1 Tētārōnika 2:15 - Rapa Nui

¹⁵ O te ŋā hūrio nei i tiŋaꞌi i te tātou Pūꞌoko Haka Tere ko Ietū Kiritō, pa he tiŋaꞌi iŋa era ꞌi muꞌa ꞌā i te perofeta, ꞌe o rāua takoꞌa i tute i a mātou mai te ŋā tētahi kona era ꞌi ira e haka ꞌite era e mātou i te roŋo riva-riva o te ꞌAtua. Te ꞌAtua ꞌina he koa mo rāua ꞌo te rava uꞌi i te rāveꞌa mo taꞌe haka tano i te mātou aŋa, ꞌe nei aŋa mo te riva-riva o te taŋata taꞌatoꞌa.

1 Tētārōnika 2:15 ပူးပေါင်းရင်းမြစ်များ

Māteo 23:37

»¡E Hērutarema ē, e Hērutarema tiŋaꞌi i te perofeta, ꞌe tamaꞌi hai māꞌea i te nuꞌu uŋa e te ꞌAtua ē! ¡Ka hia rā nei mahana ōꞌoku i haŋa mo haka taka-taka i taꞌa ŋā poki pa he haka taka-taka iŋa o te ꞌuha i tāꞌana māꞌaŋa ꞌi raro i te karā, ꞌe ꞌina a koe he haŋa!

Māteo 27:25

He pāhono e te taŋata taꞌatoꞌa: —¡Mo mātou ia ꞌe mo te mātou ŋā poki te hape o te mate o te taŋata ena!

Māteo 5:12

E koa; ꞌi te raŋi e vaꞌai rō atu e te ꞌAtua i te meꞌe nui-nui mo haka koa i a kōrua. Pē ira takoꞌa i tōtōā ai i te perofeta o muꞌa ꞌā.

Ruka 24:20

ꞌE, i toꞌo nō e te ⌊oromatuꞌa⌋ ꞌe e te nuꞌu ra-rahi he vaꞌai mo haka ūtuꞌa ꞌe mo tiŋaꞌi ꞌi ruŋa i te tātaurō.

Aŋa o te ꞌĀpōtoro 12:3

I uꞌi era ko koa ꞌana te nuꞌu ⌊hūrio⌋ ra-rahi ꞌi te mate o Tanatiako, he haka ꞌa-ꞌaru takoꞌa i a Pētero. Te meꞌe taꞌatoꞌa nei i topa ai ꞌi te ŋā mahana era o te ⌊ŋoŋoro kai i te haraoa ꞌina he revaura⌋.

Aŋa o te ꞌĀpōtoro 2:23

I vaꞌai atu ai ki a kōrua mo haka tano o te aŋa manaꞌu ꞌāꞌana ꞌi muꞌa ꞌā; pē ira kōrua i haka tiŋaꞌi ai ꞌi ruŋa i te tātaurō hai rima o te taŋata taꞌe he hūrio.

Aŋa o te ꞌĀpōtoro 3:15

»Pē ira a kōrua i tiŋaꞌi i haka mate ai i te taŋata vaꞌai mai i te ora ꞌāpī ꞌina he hopeꞌa raꞌa. ꞌE, ka ai atu pē ira, ko haka ora ꞌā e te ꞌAtua mai te mate; a māua he mataꞌite.

Aŋa o te ꞌĀpōtoro 4:10

ꞌĪ a māua he kī atu ꞌi muꞌa i a kōrua ꞌe ꞌi muꞌa i te taŋata taꞌatoꞌa o Itaraera: te taŋata nei e māroa atu ena ꞌi muꞌa o kōrua i ora ai hai ꞌīŋoa o Ietū Kiritō o Nātāreta tiŋaꞌi e kōrua ꞌi ruŋa i te tātaurō, ꞌe haka ora e te ꞌAtua mai te mate.

Aŋa o te ꞌĀpōtoro 5:30

Te ꞌAtua o te tātou tupuna ko haka ora ꞌā i a Ietū tiŋaꞌi era e kōrua ꞌi ruŋa i te tātaurō.

Aŋa o te ꞌĀpōtoro 7:52

¿Ko ai o roto o te perofeta taꞌatoꞌa i taꞌe tōtōā e te kōrua tupuna? ꞌĀtā ko tiŋaꞌi ko haka mate ꞌana e rāua i te nuꞌu vānaŋa o ruŋa i te tuꞌu iŋa mai o te taŋata aŋa i te meꞌe tī-tika ꞌe ꞌina he hape, ꞌe ko tuꞌu mai ꞌā rā taŋata. »I tuꞌu mai era, he toꞌo mai e kōrua he vaꞌai ki te rima o te nuꞌu taꞌe haŋa ki a ia ꞌe he haka tiŋaꞌi he haka mate.

1 Kōrinto 10:5

ꞌE, ka ai atu pē ira, ꞌina he ꞌAtua kai koa mo te rahi raꞌa o te nuꞌu nei ꞌi te meꞌe era he hara nō te aŋa o rāua. ꞌO ira i mā-mate ai ꞌi te kona ꞌone taꞌe noho taŋata.

2 Kōrinto 11:26

ꞌI tōꞌoku ara taꞌatoꞌa i piri rō mai meꞌe rahi nō atu ꞌati: he rio ko ꞌata rahi ꞌā e te vai, he toke-toke, he haŋa o tōꞌoku taŋata he hūrio ꞌe o te nuꞌu o te rua henua mo tōtōā mai. I piri mai ai te ꞌati nei ꞌi te kona noho taŋata, ꞌi ꞌuta, ꞌi roto i te vaikava, ꞌe ꞌi muri i te nuꞌu kī e haka moe rō ꞌana a rāua i te manaꞌu ꞌi ruŋa i a Ietū ꞌe, te parautiꞌa, taꞌe pē ira.