1 Tētārōnika 2:14 - Rapa Nui

¹⁴ E te taina, te ꞌati topa atu era, he tute atu mo tōtōā i a kōrua e te nuꞌu o te kōrua henua, i topa takoꞌa rō ki te nūnaꞌa taŋata haka moe i te manaꞌu ꞌi ruŋa i a Ietū o te kona era ko Hūrea. A rāua, paꞌi, i tute takoꞌa rō e te nuꞌu o te rāua henua, he ⌊hūrio⌋, mo tōtōā.

1 Tētārōnika 2:14 ပူးပေါင်းရင်းမြစ်များ

Aŋa o te ꞌĀpōtoro 11:19

ꞌI te kimi mo tōtōā i te nuꞌu haka moe i te manaꞌu ꞌi ruŋa i a Ietū ki oti mai te mate era o ꞌĒteva, i maraŋa ai mai Hūrea te tētahi o rā nuꞌu ki Fenitia, ki te motu ko Tīpere ꞌe ki Antiokia. ꞌI rā ŋā kona i haka ꞌite i oho ai i te ⌊roŋo riva-riva o te ꞌAtua⌋ ki te nuꞌu hūrio nō.

Aŋa o te ꞌĀpōtoro 13:50

ꞌE, tū ŋā hūrio ra-rahi era i vānaŋa taꞌe tano rō mo kuā Pauro ki te ŋā viꞌe hōnui ꞌe haꞌatura ki te haka tere iŋa ꞌa Mōtē, ꞌe ki te ŋāŋata hōnui takoꞌa o rā kona mo riri mo kuā Pauro, ꞌe he tute mai ira.

Aŋa o te ꞌĀpōtoro 14:19

He tuꞌu ia te nuꞌu hūrio mai Antiokia o Pitiria ꞌe mai Īkōnio, ꞌe hai vānaŋa o rāua, i haka riri ai i te nuꞌu o ira mo kuā Pauro. ꞌO ira i tamaꞌi ai i a Pauro hai māꞌea ꞌe, ꞌi te manaꞌu ko mate ꞌā, he to-toi he oho ki haho o tū kona era ko Rītara.

Aŋa o te ꞌĀpōtoro 14:2

Te hūrio taꞌe haka moe i te manaꞌu ꞌi ruŋa i a Ietū he haka tumu i te ture mo riri o te nuꞌu taꞌe he hūrio mo kuā Pauro.

Aŋa o te ꞌĀpōtoro 14:4

Te nuꞌu o tū kona era ko vahi ꞌā e rua pāꞌiŋa: e tahi i haka roŋo ki te hūrio haka tumu i te ture, ꞌe te rua i haka roŋo ki te ⌊ꞌāpōtoro⌋ ko kuā Pauro.

Aŋa o te ꞌĀpōtoro 14:5

Te tētahi nuꞌu hūrio ꞌe taꞌe hūrio ananake ko te nuꞌu ra-rahi he haꞌaꞌau mo tōtōā ꞌe mo tamaꞌi hai māꞌea i tū ŋā ꞌāpōtoro era.

Aŋa o te ꞌĀpōtoro 17:13

I ꞌite era e te nuꞌu hūrio ra-rahi o Tētārōnika e haka ꞌite ꞌā a kuā Pauro i te ⌊roŋo riva-riva o te ꞌAtua⌋ ꞌi Vērea, he oho ki ira he haka tumu i te ture ꞌe he haka riri i te taŋata mo kuā Pauro.

Aŋa o te ꞌĀpōtoro 18:12

ꞌI te hora ko Karione te suerekao o Ākāia, he ꞌa-ꞌaru i a Pauro e te nuꞌu hūrio taꞌe haka moe i te manaꞌu ꞌi ruŋa i a Ietū ꞌe he maꞌu ki te hare ture pa he meꞌe haꞌaꞌau e rāua.

Aŋa o te ꞌĀpōtoro 8:1

ꞌE a Sauro e peꞌe rō ꞌā ki tū meꞌe aŋa era ki a ꞌĒteva. He haꞌamata ia, ꞌi rā mahana mau ꞌā, he kimi mo tōtōā i te nuꞌu ⌊haka moe i te manaꞌu⌋ ꞌi ruŋa i a Ietū o Hērutarema. Pē ira rā nuꞌu i maraŋa ai ki kona era ki kona era o Hūrea ꞌe o ⌊Tāmāria⌋; he ⌊ꞌāpōtoro⌋ nō te nuꞌu i taꞌe oho mai ira.

Aŋa o te ꞌĀpōtoro 8:3

ꞌE a Sauro e kimi ꞌana i te nuꞌu haka moe i te manaꞌu ꞌi ruŋa i a Ietū mo tōtōā. Ki hare era, ki hare era, e uru e to-toi era i te taŋata ꞌe i te viꞌe mo haka puru ꞌi roto i te hare maꞌuꞌaurī.

