꞌu ꞌi ruŋa i a Ietū, e hore i te kiri o te kinoŋa. Mo ai o te vānaŋa nei he parautiꞌa, ¿he aha ia te nuꞌu ra-rahi o te ⌊hūrio⌋ e tute mai ena i a au mo tōtōā? Mo ai, paꞌi, pē ira mau ꞌā a au e hāpī nei, ꞌina ia rāua ko riri ꞌo te hāpī ōꞌoku o ruŋa i te mate era o Ietū ꞌi ruŋa i te tātaurō.

Ēfeto 3:13

ꞌE, ka ai atu ꞌī a au e ꞌamo atu ena i te ꞌati ꞌo te haka ꞌite ōꞌoku i te ⌊roŋo riva-riva o te ꞌAtua⌋, he ani atu a au mo taꞌe haka hōriŋa o te kōrua haka moe iŋa o te manaꞌu ꞌi ruŋa i a Ietū. E koa kōrua; te meꞌe nei mo te kōrua riva-riva.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

1 Tētārōnika 1:10

ꞌE e ꞌaꞌamu takoꞌa rō ꞌana rā nuꞌu pē hē kōrua e tiaki ena ki te hoki iŋa mai mai te raŋi o tāꞌana Poki ko Ietū, kope haka ora e te ꞌAtua mai te mate, ꞌe kope haka eꞌa i a tātou mai te ūtuꞌa taparahi-taꞌata, ūtuꞌa nā e tuꞌu rō mai.

2 Tētārōnika 2:10

Hai rauhuru nō atu meꞌe taꞌe tano ka reo-reo ena ki te nuꞌu ꞌi ruŋa i a rāua te ūtuꞌa o te ꞌAtua ꞌo te taꞌe haŋa mo haka moe i te rāua manaꞌu ꞌi ruŋa i te parautiꞌa o ruŋa i a Ietū Kiritō, mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

1 Timoteo 2:4

A ia e haŋa rō ꞌana mo eꞌa o te taŋata taꞌatoꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. E haŋa takoꞌa rō ꞌana te ꞌAtua mo ꞌite o te taŋata i te hāpī parautiꞌa pē nei ē:

ꞌEvereo 6:8

ꞌE mo tupu o te mauku pū-pū ꞌe te tētahi atu mauku rake-rake, ꞌina ia e tahi hauhaꞌa. He tohu e te ꞌAtua ꞌe, ka hopeꞌa era, he toꞌo mai he tutu.

Meꞌe Haka Takeꞌa 22:11

Ki tano rā hora, e haka rē kōrua i te nuꞌu aŋa i te meꞌe taꞌe tano mo aŋa mo oho nō i te rāua meꞌe taꞌe tano, ꞌe te nuꞌu aŋa i te meꞌe hano-hano mo aŋa mo oho nō i te rāua meꞌe hano-hano. ꞌE te nuꞌu aŋa i te meꞌe tano ki te mata o te ꞌAtua, ka aŋa ka oho nō i te rāua meꞌe tano, ꞌe te nuꞌu taꞌe hara ka noho nō rāua pē ira».