Aŋa o te ꞌĀpōtoro 9:1

A Sauro ia he haka riꞌa-riꞌa te aŋa hai mate i te nuꞌu ⌊haka moe i te manaꞌu⌋ ꞌi ruŋa i a Ietū. ꞌO ira i oho ai ki te ⌊oromatuꞌa hopeꞌa o te ra-rahi⌋

Aŋa o te ꞌĀpōtoro 9:13

I ŋaroꞌa era e ꞌĀnānia i te meꞌe nei, he kī: —E Ietū, ko rahi ꞌana te nuꞌu i vānaŋa mai o ruŋa i te taŋata ena ꞌe o te meꞌe taꞌe tano taꞌatoꞌa aŋa e ia ki tuꞌu taŋata ꞌi Hērutarema.

Aŋa o te ꞌĀpōtoro 9:31

ꞌI rā hora, ꞌi te taꞌe kimi haka ꞌou e te taŋata mo tōtōā, he ŋaroꞌa te ora e te nuꞌu haka moe i te manaꞌu ꞌi ruŋa i a Ietū o te kona taꞌatoꞌa o Hūrea, o Karirea ꞌe o ⌊Tāmāria⌋, ꞌe he haka hio-hio he oho i te rāua manaꞌu ꞌi ruŋa i a Ietū. He moꞌa nō te aŋa i te ꞌAtua, ꞌe, hai hāꞌūꞌū o te Vārua Maitai, e ꞌata rahi e oho era a rāua.

1 Kōrinto 10:32

ꞌIna kōrua ko aŋa i te meꞌe mo haka riri i te rua, ka ai he ⌊hūrio⌋, he taꞌe hūrio ꞌo he nuꞌu haka moe i te manaꞌu ꞌi ruŋa i a Ietū.

1 Kōrinto 7:17

Huru kē huru kē te tātou noho iŋa i vaꞌai mai ai e te tātou Pūꞌoko Haka Tere ko Ietū Kiritō: kē mo taureꞌa-reꞌa, kē mo hāipo-ipo, kē mo ꞌekaravo, mo taꞌe ꞌekaravo, mo ⌊hūrio⌋ ꞌe mo taꞌe hūrio. ꞌE tāꞌana meꞌe haŋa: he noho he oho taꞌatoꞌa o tātou pa he hora kī mai era e ia ꞌi roto i te tātou māhatu mo haka moe i te manaꞌu ꞌi ruŋa i a Ietū. Ko te meꞌe nei te meꞌe hāpī e au ꞌi roto i te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.

Karatia 1:22

Te taina haka moe i te manaꞌu ꞌi ruŋa i a Ietū o Hūrea kai takeꞌa hia ꞌana i a au.

1 Tētārōnika 1:1

A au, a Pauro, a Tirivano ꞌe a Timoteo he ꞌaroha atu ki a kōrua ki te nuꞌu taꞌatoꞌa o Tētārōnika haꞌamuri ki te ꞌAtua Matuꞌa ꞌe ki te Pūꞌoko Haka Tere ko Ietū Kiritō. Ka ai ꞌi ruŋa i a kōrua te riva rahi ꞌe te haumārū o te ꞌAtua.

1 Tētārōnika 1:6

ꞌE a kōrua ko haka tano ꞌana i te kōrua noho iŋa pa he noho iŋa ꞌana o mātou, ꞌe pa he noho iŋa takoꞌa o te tātou Pūꞌoko Haka Tere ko Ietū Kiritō. ꞌE, ka ai atu e topa rō atu ꞌana te ꞌati ꞌi ruŋa i a kōrua, i toꞌo nō kōrua i te roŋo nei mo kōrua hai koa vaꞌai atu e te Vārua Maitai.

1 Tētārōnika 3:4

Hora era, paꞌi, o mātou ꞌi muri i a kōrua ꞌā, i haka ꞌite rō atu mātou pē nei ē: e topa rō mai te ꞌati ꞌi ruŋa i a tātou ꞌe, ko ꞌite riva-riva ꞌana e kōrua, pē ira mau ꞌā i topa ai.

2 Tētārōnika 1:1

A au, a Pauro, a Tirivano ꞌe a Timoteo he ꞌaroha atu ki a kōrua ki te nuꞌu taꞌatoꞌa o Tētārōnika haꞌamuri ki te ꞌAtua Matuꞌa ꞌe ki te Pūꞌoko Haka Tere ko Ietū Kiritō.

2 Tētārōnika 1:4

ꞌO ira a mātou e vānaŋa nei hai koa o ruŋa i a kōrua ꞌi roto i te nuꞌu ⌊haka moe i te manaꞌu⌋ ꞌi ruŋa i a Ietū ꞌi te kona taꞌatoꞌa tuꞌu o mātou. E ꞌaꞌamu rō ꞌā e mātou pē hē kōrua e haka moe e oho nō ena i te manaꞌu ꞌi ruŋa i a Ietū, ꞌina he ꞌaka-ꞌaka te kōrua manaꞌu, ka ai atu e rahi rō ꞌana te ꞌati topa atu ꞌe e ai rō ꞌana te nuꞌu tute i a kōrua mo tōtōā.